تحریر: محمد حبیب مغل
گھریلو کبوتروں میں پیٹ کے کیڑے بن جانا ایک فطری عمل ہے۔  یہ کیڑے زیادہ تر کبوتر کی بڑی آنت میں رہتے ہیں۔ کچھ آنت کی دیواروں میں
اپنا سر گھسا کر خوراک حاصل کرتے اور کچھ آزادانہ طور پر ہضم شدہ گلوکوز کو چٹ کر جاتے ہیں۔ نتیجتاً کبوتر دانہ تو کھاتا ہے مگر دن بدن کمزور ہوتا جاتا ہے۔ بعض اوقات پرندہ موت کے منہ میں بھی چلا جاتا ہے۔ ان کی تعداد زیادہ ہوجانے پر مادہ انڈے نہیں دیتی اور نروں میں بانجھ پن ہوسکتا ہے۔

کریز کے موسم میں پیٹ میں موجود کیڑے چونکہ خوراک کو جزو بدن نہیں بننے دیتے تو باریک اور بے رونق پر نکلتے ہیں۔ بریڈنگ کے موسم میں مادہ کے اندر موجود ہونے پر مادہ سے حاصل شدہ انڈوں سے صحت مند بچے نہیں نکلتے۔ عموماً کبھی کبھار دونوں یا کبھی ایک بچہ کمزور رہ کر مرجاتا ہے۔ یہ کیڑے یا ورمز تین طرح کے ہوتے ہیں۔

ہیئر ورمز ، راؤنڈ ورمز، ٹیپ ورمز

پرندے میں کیڑوں کی موجودگی کی کچھ عام علامات

پرندے میں پیٹ کے کیڑوں کی موجودگی کی کچھ عام نشانیاں یہ ہیں کہ وہ کمزور اور سست ہو جاتا ہے، اس کی آنکھوں اور پنجوں کا رنگ پھیکا پڑ جاتا ہے، وہ لنگڑانے لگتا ہے، اس کا پوٹ بند ہو سکتا ہے جس سے خوراک ہضم نہیں ہوتی، وہ بیٹھ کرنے میں تکلیف محسوس کرتا ہے اور زور لگاتا ہے لیکن پھر بھی بے چین رہتا ہے، اس کا دم اوپر نیچے حرکت کر سکتا ہے، اور اس کی بیٹھ میں خون یا ثابت دانے نظر آ سکتے ہیں۔ یہ تمام علامات ظاہر ہونے پر پرندے کا علاج کروانا ضروری ہے

کبوتروں کے پیٹ کے کیڑوں کا علاج

کبوتروں کے پیٹ کے کیڑوں کے علاج کے لیے مختلف ادویات دستیاب ہیں، جن میں ایک مشہور دوا آسٹریلیا کی تیار کردہ “وارمز آؤٹ جیل (Wormsout Gel)” ہے۔ اس دوا کو استعمال کرنے کا طریقہ یہ ہے:

مقدار: 6 سے 8 سی سی وارمز آؤٹ جیل کو ایک لیٹر صاف پانی میں ڈالیں۔
مکسنگ: جیل کو پانی میں اچھی طرح مکس کرلیں تاکہ یہ یکجان ہو جائے۔
استعمال: یہ تیار شدہ محلول ہر کبوتر کو دس سی سی کے حساب سے پلائیں۔ یا پھر اسے 6 گھنٹے کے لیے کبوتروں کے سامنے بطور پینے کا پانی رکھ دیں۔

 کچھ شائقین یہ محلول دینے سے پہلے میٹھی روٹی کے تھوڑے سے بھورے ڈالتے ہیں۔ جبکہ کچھ خالی پیٹ دیتے ہیں۔ آپ دونوں طریقوں سے کرسکتے۔

ایک اور نئی دوا “موکسی ویٹ بھی دستیاب ہے جو کہ ایک لیٹر پانی میں 5 سی سی ڈال کر استعمال کی جاتی ہے اور اس کے بھی اچھے نتائج دیکھنے میں آئے ہیں۔

اس کے بعد ہماری مقامی ادویات ہیں جن میں اوکسافیکس، سسٹامیکس، نلزان پلس، لیوامیسول وغیرہ ہیں۔ پاؤڈر والی ادویات ایک لیٹر پانی میں 3 گرام نیم گرم پانی میں ڈالیں۔ یاد رکھیے مقدار سے تجاوز کرنے پر کبوتروں کے کچے پر گر جاتے ہیں۔ ایسے بچے جن کے پر ابھی نکل رہے ہوتے ہیں۔ وہ بالکل ننگے ہوجاتے ہیں۔ مادہ کی بیضہ دانی میں اسکے اپنے انڈے بھی ختم ہوجاتے ہیں۔ اس لیے مقدار سے تجاوز ہرگز نہ کریں اور کوشش کریں کہ کبوتروں یا طوطوں کے لئے مخصوص ادویات ہی استعمال کریں۔

کبوتروں کی ڈی ورمنگ کے حوالے سے چند اہم ہدایات

کبوتروں میں ڈی ورمنگ کرتے وقت تمام کبوتروں کو ایک جال میں نکال لیں اور صرف دوا ملا پانی ہی پینے کو دیں۔ کم از کم پانچ گھنٹے تک انہیں جال میں ہی رکھیں اور اس دوران کوئی خوراک نہ ڈالیں۔ اس وقت میں کافی کبوتروں کے پیٹ سے کیڑے نکل جائیں گے۔ پانچ گھنٹے بعد انہیں واپس کھڈے میں چھوڑ دیں اور کھڈے کی مکمل صفائی کریں۔ تاکہ کیڑوں کے انڈے دوبارہ کبوتروں کے ذریعے اندر نہ جائیں۔ ڈی ورمنگ لگاتار دو دن کرنی چاہیے۔ ڈی ورمنگ کے بعد کبوتروں کو روٹی کا بھورا یا 14 نمبر پولٹری فیڈ کھانے کو دیں۔

بعض اوقات کیڑے بڑی آنت میں زخم بنا دیتے ہیں، ایسے میں ڈی ورمنگ کے بعد کم از کم تین دن تک پینا ڈول، سپروفلاکساسین اور وائی ڈیلن ایل سیرپ، ہر ایک سیرپ سے 5 سی سی ایک لیٹر پانی میں ملا کر استعمال کروائیں۔ ڈی ورمنگ کے لیے بہترین وقت پرپٹائی سے پہلے یا بعد میں، بریڈنگ سے پہلے یا بعد میں، اور ایسے موسم میں جب درجہ حرارت کم از کم 30 ڈگری سینٹی گریڈ ہو۔

