تحریر: استاد خان محمد بارا

سوکڑے کی بیماری

سوکڑا بزات خود کوئی بیماری نہیں ہے بلکہ کسی دوسری بیماری کے ری ایکشن میں کبوتر سوکڑے کا شکار ہوتا ہے۔ تین وجوہات کی بنیاد پر کبوتر سوکڑے میں آتا ہے۔ آج ان تین وجوہات کی نشاندہی کرنے کی کوشش کرتا ہوں۔ اللہ کریم مجھے میرے اس نیک مقصد میں کامیابی اور کامرانی عطا فرمائے آمین۔

کبوتروں میں سوکڑا اور پیٹ کے کیڑے

کبوتر کو سوکڑے میں مبتلا کرنے میں سب سے زیادہ کردار کبوتر کے جگر اور پیٹ کے کیڑوں کا ہوتا ہے۔ اکثر شوقین دوستوں سے بات کر کے مجھے اس بات کا اندازہ ہوا کہ شوقین دوست پیٹ کے کیڑوں کو کبھی سیریس ہی نہیں لیتے۔ جو شوقین دوست پیٹ کے کیڑوں کا سدباب کرنے کی کوشش کرتے ہیں۔ ان کا طریقہ کار بالکل بھی ٹھیک نہیں ہوتا۔ ہوتا یوں ہے کہ شوقین ڈی ورمنگ کر کے خود کو مطمئین کر لیتے ہیں کہ کبوتر کیڑوں سے پاک ہو گئے ہیں۔ جبکہ ایسا ہرگز نہیں ہوتا۔

یہ صرف کم معلومات ہونے کی وجہ سے ہوتا ہے۔ اسی وجہ سے بہت سارے پرندے پیٹ کے کیڑوں کی وجہ سے ہی جان سے چلے جاتے ہیں۔ آج کچھ نشانیاں بتانے کی کوشش کرتا ہوں جس سے اندازہ لگایا جا سکتا ہے کہ کبوتر کے پیٹ میں کیڑے ہیں۔

کبوتر میں پیٹ کے کیڑے ہونے کی نشانیاں

کبوتر وزن کم کر رہا تو اسے لازمی ڈی ورمنگ کریں۔ ہاتھ میں پکڑ کر چیک کریں گے تو کبوتر اندر سے کھوکلا سا محسوس ہو گا۔ کبوتر کی ہڈی کے اطراف میں جو گوشت ہوتا ہے وہ پلپلا سا ہو چکا ہو گا۔ ہڈی کا گوشت سخت پن چھوڑ چکا ہو گا۔ اور ایسا وہ کبوتر شو کریں گے جن میں کیڑوں کی بہتات ہو چکی ہو گی۔

دوسرا کبوتر اپنی ناک کے اوپر والے پر اکثر اٹھا کر رکھے گا۔ اس کی پھرتیاں ماند پڑھ چکی ہونگی۔ کبوتر دانا بھی پورا نہیں کھائے گا اور زیادہ تر پتلی بیٹھیں کرے گا۔ جو مختلف رنگ کی ہو سکتی ہیں ۔

تیسرا جب کبوتر کی پوٹ میں جگہ نا ہونے کی وجہ سے پیٹ کے کیڑے گردن میں آ کر بسیرا کر لیتے ہیں۔ تو وہ گردن کے گوشت میں اپنا منہ پیوست کر لیتے ہیں۔ جس کی وجہ سے کبوتر گردن ملنا شروع کر دیتا ہے۔ یہ کیڑوں کی لاسٹ سٹیج ہوتی ہے۔ کیونکہ جسم کی انتڑیاں اندر اور باہر والی پوٹ اور جگر کیڑوں سے بھر چکے ہوتے ہیں۔ گلے کے اندر لیس دار رطوبت نظر آنے لگے گی۔ کبوتر کے گلے کا رنگ سرخ سے سفیدی مائل ہو جائے گا۔

کبوتر کو سانس لینے میں دشواری ہونا شروع ہو جائے گا اور یہ بہت بری حالت ہوتی ہے۔ کبوتروں کے پر سخت ہونا شروع ہو جاتے ہیں۔ پر کے پتوں میں دراڑیں سی نظر آنا شروع ہو جاتی ہیں۔ پورے وجود میں خشکی سی آ جاتی ہے۔ اس قدر کمزور ہونے کے بعد دوسری بیماریاں کبوتر کو اپنی لپیٹ میں لینا شروع کر دیتی ہیں۔ اور بہت سے قیمتی جانور جان سے چلے جاتے ہیں۔

کیڑوں سے بچاو کا طریقہ

سب سے پہلے مٹی کے برتنوں میں پانی ڈالنا بند کر دیں۔ بلکہ پلاسٹک کے ڈبے پانی کے لیے استعمال کریں۔ اور جب بھی پانی بدلیں ڈبوں کو اندر اور باہر سے صابن سے اچھی طرح دھو کر استعمال میں لائیں۔ پلاسٹک کے ڈبوں کے اوپر کوئی کینالی الٹی کر کے رکھ دیں تاکہ کبوتر ڈبے پر بیٹھ کر بیٹھ کرے تو وہ بیٹھ سلپ ہو کر پانی کے اندر نا جا سکے۔ ہر وہ طریقہ استعمال کریں جس سے بیٹھ پانی میں نا جا سکے۔

اوکسافیکس سیرپ آدھا سی سی اور 5 سی سی پانی ملا کر دو دن لگاتار دانے کے بعد دیں۔ پھر یہی عمل ایک بار پھر 12 دن کے بعد دھرائیں۔ دو دن اوکسافیکس دینے کے بعد تیسرے دن اینروسول ایس سیرپ ایک لیٹر پانی میں دو سی سی ملا کر دانے کے بعد شام تک یہی پانی پلائیں۔

نوٹ۔ کچے پروں میں اوکسافیکس ہرگز نا دیں ورنہ تمام کچے پر گر جائیں گے۔ جوڑوں والے کبوتروں کو رات کو اوکسافیکس دیں اور تمام لائٹ بند کر دیں تاکہ کبوتر اوکسافیکس والا پانی بچوں میں منتقل نا کر سکیں۔ اگر کبوتروں نے اوکسادیکس والی پانی چھوٹے بچوں میں منتقل کر دیا جن کے پر ابھی کچے ہیں۔ تو وہ تمام بچے پر گرا دیں گے۔ اس لیے احتیاتی طور پر رات کو اوکسافیکس دیں اور جن کبوتروں کو اوکسافیکس دیں ان کو جال میں ہی چھوڑیں کھڈے کے اندر نا جانے دیں۔ تاکہ بچوں کو چوگ نا دے سکیں اور جب سب کو اوکسافیکس دے لو تو سب کبوتروں کو کھڈے میں کر کے لائٹ بند کر دیں۔

کبوتروں میں سوکڑا ہونے کی دوسری وجہ

کبوتر کسی وائرس کی بیماری موسمی بیماری یا جسم میں کسی بھی قسم کا انفیکشن کی صورت میں دانا کم کھاتا ہے جس کی وجہ سے کمزور ہو کر سوکڑے کی صورت اختیار کر لیتا ہے۔ ایسی صورت حال میں کبوتر کی موجودہ بیماری کا پرفیکٹ علاج نا کیا جائے تو کبوتر بیماری کی شدت سے سوکھ کر ہی مر جاتا ہے۔

کبوتروں میں سوکڑا ہونے کی تیسری وجہ

خراب دانا یا زہریلا دانا اور حفظان صحت کے اصولوں کے منافی دانا بھی کبوتر کو اندر سے روز بروز کمزور کرتا ہے۔ اور آخر کار سوکڑے کی صورت سامنے آ جاتی ہے۔ اس لیے ہمیشہ دانا چیک کر کے مارکیٹ سے خود خریدیں۔ دھڑبیوں سے ملنے والا دانا زیادہ تر پلیوٹڈ دانا ہوتا ہے۔ جو کبوتروں کو سوکڑے کے علاوہ دوسری بہت سی بیماریوں کا موجب بھی بنتا ہے۔ اس لیے دھڑبیوں سے دانا نا خریدیں۔ کھڈے میں ضرورت سے کم کبوتر رکھیں۔ کھڈوں میں رش بھی بہت سے مسائل پیدا کرتا ہے۔ صفائی ستھرائی کا خاص خیال رکھیں۔

معدے کا خراب ہونا اور الٹیاں کرنا

پیٹ کے کیڑوں کی بہتات بہت بڑی وجہ ہوتی ہے۔ پیٹ خراب ہونے کی اور الٹیاں کرنے میں بھی ان کیڑوں کا بہت بڑا کردار ہوتا ہے۔ لیکن موسمی بیماریاں اور ان موسمی بیماریوں کے درمیان گندے پانی اور گندے دانے کا استعمال معدہ خراب کرتا ہے اور الٹیاں بھی اسی کا ہی ردعمل ہوتی ہیں۔

کوئی سی دوائی جس کا فارمولا اینروفلاکساسن ہو۔ اسے فی لیٹر دو سی سی ملا کر دانے کے بعد استعمال کریں۔ رات کو رائزک 20 کا ساشے لیکر ایک گلاس پانی میں حل کریں اور صرف ان کبوتروں کو 5 سی سی دیں جو الٹی کر رہے ہوتے ہیں۔ 5 دن تک یہ عمل دھرائیں۔

شفا منجانب اللہ ہے اور اللہ کریم بہت ہی بڑا کارساز ہے۔ دوستو میری اس تحریر کو زیادہ سے زیادہ شیئر کریں تاکہ ہر شوقین تک میری یہ تحریر پہنچے اور کسی جاندار کی جان بچ سکے۔ حقیر استاد خان محمد بارا فرام لاہور۔

• 
  کبوتروں میں ڈی ورمنگ کی ضرورت
• 
  ون لافٹ کبوتر ریسنگ
• 
  Special Care in Humid Weather For Pigeons
• 
  How To Deal With Baby Pigeon Leg Paralysis
• 
  Digestion Issues in Pigeons Not To Worry Now
• 
  Pigeons and Rain -Important Things to Worry

The post کبوتروں میں سوکڑا اور معدے کا خراب ہونا appeared first on Kabootar Parwari.