یہ بات ذہن میں رکھیں کہ کبوتروں میں موجود کیڑے کبھی بھی 100 فیصد ختم نہیں ہوتے۔ جو کیڑے رہ جاتے ہیں وہ دوا کے خلاف قوتِ مدافعت پیدا کر لیتے ہیں۔ اس لیے ہر تین ماہ بعد دوا تبدیل کر کے ڈی ورمنگ کرنا بہتر ہے۔

مختصر یہ کہ کبوتروں میں ڈی ورمنگ کے دوران صفائی، دو دن کا کورس، مناسب خوراک، زخموں کا علاج اور موسم کا خیال رکھنا ضروری ہے۔ ہر تین ماہ بعد دوا تبدیل کرنا بھی اہم ہے۔

• 
  ون لافٹ کبوتر ریسنگ
• 
  مٹی کے برتن کبوتروں میں فوائد اور نقصانات
• 
  مادیاں اور انڈے بریڈنگ سے متعلق اہم معلومات
• 
  گلودو کبوتر سیالکوٹی کبوتروں کا جدامجد
• 
  کبوتروں میں کنکر کا علاج اور علامات
• 
  کبوتروں میں سوکڑا اور معدے کا خراب ہونا
• 
  کبوتروں میں ڈی ورمنگ کی ضرورت
• 
  کبوتروں میں بیماری اور علاج – استاد خان محمد بارا
• 
  کبوتروں میں ایڈینووائرس اور احتیاطی تدابیر
• 
  کبوتروں کے پر ـ استاد خان محمد بارا
• 
  کبوتروں کی ویکسین کا استعمال کیوں ضروری ہے
• 
  کبوتروں کی پھڑکیں اور خصوصی احتیاط

The post کبوتروں میں ڈی ورمنگ کی ضرورت appeared first on Kabootar Parwari.

تحریر: استاد محمد حبیب مغل

بہرحال ہمارا آج کا موضوع کچھ الگ ہے اور ایک طرح سے اسی سے جڑا ہوا بھی ہے۔ اس موسم میں جیسے ہی کبوتر پھول کر بیٹھتے ہیں ہمارے زیادہ تر شائقین کے دل میں فوراً خیال آتا ہے کہ گرم مصالحے والا کاڑھا ہوا پانی بنا کر دیا ہے اور عام ذہنیت ہے کہ اگر کسی ماہر یا کسی استاد نے 5 مرچیں ایک کلو پانی میں ڈالنے کو کہی ہیں تو 10 ڈال دیتے ہیں کہ زیادہ پر اثر ہو اور کبوتر گرم ہوکر سردی کی شدت سے نکل آئے۔ مگر محترم دوستو کاڑھا ہوا پانی بغیر مشورے سے یا بتائی گئی مقدار سے زیادہ ڈالنا ایسے ہی نقصان کرتا ہے جیسے کوئی بھی دوسری دوا۔ یہاں کچھ مثالیں دے کر بات کو واضح کرتا ہوں

گرم مصالحے اور تاثیر

کالی مرچ تیسرے درجے کی خشک اور گرم تر ہے یہ جگر، معدے اور دماغ کے لیے بھی بہترین ہے۔ مگر حکماء حضرات تحقیق کے بعد کہتے ہیں کہ کسی بھی بندے کو اپنی ذات کے لیے روزانہ 5 کالی مرچوں سے زیادہ نہیں لینی چاہییں۔ دوسری صورت میں معدے میں تیزابیت، ورم اور گردے بھی متاثر ہوسکتے ہیں۔

Trending

مادیاں اور انڈے بریڈنگ سے متعلق اہم معلومات

دوسرے نمبر پر اجوائن کا استعمال اندھا دھند کیا جاتا ہے۔ بالکل کالی مرچ کی طرح یہ بھی بھوک بڑھاتی ہے۔ اس کی خوشبو کھانوں میں رونق لگا دیتی ہے۔ دیگر بھی لاتعداد فوائد کے ساتھ ساتھ اسکا زیادہ استعمال الرجی، مرگی، اور چکرانے جیسے مسائل پیدا کرسکتی ہے۔

دارچینی کے زیادہ استعمال سے دل کی دھڑکن تیز ہوتی ہے۔ الرجی اور جسم کا درجہ حرارت غیرمعمولی طور پر بڑھ جاتا ہے۔

اسی طرح بڑی الائچی کو بعض جید حکماء نے دوسرے درجے کا خشک اور گرم لکھا بعض نے تیسرے کا اس کا بھی زیادہ استعمال صحت کو فائدہ دینے کی بجائے نقصان دیتا ہے۔

یہ میں نے ابھی بڑے چار اجزاء کا بتایا۔ اس کے علاوہ شائقین اس میں لونگ، فلفل دراز، سونف اور پتہ نہیں کیا کیا ڈال دیتے ہیں۔ اس قدر زیادہ مصالحے کبوتر کو گرم رکھنے کی بجائے اس کے جگر میں گرمی پیدا کردیتے ہیں۔ وہ پیلی بیٹھیں شروع کردیتے ہیں، منہ پک جانے کی وجہ سے کنکر کا آغاز ہوجاتا ہے۔ کبوتر کھانے کی طرف رغبت کم کردیتے ہیں اور سوکھتے سوکھتے مرجاتے ہیں۔ لہذا میری گزارش ہے کہ کبوتر کے ڈربے کا درجہ حرارت مناسب رکھیں۔ دانہ اچھا ڈالیں ،پانی نیم گرم ڈالیں، وٹامن کا استعمال ہفتے میں دو دن کریں۔ انشاء اللہ کبوتر صحت مند رہیں گے۔

• 
  کبوتروں میں ڈی ورمنگ کی ضرورت
• 
  ون لافٹ کبوتر ریسنگ
• 
  Special Care in Humid Weather For Pigeons
• 
  How To Deal With Baby Pigeon Leg Paralysis
• 
  Digestion Issues in Pigeons Not To Worry Now
• 
  Pigeons and Rain -Important Things to Worry

The post سرد موسم، کبوتروں کے لیے گرم مصالحے کا کاڑھا appeared first on Kabootar Parwari.