دوستو ایک بات زہن میں ازبر کر لیں کہ اگر کبوتر صاف پانی پی رہا ہے اور پیا جانے والا پانی جراثیم سے پاک ہے۔ جس برتن میں کبوتر پانی پیتے ہیں وہ بالکل حفظان صحت کے اصولوں کے مطابق جراثیم سے آلودہ نہیں ہے۔ جو دانا کبوتر کھا رہے ہیں اس دانے میں جتنے بھی قسم کا دانا مکس ہے وہ دانا بالکل صاف ستھرا ہے۔ دانے میں کوئی بھی مکس دانا تازہ ہے باسی نہیں ہے یا فنگس زدہ نہیں ہے۔ اسی طرح غزائیت کے اصولوں کے مطابق درست ہے تو کبوتر کبھی بھی پوٹ اور ہاضمے کی خرابی کا مسئلہ نہیں آئے گا۔

کبوتروں کا ہاضمہ اور مناسب دانہ

ہر شوقین کو کبوتروں کی خوراک میں استعمال ہونے والے دانوں کے نقصانات اور افادیت کا علم ہونا چاہیے۔ کہ کون سا دانا کس موسم میں دینا ضروری ہے۔ اور کونسا ایسا دانا ہے جو موسم کے حساب سے نقصانات کا باعث بنتا ہے۔ مثال کے طور پر سردیوں میں جب کبوتروں کی پر پٹائی ہوتی ہے تو میں نے اکثر دیکھا ہے کہ شوقین دوست کم علمی کی وجہ سے سرسوں کا استعمال کر رہے ہوتے ہیں۔ جبکہ سرسوں کی تاثیر ٹھنڈی ہوتی ہے۔ سرد موسم میں جب کبوتروں کے پر اکھاڑ دیے جاتے ہیں تو کبوتر کو زیادہ سردی لگتی ہے۔ کیونکہ کبوتروں کو پروں کے ساتھ سہولت میسر ہوتی ہے جس سے وہ جسم کو کور کر کے سردی سے خود کو محفوظ رکھتے ہیں۔

پرپٹائی میں چونکہ کبوتر زیادہ سردی محسوس کرتے ہیں اس لیے ان کو ایسا دانا ڈالنا جو جسم کو مزید سرد کرتا ہو ناسمجھی ہے۔ پر پٹائی کے وقت کبوتروں کو آئل حاصل کرنے اور گرم رکھنے کے لیے توریا خردم السی موٹھ وغیرہ استعمال کرنے چاہیے۔ جو گرم تاثیر والے دانے ہیں۔ جو کبوتر کے وجود کو اندر سے گرماہٹ مہیا کرتے ہیں۔ اسوج کی پر پٹائی میں صرف اور صرف سرسوں باقی عام روٹین کے دانے کے ساتھ استعمال کرنی چاہیے۔ السی موٹھ توریا وغیرہ ہرگز استعمال نہیں کرنا چاہیے۔ اسی طرح شوقینوں کو مخلتف بیماریوں اور مشکلات سے بچنے کے لیے دانوں کی گرم سرد طبعیت کا ادراک ہونا بہت ہی ضروری ہے۔ اس طریقے سے بھی پوٹ اور ہاضمے کی بہت سی مشکلات سے بچا جا سکتا ہے۔

کبوتروں کے پیٹ میں کیڑے اور بند پوٹ کے مسائل

اگر کسی بھی دوست کے کبوتروں کے پیٹ میں کیڑے ہیں تو یہ سب چیزیں جو اوپر بیان کی گئی ہیں ان کا کوئی فائدہ حاصل نہیں ہو گا۔ خوراک اچھی سے اچھی بھی ہو تو اس بننے والا گلوکوز پیٹ کے کیڑے کھا جاتے ہیں۔ کبوتر دن با دن کمزور تر ہوتا جاتا ہے۔ اس لیے ایسے کبوتر جو کچی زمین پر رہتے ہیں اور ان کو کھانے کے لیے مٹی وافر مقدار میں ملتی ہے۔ ایسے کبوتر پیٹ کے کیڑوں کا سب سے زیادہ شکار ہوتے ہیں۔ ایسے کبوتروں کے پیٹ کے کیڑوں کا مناسب علاج کرنا نہائیت ضروری ہے۔