تحریر و ترتیب: استاد محمد حبیب مغل

گلودو کبوتر کی پہچان

ان دنوں ۳۰ روپے کا بہترین جوڑا لگا ہوا مل جاتا تھا۔ ایک دفعہ جب ہم اس سے کبوتر لینے گئے تو اس نے ہمیں ایک سرمئی عرےی سا چینا کبوتر دیا۔ دم اور باہر کے دس دس پر نیم سیاہ گردن پر دونوں جانب چھلے یعنی سفید پر۔ نوک، پلک، پنجے اور آنکھیں بھی عرےی گرے رنگ کی، اس کبوتر کا کھڑے ہونے کا انداز بے حد شاہانہ تھا۔ اس کبوتر کے ساتھ اس نے ہمیں اسی نسل کی پھیکی مادہ دی اور کہا کہ جاؤ بچو یاد ہی کرو گے جوڑا لگا ہوا ہے۔

ان دنوں ہم لگے جوڑے کو بڑی اہمیت دیتے تھے کہ اس جھنجھٹ سے بڑی جان جاتی تھی۔ گھر آکر کچھ دن بعد پتا چلا کہ دونوں نر ہیں۔ خیر ان دونوں کبوتروں کو باندھ کر چھوڑ دیا اور اپنے گھر میں موجود دو مادیوں سے لگا دئیے۔ جب وہ پکے جوڑے لگ گئے تو ہم نے ان کے پر کھول دیئے۔ کافی دن وہ دونوں ہماری چھت پر موجود سیمنٹ کی بنی ٹینکی پر بیٹھتے اور نیچے آجاتے۔

گلودو کبوتر کی پرواز کا انداز

ایک دن ان میں سے ایک کبوتر اڑا اور ہمارے منہ کھلے کے کھلے رہ گئے کیونکہ اس کبوتر کا اڑنے کا طریقہ انتہائی عجیب تھا۔ اس نے چھت پر دو سے تین چکر لگائے اور بعد میں قلابازیاں کھاتا ہوا ایک ہی جگہ آسمان میں بند ہو گیا۔ سارا دن انتظار کرتے رہے کہ اب آتا اب آتا ہے مگر کبوتر ۴ بجے تک بالکل نظر نہ آیا۔ اس وقت ہم کبوتروں کو دانہ ڈال کر بیٹھے تھے کہ بالکل اسی طرح قلابازیاں کھاتا نیچے آیا اور گھر پر ۴ سے ۵ چکر کاٹ کر بیٹھ گیا۔ ہماری خوشی کی انتہا نہ رہی۔

پھر ہمارا معمول بن گیا کہ ہم نے اپنے کبوتروں کے ساتھ ان دونوں کبوتروں کو اڑادینا۔ دونوں ایک ہی طرز میں اڑتے تھے۔ وہ جونسرے بچے بھی نکالتے تھے اور جیسے آج کے بٹیرے ہیں ایسے بچے بھی نکالتے تھے۔ ان میں سے کچھ بچے باپ کی طرز پر ہی اڑتے تھے۔ ایک دن سخت گرمی کا موسم تھا بڑا چینا کبوتر اوپر سے آیا قلابازیاں شروع کی تو اس کا شاید پر شل ہوگیا یا پٹھا چڑھ گیا۔ وہ کافی بلندی سے ہمارے گھر سے کچھ فاصلے پر ایک تالاب میں گر گیا۔ ہم نے بڑی دوڑ لگائی مگر اس کبوتر کو پہلے ہی اس تالاب میں موجود کتوں نے زخمی کردیا تھا۔ یہ ہمارا سب سے غمگین دن تھا چھوٹا کبوتر ہمارے پاس کافی دیر رہا مگر پرواز بڑے میں زیادہ تھی۔

Trending

کبوتر کی سنبھال پرواز سے واپسی پر زبردست نسخے

علی والے اور چھت والے کبوتروں سے تعلق

یہ سارا واقعہ میں نے کینیڈا میں موجود اپنے دوست مرزا زوار صاحب کو سنایا اور کبوتر کا حلیہ بھی بتایا۔ انہوں نے کہا مغل صاحب وہ ایک نمبر گلودو کبوتر تھا۔ جس کا خون آج کے تقریباً تمام سیالکوٹی کبوتروں میں پایا جاتا ہے۔ بڑی تگ و دو کے بعد اس نسل کی کچھ تصاویر اکٹھی کی۔ نامور سینئر استاد بابا صدیقی کہتے تھے کہ یہ کبوتر علی والے اور چھت والے کبوتروں کے بلاواسطہ جد امجد ہیں اور بٹیرے اور 35 والوں کے بالواسطہ جد امجد ہیں سننے میں آیا ہے۔ بہرحال ایک بات بہت محسوس ہوتی ہے کہ ہم نے بھیڑچال میں بڑی بڑی اچھی نسلوں کو خود ختم کردیا۔

• 
  کبوتروں میں ڈی ورمنگ کی ضرورت
• 
  ون لافٹ کبوتر ریسنگ
• 
  Special Care in Humid Weather For Pigeons
• 
  How To Deal With Baby Pigeon Leg Paralysis
• 
  Digestion Issues in Pigeons Not To Worry Now
• 
  Pigeons and Rain -Important Things to Worry

The post گلودو کبوتر سیالکوٹی کبوتروں کا جدامجد appeared first on Kabootar Parwari.

تحریر و ترتیب : محمد حبیب مغل

 ایک تحقیق کے دوران اس بات کا پتہ لگا ہے کہ یہ بیماری شکاری پرندوں میں بھی منتقل ہوچکی ہے۔ جس سے ہر سال کئی شکاری پرندے موت کے منہ میں چلے جاتے ہیں۔ انگریز محقق اس بات پر متفق ہیں کہ اس بیماری کا سبب گندہ پانی، برتن اور دانہ ہے۔ بڑے کبوتروں میں یہ بیماری چپکے سے سرایت کرتی ہے اور ان سے بچوں میں منتقل ہوجاتی ہے۔

 پاکستان میں اس بیماری کے دو سیزن دیکھے گئے ہیں۔ ایک گرمی کا آغاز اور ایک اختتام مغربی ممالک میں ببریڈنگ والے کبوتروں کو جوڑے لگانے سے پہلے اس بیماری کی باقاعدہ ویکسینیشن کی جاتی ہے۔ مگر بدقسمتی سے ہمارے ہاں کوئی بھی دواساز کمپنی اس طرف توجہ نہیں دے رہی اور لوگ مجبوراً باہر سے منگوائی گئی ادویات مہنگے داموں لے کر استعمال کرتے ہیں۔ اس بیماری سے متعلق کچھ معروضات نوٹ فرمالیں۔

کبوتروں میں گلے کا زہر باد – علامات

سست یا ڈھیلے پرندے کو فوری طور پر پکڑ کرگلہ چیک کریں۔ گلے میں سفیدی، سفید دانے یا پنیر نما مادہ یا لیس ہونے کی صورت میں سمجھ لیں کام شروع ہوگیا ہے۔ مگر ایک بات یاد رہے کہ دوستو بعض اوقات یہ علامت ظاہر نہیں ہوتی مگر دوسری علامات ظاہر ہوجاتی ہیں۔ اس بیماری کے حملے کی صورت میں کبوتر پانی زیادہ پیتا ہے۔ دانہ نہ ہونے کے برابر کھاتا ہے۔ بخار ہوجاتا ہے۔

بیٹھ کا رنگ کریم وائٹ یا بوسکی رنگ کا ہوجاتا ہے۔ جس میں ظاہر ہے پانی زیادہ شامل ہوگا۔ کبوتر کا وزن بہت جلد کم ہوجاتا ہے۔ آنکھوں کی رنگت مدہم پڑ جاتی ہے۔ انتہائی حالات میں کبوتر بیٹھ کرنے میں بہت دقت محسوس کرتا ہے اور دم نیچے گرادیتا ہے۔

کنکر کا علاج

کبوتروں میں کنکر آجاۓ تو دانہ فوری تبدیل کریں۔ بہترین نعم البدل روٹی کے بھورے، خشک روٹیوں کو پانی میں بھگو کر یا پولٹری فیڈ ہے۔ واضح رہے کہ موٹا دانہ اس حالت میں فوری موت ہے۔

پانی میں لائزووٹ پولٹری پاؤڈر ایک کھانے کا چمچ تین لیٹر پانی میں ڈالیں۔ اگر یہ دستیاب نہ ہو تو کنکر کی دوا – ٹرائکو یا پیگوسن یا 4 ان 1  ایک گرام ایک لیٹر پانی میں ڈالیں۔ بیماری کی حالت میں رات گیارہ بجے وہی پانی دوبارہ پلائیں انشاءاللہ جلد اثر ہوگا۔ اگلی صبح روٹین کے مطابق او آر ایس یا لائزووٹ ڈالیں۔

دانے پانی کے برتن اچھے سے دھوئیں اور کھڈوں کو بھی فینائل سے دھونا فائدہ مند ہے۔ خاص نوٹ: اپنے کبوتروں کی بیماری کی حالت میں نہ کسی کو کبوتر دکھائیں نہ کسی کا شوق کرنے جائیں۔ یہ بیماری پھیلانے کا موجب ہے۔ معصوم پرندوں کی زندگی کے لئے ہر ایک سے شیئر کرسکتے ہیں۔ مگر نام مٹا کر شیئر کرنے کا مطلب کسی کی محنت کو چوری کرنا ہے۔

Trending

How To Treat Canker in Pigeons

• 
  کبوتروں میں ڈی ورمنگ کی ضرورت
• 
  ون لافٹ کبوتر ریسنگ
• 
  Special Care in Humid Weather For Pigeons
• 
  How To Deal With Baby Pigeon Leg Paralysis
• 
  Digestion Issues in Pigeons Not To Worry Now
• 
  Pigeons and Rain -Important Things to Worry

The post کبوتروں میں کنکر کا علاج اور علامات appeared first on Kabootar Parwari.

By: Ustad Habeeb Mughal

میرے نزدیک کبوتر کی سیان، عقلمندی کا پیمانہ کیسے دیکھا جائے ناپا جائے یا محسوس کیا جائے میرے ابھی تک مشاہدے سے ایک بات دیکھی ہے۔ عقل، سیان کبوتر کے کسی حصہ سے محسوس نہیں کی جاسکتی۔ ہر نسل کی سیان کی اپنی اپنی حدود ہیں۔

 مثال دیتا ہوں کہ ایک فینسی کبوتر کی عقل انتہائی محدود ہوتی ہے اور ہائی فلائیر کی بہت زیادہ۔ اب ہائی فلائیر میں ہر نسل کی سیان کا اپنا معیار ہے۔ سیالکوٹی کا الگ، ٹیڈی کا الگ اور کمگر کا الگ فیروزپوری کا الگ، معاملہ انسانوں جیسا ہی ہے۔

کسی کا بچہ پانچ سال میں حفظ کرلیتا ہے کوئی بچہ بارہ سال میں ناظرہ قرآن مکمل کرتا ہے۔ کچھ ساری عمر پڑھ ہی نہیں پاتے۔مطلب ہر نسل میں انتہائی عقلمند اور انتہائی بے وقوف پرندے بھی پائے جاتے ہیں۔۔

کبوتر کی سیان اور ہماری غلطیاں

مگر کچھ پرندے بے وقوف نہیں ہوتے ان کے گھر سے باہر رہ جانے میں دوسرے عوامل کارفرما بھی ہوتے ہیں. جیسا کہ لیٹ بچہ اڑانے سے اس کا جسم فربہ ہوجاتا ہے جلدی سانس چڑھتا ہے۔ بھرے پوٹ سے اڑانے سے بھی پرندے گر جائے گا۔ بیمار پرندے کو اڑانے سے، ناموافق موسم میں اڑانے سے، کریز میں اڑانے سے اور غلط کیمیا گری سے۔ دوران پرواز کڑل پڑنے، کاربوہائیڈریٹس ختم ہوجانے سے وغیرہ وغیرہ۔

اب اوپر بیان کی گئی صورتوں میں جب بھی پرندہ ضائع ہو سمجھیں کبوتر کی سیان میں کمی نہیں۔ اب ایک اور ممکن نکتے پر بات کرتے ہیں۔ ایک کبوتر بہت ہی عقلمند ہے اس کے پر اس قابل نہیں کہ وہ انہیں استعمال کرکے گھر پہنچ سکے تو وہ بھی ضائع ہوگا۔ مگر اس کو بے وقوف یا بھگوڑا نہیں کہا جاسکتا. مطلب کہ سیان ہونے کے ساتھ ساتھ اچھے پر ہونا بھی ضروری ہے۔

• 
  کبوتروں میں ڈی ورمنگ کی ضرورت
• 
  ون لافٹ کبوتر ریسنگ
• 
  Special Care in Humid Weather For Pigeons
• 
  How To Deal With Baby Pigeon Leg Paralysis
• 
  Digestion Issues in Pigeons Not To Worry Now

The post کبوتر کی سیان اور عقل کیسے دیکھی جائے appeared first on Kabootar Parwari.