ہر تین مہینے بعد کبوتروں کے پیٹ کے کیڑوں کا سدباب کرنا چاہیے۔ جو کبوتر پکے کھڈوں اور فرش پر رہتے ہیں جہاں کبوتروں کو کھانے کے لیے مٹی نہیں ملتی ان کو چھ مہینے بعد کیڑوں کا کورس کروانا لازم ہے۔ یاد رہے کہ جو شوقین دوست کیڑوں کا مناسب علاج نہیں کرتے ان کے کبوتروں کی پوٹ بھی ایک دن کیڑوں سے بھر جاتی ہے۔ یہاں تک کہ کبوتر کی گردن میں بھی کیڑے اپنا بسیرا کر لیتے ہیں جن کی وجہ سے کبوتر اکثر اپنی گردن کو ملتا رہتا ہے۔ گردن ملنے کی دوسری وجوہات بھی ہوتی ہیں جو یہاں بیان کرنا آج کا موضوع نہیں ہے۔ اس کے ساتھ کبوتر پوٹ کے مسائل کا بھی شکار ہو جاتا ہے۔

گندا پانی اور بند پوٹ کے مسائل

صاف پانی اور صاف دانا کھانے اور پیٹ کے کیڑے نا ہونے کے باوجود بھی اکثر کبوتر پوٹ کے مسائل کا شکار رہتے ہیں۔ اس کی بھی چند وجوہات ہیں ۔ پانی اچھا نا ہونا۔ اکثر علاقوں کا پانی حفظان صحت کے اصولوں پر پورا نہیں اترتا۔ کسی میں پوٹاشیم کی مقدار زیادہ ہوتی ہے اور کچھ پانی کھارے ہوتے ہیں۔ یا اس پانی میں دوسرے ایسے فالتو عناصر موجود ہوتے ہیں جو حفظان صحت کے اصولوں کے خلاف ہوتے ہیں۔ مثال کے طور پر پانی چپچپا ہونا۔ پانی میں نمک زیادہ ہونا۔ پانی کڑواہٹ والا ہونا یا زائقے میں ٹھیک نا ہونا۔ ایسا پانی پینے والے نا تو انسان فٹ رہتے ہیں اور نا ہی پرندے۔ ایسے پانی کے استعمال سے بھی کبوتروں کو ہاضمے کے مسائل کے ساتھ دوسرے کئی مسائل کا بھی سامنا کرنا پڑھتا ہے۔

خراب دانہ اور کبوتروں کا ہاضمہ

پورا سال ایک ہی قسم کا دانا کھانے والے کبوتر بھی پیٹ کے مسائل کا شکار رہتے ہیں۔ موسم کے بدلنے کے ساتھ دانا بھی بدلتے رہنا چاہیے۔ دور جدید میں کبوتروں کے لیے ملنے والا دانے کی فصل کو جدید طریقوں سے پیدا کیا جا رہا ہے۔ جس کے بہت سارے مضر اثرات بھی پیدا ہو رہے ہیں۔ فصلوں پر مخلتف قسم کی کیڑے مار زہریلی ادویات کا چھڑکاو کیا جاتا ہے۔ پھر جب اسی دانے کو سٹور کرتے وقت بھی مختلف زہریلی ادویات کا استعمال کیا جاتا ہے جو دانے میں موجود بعض فائدہ مند غزائی عناصر کو ختم کر دیتا ہے۔

 زہریلی سپرے اور دوسری زہریلی ادویات جہاں دانے کی ڈائیٹ کی افادیت میں کمی کرتی ہیں وہیں ان زہر کے اثرات کبوتر میں منتقل ہوتے رہتے ہیں۔ جو نظام انہظام کے علاوہ دوسرے صحت کے مسائل بھی پیدا کرت رہتے ہیں۔ ان ادویات سے جو سب سے زیادہ نقصان ہوتا ہے وہ جانور کے جسم میں جتنے بھی فرینڈلی بیکٹیریا ہوتے ہیں ان کو بھی بہت متاثر کرتی ہیں۔ فرینڈلی بیکٹیریا کی وجود میں کمی سے سیلف ڈیفنس کمزور پڑھ جاتا ہے۔ سب سے پہلے ہاضمہ اور پیٹ کے مسائل اجاگر ہوتے ہیں۔

اینٹی بائیوٹک ادویات کا بے دریغ استعمال بھی انسانوں کے علاوہ باقی جانوروں کو بھی شدید مشکلات کا شکار کر رہا ہے۔ اینٹی بائیوٹک کا بے دریغ اور بے بجا استعمال بھی قوت مدافعت کو کمزور کرنے کا باعث بن رہا ہے۔ جس سے وجود کے فرینڈلی بیکٹیریا بہت متاثر ہوتے ہیں۔ ان فرینڈلی بیکٹیریا کی وجود میں کمی کے ساتھ وجود میں رہنے والے بیکٹریا کمزور ہو جاتے ہیں۔ جس کی وجہ سے سیلف ڈیفنس یعنی قوت مدافعت کمزور تر ہو جاتی ہے۔