اب سوال یہ ہے کہ کبوتر پروری میں لیجنڈ کون ہے؟ جو قابل احترام اساتذہ کرام ہمیں منظر پر نظر آتے ہیں کیا وہ لیجنڈ کی کیٹیگری میں آتے ہیں۔ ہم میں سے بہت سے شائقین کا یقیناً جواب ہوگا کہ بالکل یہ لیجنڈ ہیں میرا بھی یہی جواب ہے۔ لیکن کچھ سوالات ہیں شاید میرے گروپ میں موجود معزز ممبرز ان کے تسلی بخش جواب دے سکیں۔

کبوتر پروری میں لیجنڈ کون ہے؟

سارا سال مہاوت کی محنت اور عین بازیوں کے دنوں میں چھت پر مختصر وقت دینے پر کامیاب ہونے والے کھلاڑی کیا پروازی میدان کے لیجنڈ ہیں؟ بنے بنائے نسخہ جات لا کر انکا استعمال کرکے کامیاب ہونے والے کیا لیجنڈ ہیں؟

سارا سال دوستوں سے اور نامور گھروں سے بنے بنائے بچے اور کبوتر حاصل کرکے ان سے رزلٹ حاصلِ کرنے والے کیا لیجنڈ کے زمرے میں آتے ہیں؟ کیا لیجنڈ وہ نہیں ہیں جنہوں نے محنت کرکے وہ کبوتر سازی کی جس کی وجہ سے کوئی دوسرا لیجنڈ بن رہا ہے۔ پیسے کے بل بوتے پر بڑی بڑی عالی شان محافل منعقد کرنے والے یا انٹری فیس جمع کرکے ان پیسوں پر چوہدری بننے والے لیجنڈ ہیں؟

کیا لیجنڈ وہ نہیں ہیں جو چپکے سے نسخہ جات بناکر دے دیتے ہیں اور ان کا طریقہ بھی بتا دیتے ہیں؟ التماس ہے کہ پوری تحریر میں کسی بھی استاد یا پارٹی کو نشانہ نہیں بنایا گیا۔ یہ عام باتیں ہیں جو میں اپنے گردونواح میں دیکھتا آیا ہوں۔ لہٰذا گزارش ہے کہ جواب اخلاق کے دائرے میں رہ کر دیں خوشی ہوگی

لیجنڈ کبوتر باز کون ہے ؟ خان محمد بارا کی تحریر

لیجنڈ کی کچھ اقسام میری نظر میں آپ دوستوں سے شئیر کرتا ہو ۔ کسی کی دل آزاری ہرگز مقصد نہیں ۔ حادثاتی لیجنڈ: لیجنڈ کی اس قسم کے زیادہ تر لوگ حادثاتی طور پر یہ مقام حاصل کر لیتے ہیں۔ مگر زیادہ تر یہ اس معیار کو برقرار نہیں رکھ پاتے ۔

مالیاتی لیجنڈ: ایسے لیجنڈ لوگ دولت خرچ کر اپنی ساکھ بنائے رکھتے ہیں۔ ایسے لوگوں کو میڈیا کی بیساکھیوں کی بھی اشد ضرورت رہتی ہیں۔ اس قسم میں عقل مند زیادہ تر خاموش رہتے ہیں ۔

حقیقی لیجنڈ: ایسے لوگوں خداداد صلاحتیوں کے مالک ہونے کیساتھ مسلسل محنت کے نتیجہ میں یہ مقام حاصل کرتے ہیں ۔ ان کی گفتگو سے انکا علم و تجربہ ویسےہی جھلکتا ہے جیسے ڈبی میں پڑی کستوری سے خوشبو پھیلتی ہیں ۔ یہاں یہ بات قابل ذکر ہیں کسی بھی شعبہ میں ” لیجنڈ ” کا معیار مختلف لوگوں میں مختلف ہوتا ہے ۔

لیجنڈ اکثر دنیا سے جانے کے بعد مانے پہچانے جاتے ہیں۔ زندگی میں تو کچھ لوگ ان کے وجود سے خوف کھاتے ہیں۔ سچائی بڑی تلخ ھوتی ھے۔ کبوتر پروری کا شوق بڑا ھے مگر اس میں اکثر چھوٹے لوگ ہیں۔ کسی کے سالہا سال کی محنت سے بنے کبوتر چھتری والے۔ اچھے اڑ جائیں تو بےایمانی کا ٹیگ لگا دیں, لو فلائر کا لیبل لگا دیں۔ بڑا شوق اس لئے تھا کہ اس میں ہارنے والے جیتنے والوں کے گلے میں ہار اور مٹھائی لے کرجاتے تھے۔

اللہ کرے کہ آج کے کبوتر پرور کو بھی بیوپاری کے بجائے لیجنڈ بننے کا شوق اور آرزو ھو ,آمین

• 
  Best Quality Pigeons Sign to Notice
• 
  Best Racing Pigeon Eyes Hidden Secret Revealed
• 
  Canker Sore Treatment in Pigeons
• 
  Coccidiosis In Pigeons – How To Treat Cocci Disease
• 
  Diarrhea in Pigeons Big Problem for Fanciers
• 
  Digestion Issues in Pigeons Not To Worry Now

The post کبوتر پروری میں لیجنڈ کون؟ appeared first on Kabootar Parwari.

تحریر: استاد محمد حبیب مغل

 کوئی کہتا ہے کہ مراد نے یہ جوڑا ایک راجہ سے اس کی خدمت کے عوض حاصل کیا. کوئی کہتا ہے کہ راجہ سے صرف نر لایا تھا مادہ جونسری لگائی تھی۔ ایک روایت یہ بھی ہے کہ وہ نر علی والا تھا اور مادہ جونسری لگانے سے 35 والے وجود میں آئے۔

 خیر اس کی تاریخ بیان کرنا آج کی تحریر کا مقصد نہیں ہے. بلکہ اس خوبصورت اور پائیدار بریڈ سے متعلق اپنی زندگی کا تجربہ شیئر کرنا ہے۔

پینتس والے کبوتر اور میری زندگی کا تجربہ

آج سے تقریباً 25 سال پہلے کی بات ہے میرے نانا جی کے پاس بٹیرے، 35 والے، چوہے اور وحشی کبوتر مناسب تعداد میں موجود تھے۔ ابھی میرا شوق بہت ناپختہ تھا اور بزرگوں کی سخت مخالفت کیوجہ سے ڈربوں کی جانب جانے سے بھی ڈر لگتا تھا۔

 نانا جی طبیعت کے بھی سخت تھے. آہستہ آہستہ میرا رجحان دیکھ کر کچھ وقت بعد انہوں نے مجھے اپنے ان کبوتروں میں سے 4 کبوتر دئیے. 1 وحشی نر، 35 والی مادہ، چوہا جونسرا جوڑا. مجھے تب بھی پتہ نہیں تھا کہ یہ 35 والی مادہ ہے۔ ہم اس کو ٹوپی والی مادہ کہا کرتے تھے۔

پینتس والے کبوتروں کی پہچان

جہاں تک اس کی جسمانی ساخت اور حُلیہ کا تعلق ہے. اس وقت وہ مادہ ایسی تھی کہ اس پر گوشت صرف اتنا تھا کہ وہ ہڈیوں کو ڈھانپ سکے۔ ہاتھ میں پکڑ کر دیکھو تو سکے کی طرح مضبوط. پلکیں سرمئی، آنکھ میلی یا کٹی پھٹی نہیں تھی۔

واضح روشن آنکھ، پیازی ذرات سے بھرپور، نیلی جالی نما. جب اڑ کر آتے تو آنکھ کے ذرات اور تیز رنگت میں آجاتے. نوک اور پنجوں کے ناخن کالے مائل بھورے، پنجوں کا رنگ جامن، دم میں ایک یا دو لنگوٹ یعنی کالے پر. ٹوپی گہری بھوری اور اتنی حساس اور چاق و چوبند کہ چھت پر ہلکی سی چیز کی حرکت پر خبردار ہوجاتی. ملائمیت ایسی کہ ہاتھ سے پھسلتی. ہم نے شروع میں اسے 3 پر چھوڑ کر کاٹ دیا تھا وہ انہی 3 پروں پر اڑ جاتی۔

کبوتر بازی میں ریکارڈ پروازیں

بے حد حساس اور چاق چوبند، چست مادہ تھی جب اسے پردار کیا تو لاجواب پروازیں دیں اپنے پروازی دورانیہ میں کئی دفعہ شام کو بیٹھی کئی ون ٹو ون مقابلوں میں نمایاں کارکردگی دکھائی۔

 میں نے اسے اپنے دوست کے کہنے پر کاٹ کر بریڈنگ کے لیے رکھ لیا اور ایک ہرے کبوتر سے لگا دیا. پہلی جھول میں دونوں بچے چپڑے نکلے. ان بچوں نے بھی اپنی ماں کی طرح ایسی ناقابل فراموش پروازیں دیں کہ شاید تا زندگی یاد رہیں گی۔ یہ بچے سیان میں بھی انتہائی اعلیٰ درجے کے مالک تھے

پرانے پینتس والے کبوتر اور آج کے کبوتر

سیالکوٹ میں یہ معیاری کبوتر یوں تو کافی جگہوں پر موجود ہونگے. مگر میں نے استاد امتیاز ہیرا بیناں والے، شیخ احسان الٰہی، استاد گلزار، اور چند ایک دوسرے کھلاڑیوں کے پاس دیکھے ہیں۔

تحریر لکھنے کا مقصد یہ ہے کہ آج جس جسم اور آنکھ میں 35 والے یا بٹیرے کبوتر نظر آرہے ہیں اصل ان سے بہت دور تھے۔ میری تحریر کا مقصد کسی کی دل آزاری ہرگز نہیں. پھر اگر کسی کا دل دکھے تو پیشگی معذرت چاہوں گا۔

• 
  کبوتروں میں ڈی ورمنگ کی ضرورت
• 
  ون لافٹ کبوتر ریسنگ
• 
  Special Care in Humid Weather For Pigeons

The post پینتیس والے کبوتر خوبصورت اور پائیدار سیالکوٹی بریڈ appeared first on Kabootar Parwari.

تحریر: استاد محمد حبیب مغل

 کبوتر کی آنکھ دیکھ کر بتانا کہ یہ کبوتر بڑی گہرائی میں جاکر اڑے گا صریحاً گمراہ کن ہے۔ ایک کبوتر ہمیشہ اس گہرائی پر جاکر اڑتا ہے جہاں اس کا کمفرٹ زون یا کمفرٹ لیول ہے۔

آنکھ کے تل کی باریکی سے گہرائی کا کوئی تعلق نہیں. یہ ایک من گھڑت بات ہے. خود سوچیں کہ اگر آنکھ کے تل کا کبوتر کی پروازی گہرائی سے تعلق ہو تو سب پٹی والوں کا ریسر کبوتروں کی آنکھ کا کالا نور پھیلا ہوا ہو. کیونکہ وہ تو ڈوبتے ہی نہیں سامنے رہ کر پرواز کرتے ہیں۔

کیا کبوتر بلندی سے اپنا گھر دیکھتا ہے؟

 اب آتے ہیں دوسری بات کی طرف کہ کبوتر اوپر جاکر اپنے گھر کو دیکھتا ہے. تو برادران گرامی ایسا ہر گز نہیں کبوتر فضا میں ایک مقناطیسی دائرے میں رہ کر اڑتا ہے. 4000 سے 6000 فٹ کی بلند پر کبوتر اڑتا ہے. آپ خود ہی بتائیں کہ اگر آپ کبھی برج الخلیفہ جیسی اونچی عمارت کے ٹاپ پر جاکر نیچے دیکھیں تو نیچے کیا نظر آتا ہے۔

 بلند و بالا عمارات ریڈیو کے ایک کپیسٹر کی طرح نظر آتی ہیں. جبکہ آپ کی اطلاع کے لیے عرض ہے کہ آپ کی اپنی آنکھ کا لینز 576 میگا پکسل تک ہوتا ہے

پرندوں میں سب سے تیز نظر والا پرندہ عقاب ہے. جس کی آنکھ آپ کی آنکھ سے 6 درجے کم ہے یعنی 570 میگا پکسل. برج الخلیفہ کی اونچائی 2722 فٹ ہے اور کبوتر جناب 4000 فٹ کی بلندی پر اڑتا ہے. تو کہاں کی نظر کہاں گھر؟

خود ہی جمع تفریق کر لیں اور کیسا مضحکہ خیز لگے گا جب کبوتر دو ٹاور اوپر آکر اندھیرا ہوجانے کیوجہ سے گھر نہ بیٹھ سکے. جبکہ وہ 4000 فٹ اوپر سے گھر دیکھ رہا تھا۔ اگر کبوتر کی آنکھ کو سائنسی طریقے سے ڈسکس کیا جائے تو ہمارے اردگرد جو معلومات گردش میں ہیں جنہیں سن کو ہم عش عش کرتے رہتے ہیں وہ سب غلط ہوجائیں۔

 میں یہ سوچا کہ شائقین کو سائنس پڑھانے کی بجائے وہ نکات ڈسکس کر لئے جائیں جو عام فہم بندہ سمجھ لے اور اس سے ان کو شوق میں کچھ مدد بھی ملے۔

کبوتر کی آنکھ سے کیا پتہ چل سکتا ہے اور کیسے؟

کبوتر کی آنکھ سے اس کی نسل اور اس میں موجود کراس کی گئی دوسری نسل کا بھی پتہ چل سکتا ہے. اگر ایک ایسا کبوتر جوکہ بظاہر رنگ سے ٹیڈی لگ رہا ہے. مگر اس کی آنکھ گلابی ڈورا دے رہی ہے تو ہم مان سکتے ہیں کہ اس میں کمگر کراس ہے۔ بالکل اسی طرح اگر کوئی رنگ، نوک پلک سے کمگر کبوتر ہے مگر اس کی آنکھ میں نیلاہٹ زیادہ ہے تو ہم مان سکتے ہیں کہ اس میں فیروزپوری کراس ہے۔ اسی طرح اور بھی کئی دوسرے کراس کا سمجھنے والے آسانی سے سمجھ لیتے ہیں۔