کبوتروں کا ہاضمہ بہتر کرنے کے لئے پری بائیوٹکس اور پروبائیوٹکس کا استعمال

میری ناقص سی رائے ہے کہ دور جدید میں کبوتروں اور انسانوں کو موجودہ حالات سے نمٹنے کے لیے پروبائیوٹک اور کبھی کبھی پری بائیوٹک کا ستعمال لازم کرنا چاہیے۔ پروبائیوٹک جتنے بھی فرینڈلی بیکٹیریا ہیں ان کو قوت بخشتے ہیں۔ ان کی مناسب تعداد کو برقرار رکھتے ہیں۔ ان سے قوت مدافعت طاقت پکڑتی ہے۔ جس سے کوئی بھی جاندار ہر قسم کی بیماریوں کا مقابلہ احسن طریقے سے کر سکتا ہے۔ اگر کسی بھی پرندے کا امونے سسٹم اور قوت مدافعت ہی کمزوری کی لپیٹ میں آ جائے تو معمولی سی بھی بیماری کا مقابلہ کرنا بہت دشوار ہو جاتا ہے۔

پری بائیوٹک چونکہ فائبر مہیا کرنے والی خوراک سے ملتی ہے۔ اس لیے ایسے دانے کا استعمال بھی بہت ضروری ہے جس میں فائیبر کا عنصر موجود ہو۔

کبوتروں کے لیے یورپی کمپنیاں بہت سے پری بائیوٹکس اور پروبائیوٹکس ادویات تیار کرتے ہیں۔ ان پر ان کے استعمال کے طریقے بھی درج ہوتے ہیں۔ میری رائے ہے کہ ہر شوقین کو ہر موسم میں پروبائیوٹکس اور پری بائیوٹکس کا استعمال لازم کرنا چاہیے۔ اس کے استعمال کے بہت سے فوائد حاصل ہونگے۔ چاہے وہ بریڈر کبوتر ہوں یا پروازی سب کو فائدہ ملے گا۔ بہت سی موسمی اورغیرموسمی بیماریوں سے جان چھوٹ جائے گی۔ کبوتر تندرست اور ایکٹو رہیں گے۔ روز مرہ کی ادویات سے بھی چھٹکارہ حاصل ہو جائے گا۔

دوستو کوئی بھی علمی تحریر ہو تو اس کو شیئر لازمی کیا کریں۔ تاکہ ہر شوقین فائدہ اٹھا سکے۔ آپ کے ایک شیئر سے کسی کی مشکل حل ہو سکتی ہے۔ مشکل میں ساتھ دینا سیکھیں کسی کی مشکل پر ہنسنے والے بھول جاتے ہیں کہ یہ وقت ان پر بھی آ سکتا ہے۔

• 
  کبوتروں میں ڈی ورمنگ کی ضرورت
• 
  ون لافٹ کبوتر ریسنگ
• 
  Special Care in Humid Weather For Pigeons
• 
  How To Deal With Baby Pigeon Leg Paralysis
• 
  Digestion Issues in Pigeons Not To Worry Now

The post کبوتروں کا ہاضمہ اور بند پوٹ کے مسائل appeared first on Kabootar Parwari.

تحریر: استاد خان محمد بارا لاہور

۔ کبوتر کی آنکھ باقی جانداروں کی آنکھوں کی طرح دیکھنے کے لیے ہی اللہ کریم نے بنائی ہوئی ہے۔
۔ کبوتر کی آنکھ میں تل کا چھوٹا ہونا یا بڑا ہونا کبوتر کی پرواز کو کم کرنے یا بڑھانے میں کسی قسم کا کوئی بھی کردار نہیں رکھتا ۔
۔ آنکھ کا تل گول ہو یا بیضوی شکل میں ہو تب بھی پرواز میں کسی بھی قسم کی کم بیشی نہیں ہوتی۔

کیا کبوتر کی آنکھ صرف دیکھنے کے لیے ہوتی ہے ؟

کبوتروں میں آنکھ دیکھنے کے علاوہ نسلوں کی پہچان میں بھی اہم کردار ادا کرتی ہے۔ کبوتر واحد جانور ہے جس کے آنکھ کے رنگ باقی جانوروں کے مقابلے میں بہت زیادہ ہوتے ہیں۔ جن رنگوں کو دیکھ کر کبوتر کی نسل کا اندازہ لگایا جاتا ہے۔ ان رنگوں اور رنگوں کی آمیزش کو دیکھ کر قابل اساتزہ ان میں موجود نسلوں کی مکسنگ کا بھی ادراک کرتے ہیں آیا کہ کبوتر کی آنکھ اس میں موجود دوسرے کبوتروں کی نسلوں کی چغلی بھی کھاتی ہے۔ ہو سکتا ہے کہ باقی جانوروں کی نسلوں میں اس طرح کا کوئی کونسیپٹ ہو۔ لیکن میں صرف کبوتروں کے بارے میں ہی ناقص سی معلومات رکھتا ہوں۔ اس لیے کوئی حتمی بات نہیں کر سکتا۔