کبوتر کی عمر اور آنکھ

بعض حالتوں میں کبوتر کی عمر کا پتہ چل سکتا ہے۔ جرے، امام دین، سادھنا کبوتر بڑی عمر میں جاکر انکھ میں نیلاہٹ لے آتے ہیں. جسے دیکھ کر سمجھ رکھنے والے اساتذہ آرام سے بتاسکتے ہیں کہ بڑی عمر کا کبوتر ہے. اسی طرح کچھ کبوتر بڑی عمر میں جاکر آنکھ کا رنگ مدہم کرجاتے ہیں۔

کبوتر کی آنکھ سے بیماری تشخیس کرنا

کبوتر کی آنکھ دیکھ کہ یہ پتہ چل سکتا ہے کہ کبوتر ماضی میں کبھی بڑی بیماری میں آیا۔ اکثر رانی کھیت لقوے جھولے کی بیماری سے بچ جانے والے کبوتروں کی آنکھوں میں سے ایک آنکھ کا رنگ مدہم پڑ جاتا ہے اور دوسری ٹھیک رہتی ہے۔

کبوتروں میں پیٹ کے کیڑے

کبوتر کے پیٹ میں کیڑوں کی موجودگی کا بھی کسی حد تک پتہ چلایا جاسکتا ہے۔ اچانک کبوتر کا وزن کم ہوتا ہے. جب پکڑ کر دیکھتے ہیں تو دونوں آنکھیں مدہم پڑ جاتی ہیں۔  چند دوسری علامات کے ساتھ جب یہ علامت ہم دیکھتے ہیں تو پتہ چل جاتا ہے کہ اس کے پیٹ کے کیڑے اس کا سارا گلوکوز چٹم کرجاتے ہیں۔

آنکھ سے ان بریڈنگ کے نقص دیکھنا

ان بریڈنگ کے نقص کا بھی آنکھ سے پتہ چل سکتا ہے۔ آنکھوں کی رنگت خراب ہوجائے یا آنکھوں کا سائز چھوٹا ہوجائے (جسے ہم پنجابی میں چنی آنکھیں کہتے ہیں) اور آنکھیں خشک سی بے نور سی لگنے لگیں تو سمجھ لیں کہ اس بات کا اشارہ ہے کہ آپ کے کبوتر ان بریڈ ہورہے ہیں۔

Pigeon Blog

• 
  ون لافٹ کبوتر ریسنگ
• 
  مٹی کے برتن کبوتروں میں فوائد اور نقصانات
• 
  مادیاں اور انڈے بریڈنگ سے متعلق اہم معلومات
• 
  گلودو کبوتر سیالکوٹی کبوتروں کا جدامجد
• 
  کبوتروں میں کنکر کا علاج اور علامات
• 
  کبوتروں میں سوکڑا اور معدے کا خراب ہونا

The post کبوتر کی آنکھ سے کیا پتہ چل سکتا ہے ؟ appeared first on Kabootar Parwari.

سفید نوک کے ٹیڈی کبوتر گہرے سبز کلسرے ، کلدمے ، چھاپدار، جالدار. آنکھیں بے حد شفاف ہلکی پیلی مائل سفید یا بالکل سفید. پلکیں سفید یا پیلی، لمبی باریک سفید یا الف نوک جبڑوں تک پیلی مائل سفید. ان کا گہرا رنگ اس بات کی دلیل ہے کہ یہ کبوتر بے حد خالص کبوتر ہیں۔

سفید نوک کے ٹیڈی کبوتروں کا رنگ

 اگر کسی کا خیال ہے کہ ان کا رنگ گہرا کرنے کے لئے بانکوں کا کراس کیا گیا ہے. تو پھر ان کی آنکھ بتاتی ہے کہ یہ خیال غلط ہے اگر ایسا کیا گیا ہوتا تو لازمی آنکھوں میں گہرا پن بھی آتا. البتہ ایک جگہ ایسا سننے کو ملا کہ ان میں فیروزپوری پر شامل کیا گیا ہے. اس بات کو مان لیتے ہیں. لیکن جب نوک کی باریکی اور صفائی دیکھتے ہیں تو دل مانتا نہیں کہ موٹی نوک کے فیروز پوری کبوتر ان میں شامل ہیں۔

سفید نوک کے ٹیڈی کبوتروں کی عادات

کبھی بزرگوں سے سنا کرتے تھے کہ فلاں نسل کے کبوتر اتنے سخت مزاج ہوتے تھے کہ ان کا بچہ ایک پنجرے سے نکال کر دوسری طرف ڈالا اور اس نے ایسی اداسی کی اور دانا نہ کھایا کہ جان سے ہی چلا گیا۔ ایسا صرف سنا تھا اب سفید نوک کے ٹیڈیوں میں یہ بات عام ہے. یہ ایسے ہی سخت مزاج ہوتے ہیں. ان کے بچے دوسری جگہ پر دانہ نہیں کھاتے. مادیاں کئی کئی ماہ انڈے نہیں دیتیں اور جب واپس گھر لا کر چھوڑو تو دوبارہ معمول کے مطابق انڈے دیتیں اور بچے نکالتیں ہیں۔

 اس بات کا میں خود شاہد ہوں، سفید نوک کے ٹیڈی بڑے کبوتر کسی دوسری جگہ جاکر بے حد تکلیف محسوس کرتے ہیں. دانہ کھانا کم کر جاتے ہیں۔ اس وجہ سے کئی دفعہ مر بھی جاتے ہیں. معزز اساتذہ کرام اس بات کو عقل کا انتہائی اول درجہ مانتے ہیں. تحقیق یہ کہتی ہے کہ یہ اوصاف صرف ان کبوتروں میں پائے جاتے ہیں جو اپنی نسل میں انتہائی خالص ہوتے ہیں۔

جبکہ جن ٹیڈیوں کو پروازی گردانا جاتا ہے ان کے رنگ اس قدر خراب اور پھیکے پڑچکے ہیں کہ وہ اپنے اصل رنگوں سے بہت دور نکل چکے ہیں. عقل کا یہ عالم ہے کہ جہاں مرضی چھوڑ لو جوڑا لگ جائے گا کھائیں گے پیئیں گے وغیرہ وغیرہ۔