ایک چھوٹی سی مثال سے دلیل دینے کی کوشش کرتا ہوں۔ اگر اصل حالت میں موجود قصوری اور سیالکوٹی کبوتروں کو آپس میں کراس دیا جائے تو ان سے نکلنے والے بچوں کی آنکھ کی رنگ کے شیڈ نا تو قصوری رہیں گے اور نا ہی سیالکوٹی رہیں گے۔ اس طرح دو نسلوں کے کراس سے حاصل کیے ہوئے کبوتروں کی آنکھ کے کلر ماں باپ سے مختلف ہو جائیں گے۔ اور ایک نئے کلر اور نئے شیڈ رکھنے والی آنکھ وجود میں آ جائے گی۔ جس کی اپنی ایک خاص پہچان ہو گی۔

کبوتر کی آنکھ سے پرکھ

جن شوقین دوستوں نے سچے من کے ساتھ اس شوق کو سیکھا ہوا ہے۔ وہ کبوتر کی آنکھ کے رنگ دیکھ کر ان میں مکس کیے گئے کبوتر اور خاص الخاص کبوتر کا بلڈ کس معیار پر ہے پہچان لیتے ہیں۔ میری ناقص عقل کے مطابق جن شوقین دوستوں کو کبوتر کی آنکھ دیکھ کر اس کے بلڈ کے معیار کا ادراک نہیں ہوتا وہ کبھی بھی اچھا اور تابند جوڑا لگانے میں کامیاب نہیں ہو سکتے۔ اس فن پر عبور حاصل کرنا بھی اتنا آسان کام نہیں ہے۔ برسوں کی ریاضت کے بعد بلڈ کا معیار ماپنے کی فیلنگز آتی ہیں۔

کبوتر کی آنکھ کے تل کا باریک ہونا یا سائز میں بڑا ہونا

کبوتر کی آنکھ کے تل کا باریک ہونا یا سائز میں بڑا ہونے سے کبوتر کی پرواز کو نا کم کرتا ہے اور نا ہی اس کے سائز کی کمی بیشی سے پرواز بڑھتی ہے۔ اگر انسانی آنکھ کا مشاہدہ کیا جائے تو جب ہماری آنکھ تیز دھوپ یا کسی قسم کی چمک کو برداشت نہیں کر پاتی تو ہم تیز چمک سے بچنے کے لیے آنکھوں کے آگے یا تو اپنا ہاتھ کر لیتے ہیں یا چہرہ گما کر دوسری طرف کر لیتے ہیں۔ تاکہ دھوپ کی رسائی آنکھوں تک نا ہو سکے۔ اسی طرح اگر ہم تیز دھوپ میں چل رہے ہوں اور دھوپ کی شدت آنکھوں کی برداشت سے باہر ہو جائے۔ تو ہم رنگین چشما پہن لیتے ہیں۔

لیکن کبوتر ایسا نہیں کر سکتا چونکہ کبوتر سخت دھوپ میں اڑنے کے لیے بنا ہوا ہے۔ اس لیے اس کی آنکھوں نے سارا دن دھوپ کی سختی کو جھیلنا ہوتا ہے۔ اس لیے قدرت نے کبوتر کی آنکھوں کو انسانوں کے مقابلے میں مختلف اور ایک خاص قسم کے اعلی نظام سے نوازہ ہوا ہے۔ انسان کی آنکھ کا تل سائز میں چھوٹا بڑا نہیں ہو سکتا۔

کبوتر کی آنکھ کا کالا تل سکڑ بھی سکتا ہے اور سائز میں پھیل بھی سکتا ہے۔ بہت ہی کم ایسے کبوتر ہوتے ہیں جو دھوپ اور چھاوں میں آنکھ کے کالے تل کو ایک ہی سائز میں رکھتے ہوں۔ یعنی وہ کبوتر نا ہی تل کو سکیڑتے ہیں اور نا ہی پھیلاتے ہیں۔ ایسے کبوتروں کی آنکھ کا ڈائل سائز میں چھوٹا ہوتا ہے۔ بڑے سائز کا تل رکھنے والے کبوتروں میں یہ خاص خاصیت نہیں ہوتی۔ اس لیے ایسے کبوتر شوقین زیادہ پسند کرتے ہیں۔ جو تل کو دھوپ اور چھاوں میں تقریبا یکساں رکھتے ہیں۔

کبوتر آنکھ کے تل کو سرکولیٹ کیوں کرتا ہے ؟

شوقین دوستوں نے نوٹ کیا ہو گا کہ جب کبوتر کی آنکھ کو دھوپ میں کیا جاتا ہے۔ تو اکثریت میں کبوتر آنکھ کے تل کو سکیڑ لیتے ہیں اور چھاوں میں کرنے پر وہی کالا تل کسی حد تک پھیل جاتا ہے۔ ایسا کیوں ہوتا ہے ؟ بس اسی پوائینٹ کو سمجھنا سب سے ضروری ہے۔