ٹیڈی کبوتروں کی جسمانی ساخت

جس جوڑ ہڈی کی باتیں کبھی استاد لوگ سناتے تھے. اس پر جوڑ ہڈی کا کوئی ایک کبوتر ہوتا تھا. یہ سفید نوک کے ٹیڈی کبوتر ۹۰% فیصد یا اس سے بھی زیادہ اسی پر، جوڑ، ہڈی میں ملتے ہیں. آزما کر دیکھئے گا اور پر ایسے ملائم ہوتے ہیں کہ سراہنے کو دل چاہے۔

کچھ لوگوں کا خیال تھا کہ ان میں نیویں والے کبوتر شامل کئے گئے ہیں. کچھ کہتے ہیں کہ ان میں انڈین سہارنپوری شامل کئے گئے ہیں. یہ تمام مفروضات غلط ہیں۔

• 
  کبوتروں میں ڈی ورمنگ کی ضرورت
• 
  ون لافٹ کبوتر ریسنگ
• 
  Special Care in Humid Weather For Pigeons
• 
  How To Deal With Baby Pigeon Leg Paralysis
• 
  Digestion Issues in Pigeons Not To Worry Now
• 
  Pigeons and Rain -Important Things to Worry

The post سفید نوک کے ٹیڈی کبوتروں کی حقیقت appeared first on Kabootar Parwari.

تحریر استاد حبیب مغل

ایک روایت یہ ملتی ہے کہ نواب رستم علی خان والی ء رام پور کے بہنوئی ایک ایسی بیماری میں مبتلا ہوگئے کہ ان کے پاس موجود طبیب حضرات اپنی تمام کوششوں میں ناکام رہے۔

 ایسے میں نواب شیر خان کے والد حکیم نواب سردار خان جوکہ ایک جید اور مسند طبیب تھے نے ان کی علاج کا ذمہ اٹھایا۔ اللہ پاک نے انہیں شفاء دی۔ نواب شیر خان کے والد خود کھاتے پیتے اور صاحب ثروت گھرانے سے تعلق رکھتے تھے۔

 وہ علاج کے پیسے نہیں لیتے تھے۔ نواب رستم علی خان کے اصرار کے باوجود انہوں علاج کا معاوضہ نہ لیا۔ جب نواب رستم علی خان نے زیادہ اصرار کیا تو نواب سردار خان نے ان سے یہ کہا کہ میرے بیٹے کو کبوتروں کا بہت شوق ہے۔ تو نواب رستم علی خان نے دو جوڑے انتہائی اعلٰی نسل کے رام پوری کبوتروں کے تحفتاً نواب سردار خان کو عنایت کئے۔ یہ کبوتر ایسے قیمتی اور نواب صاحب کے پیارے تھے کہ ان کبوتروں کو نواب رستم علی خان اپنی خوابگاہ میں رکھتے تھے۔

ان کبوتروں میں سے ایک نر نواب شیر خان نے فیروز پوری مادہ سے لگایا۔ تو ایسے شاندار اور تن آور بچے نکلے کہ نواب شیر خان نے برجستہ کہہ دیا واللہ یہ تو نواب ہیں۔ یہ بانکے نواب ہیں۔ اس دور میں نواب خاندان کے ان نوجوانوں کو بانکا کہا جاتا تھا جو بے خوبصورت ہوتے تھے۔ وی چست پاجامہ کرتا اور اوپر پھندنے والی ٹوپی پہنے جب سینہ تانے باہر نکلتے تو انہیں بانکا نواب کہا جاتا ۔

Trending

Pigeon Life Cycle – What Is Important To Know ?

بانکے کبوتروں کی جسمانی ساخت

 بانکے کبوتر نوک سے لے کر کندھوں اور نیچے سینے تک گہرے سبز رنگ میں ہوتے ہیں۔ پہلی نظر میں کلسرے کبوتر لگتے ہیں۔ ان میں سفید ماتھے (بلے) کبوتر نہیں ہوتے۔ نوک مضبوط اور چھوٹی جبڑوں سے سفیدی مائل۔ ان کی آنکھیں ذرے دار گرے Grey ہوتی ہیں مگر جیسے جیسے عمر رسیدہ ہوتے جاتے ہیں آنکھوں میں جال لے آتے ہیں۔

بعض بانکے کبوتروں میں ہلکا گلابی پن بھی نظر آتا ہے۔ پلکیں گرے یا ہلکی پیلی اور کنارے کے دندانے باریک ہوتے ہیں۔ گردن پر اکثر کتھے رنگ کے پر بھی ہوتے ہیں۔ چلتے پھرتے موٹے محسوس ہوتے ہیں۔ مگر ہاتھ میں پکڑیں تو زیادہ تر پر اور گوشت کم۔ دم کالی سیاہ بغیر بندھ کے۔

بانکے کبوتر اور ان کی عادات

یہ کبوتر بھی بے حد حساس ہوتے تھے۔ اپنے گھر سے ایسا گہرا لگاو رکھتے کہ دوسری جگہ جا کر دانہ کھانا چھوڑ جاتے۔ ایک دفعہ میں ایک بچے کو دھوپ میں دیکھنے کے لئے ہاتھ میں پکڑ کر ابھی باہر بھی نہ نکلا تھا کہ اس نے تڑپ کر ہاتھ میں جان دے دی۔

اصل بانکے کبوتر ایسے تن کر کھڑے ہوتے تھے کہ دم اور پر زمین سے جالگتے ہیں۔ واضح پتہ لگتا تھا کہ پیچھے کیجانب دباو ہے۔ پاس جانے سے ایسی کپکپاہٹ کرنے لگ جاتے تھے کہ جیسے ابھی جان دے دیں گے۔

بانکے کبوتر سلیٹے بچے بھی نکالتے ہیں۔ مگر یہ سلیٹے آپس میں لگانے سے کلسرے بچے نہیں نکالتے۔ بانکے کبوتر کالی اور چاندی آنکھ کے بچے بھی نکالتے۔ انہی کبوتروں سے رام پوری کبوتر بھی نکلتے ہیں۔ جیسا کہ اوپر ذکر کیا گیا کہ بانکے کبوتر رام پوری کبوتروں سے وجود میں آئے۔

• 
  کبوتروں میں ڈی ورمنگ کی ضرورت
• 
  ون لافٹ کبوتر ریسنگ
• 
  Special Care in Humid Weather For Pigeons
• 
  How To Deal With Baby Pigeon Leg Paralysis
• 
  Digestion Issues in Pigeons Not To Worry Now
• 
  Pigeons and Rain -Important Things to Worry

The post بانکے کبوتر کی تاریخ پر ایک نظر appeared first on Kabootar Parwari.