جدید سائنس کی جدید تحقیق سے یہ بات سامنے آئی ہے کہ کبوتر کی آنکھ کا کالا تل سائز میں بڑا ہو تو دھوپ اس کو شدت سے محسوس ہوتی ہے۔ جیسے ہی وہ آنکھ کے تل کو سائز میں چھوٹا کر لیتا ہے تو دھوپ کی شدت محسوس ہونے میں بہت کمی ہو جاتی ہے۔ جس طرح ہماری آنکھ دھوپ کی شدت کو ایک منٹ بھی برداشت نہیں کر پاتی۔ یہی حال اگر کبوتر کا ہو تو اڑنا تو دور کی بات وہ سورج کے مخالف منہہ کر کے ہی بھاگ جائے۔ لیکن بات یہی پر ہی ختم نہیں ہوتی۔

دھوپ میں کبوتر کی آنکھ کا تل

کبوتر کی آنکھ کے تل کے دھوپ سے بچنے کے علاوہ بھی مقاصد ہیں۔ جن کو سمجھنا بھی بہت ضروری ہے۔ دھوپ میں کبوتر آنکھ کے تل کو سکیڑ کر رکھتا ہے۔ جس سے گرمی کی شدت کو کم کرتا ہے۔ ایسا کرنے کی وجہ سے تیز گرمی کو آنکھوں کے راستے جسم میں داخل ہونے سے بھی روکتا ہے۔ جس سے کبوتر دوران پرواز اپنا ٹمپریچر بھی بیلنس رکھنے کی کوشش میں بھی کامیاب ہوتا ہے۔ لیکن جیسے ہی آسمان پر بادل چھا جاتے ہیں۔ تو وہ سکڑا ہوا تل سائز میں پھیل جاتا ہے۔

لیکن ان سے کچھ مسائل بھی جنم لیتے ہیں جو دلائل سے سمجھانے کی کوشش کرونگا۔ جن کبوتروں کی آنکھ کے تل کا ڈائل نارمل نہیں ہوتا اور عام حالت میں بھی کبوتر پکڑ کر دیکھنے میں تل بڑا نظر آتا ہے۔ ایسے کبوتر دوران پرواز زیادہ مسائل کا شکار بھی ہوتے رہتے ہیں۔ دوران پرواز اکثر بادل اتنے گہرے ہو جاتے ہیں کہ دن کو بھی شام کا سمع محسوس ہونے لگتا ہے۔ ایسے حالات میں بڑے سائز کے تل کے کبوتر روشنی کی کمی کے باعث ڈائل کو مزید بڑا کر لیتے ہیں۔ جس سے ان کا اکثر فوکس آوٹ ہو جاتا ہے۔ جس کی وجہ سے بڑے سائز کا ڈائل رکھنے والے کبوتر زیادہ ضائع ہونے کا خدشہ رہتا ہے۔ شام ہونے پر بھی ایسے کبوتروں کو اندھیرے میں گھر بٹھانا بہت مشکل ہوتا ہے ۔

آنکھ کا تل اور ڈائل بڑا ہونے کے مسائل

دوستوں کے مشاہدے میں آیا ہو گا کہ جن کبوتروں کی آنکھ کے تل کا ڈائل دن میں بڑا نظر آتا ہو۔ ان کبوتروں کو ہلکا سا اندھیرا ہونے پر دیکھا جائے۔ ان کی آنکھ کا کالا تل 70 فیصد تک آنکھ میں پھیل جاتا ہے۔ جن کبوتروں کی آنکھ کا تل دن میں سائز میں چھوٹا نظر آتا ہے۔ شام ہونے پر ان کی آنکھ کا تل ڈائل میں 35 سے 40 فیصد تک آنکھ کو کور کرتا ہے۔ یعنی چھوٹے ڈائل کا تل رکھنے والا کبوتر بڑے ڈائل کا تل رکھنے والے کبوتر سے کم روشنی میں تیس فیصد کم ڈائل کا سائز بڑھاتا ہے۔ یہی 30 فیصد اس کا پلس پوائینٹ ہے۔ جو کبوتر کی واپسی اور پرواز کو بہتر بنانے میں اہم کردار ادا کرتا ہے۔

 جن کبوتروں کی آنکھ کے تل کا ڈائل بڑا ہوتا ہے۔ وہ دھوپ میں ڈائل کو سکیڑ کر بہت چھوٹا نہیں کر پاتے۔ اسی لیے ایسے کبوتر تیز دھوپ میں گرمی کی شدت کو جسم میں داخل ہونے سے پوری طرح روک نہیں پاتے۔ جس سے ان کا باڈی ٹمپریچر بہت جلد ہیٹ ہو جاتا ہے۔ جس کی وجہ سے کبوتر بہت کم پرواز پر آ جاتا ہے۔ نرم دھوپ والے موسم میں ایسے کبوتر آسانی سے شام تک اڑتے ہیں۔ اور جیسے دھوپ کی شدت اپنی پیک پر آتی ہے تو ایسے کبوتر اول تو اڑنا ہی چھوڑ دیتے ہیں۔ اگر اڑتے بھی ہیں تو جلدی واپسی کر لیتے ہیں یا پھر بھاگ جاتے ہیں۔

حقیقت یہی ہے کہ بڑے ڈائل کا تل رکھنے والے کبوتر سخت گرمی کے موسم میں میں نے اڑتے ہوئے آج تک نہیں دیکھے۔ اگر کسی شوقین دوست نے دیکھے ہوں تو میں کچھ کہہ نہیں سکتا۔

کبوتر کی آنکھ کا تل بیضوی ہونا

کبوتر کی آنکھ کا تل بیضوی بھی ہو تو کبوتر لمبی پرواز دے سکتا ہے۔ لیکن شرائط وہی لاگو ہونگی۔ بیضوی بھی ہو ڈائل کا سائز اپنی مقرر حد میں ہو۔ ورنہ اس کے ساتھ بھی وہی مسائل فائٹ کریں گے جو بڑے سائز کے تل کے کبوتروں کے لیے مشکلات پیدا کرتے ہیں۔ تل کسی بھی قسم کا ہو اس کا بلندی پر جا کر اڑنا یا کم بلندی پر جا کر اڑنا محض جھوٹ ہے۔ زیادہ بلندی پر جانے والے کبوتر اپنے بلڈ میں اور جسمانی ساخت اور اپنے علاقے کے موسم کے اعتبار سے خاص پروں کے مالک ہوتے ہیں۔ تب بلندی تک پہنچنے کی صلاحیت حاصل کر پاتے ہیں۔ ان خصوصیات سے فارغ کبوتر کبھی بھی اور ہائیٹ پر جا کر پرواز نہیں کر سکتا۔

یہ ایک علیحدہ سبجیکٹ ہے۔ اس پر زندگی رہی تو پھر کبھی بات کریں گے مضمون نا چاہتے ہوئے بھی کافی لمبا ہو گیا ہے۔ اس لیے اسے یہیں پر اختتام پزیر کرتے ہیں۔ اگر میری یہ کاوش آپ کو اچھی لگے تو لائک اور شئیر ضرور کیا کریں۔ تاکہ کسی اور شوقین دوست کا بھی بھلا ہو سکے۔

• 
  کبوتروں میں ڈی ورمنگ کی ضرورت
• 
  ون لافٹ کبوتر ریسنگ
• 
  Special Care in Humid Weather For Pigeons
• 
  How To Deal With Baby Pigeon Leg Paralysis
• 
  Digestion Issues in Pigeons Not To Worry Now
• 
  Pigeons and Rain -Important Things to Worry

The post کبوتر کی آنکھ کا تل چھوٹا ہونا چاہئے یا بڑا ؟ appeared first on Kabootar Parwari.

تحریر: استاد خان محمد بارا لاہور

جو پچھلے سال شکست کا مزہ چکھ چکا ہوتا ہے وہ سخت محنت اور اچھی تیاری کر کے میدان میں اترتا ہے اور اپنی جیت کو یقینی بناتا ہے۔ یہ اسی طرح چلتا ہے میدان ہمیشہ کسی ایک کا ہو کر نہیں رہتا۔ میدان سب کو خوشیاں بھی دیتا ہے اور ساتھ ہار کے غم سے بھی دوچار کرتا ہے۔ ہونا بھی ایسا ہی چاہیے۔ اگر کوئی ایک شوقین اپنے محلے کے شوق میں یا گاوں کے شوق میں اسی طرح قصبہ شہر تحصیل ضلع یا پورے صوبے کا ہر سال چیمیئن رہیگا پھر تو شوق بدمزہ ہو جائے گا۔ ہار کا خوف ہی جیت کا مزہ دوبالا کرتا ہے۔ ہار نا ہو تو جیت کی تو چاشنی ہی بدمزہ ہو جائے۔

کبوتر بازی کے کھیل میں جیت اور ہار

ویسے بھی ہم سب شوق کرتے ہیں تو ہم کتنے ہی بڑے فنکار مہان اور چوٹی کے استاد بھی ہو جائیں پھر بھی اپنے مالک سے اپنی جیت کے لیے دعا ضرور کرتے ہیں۔ کیونکہ ہم صرف اچھی سے اچھی کوشش کر سکتے ہیں۔ اللہ کریم کی لکھی ہوئی تقدیر کو نہیں بدل سکتے۔ جب سب کا ایک اللہ ہے تو سب ہی اسی کو پکارتے ہیں۔ مالک ہونے کے ناتے وہ سب کی سنتا ہے اور اس کی اپنی منطق ہے۔ کسی کو جیت کی خوشیاں دیتا ہے اور کسی کو ہار کی مار سہنی پڑھتی ہے۔

دوستو آپ نے اکثر دیکھا ہو گا کہ پچھلے سال جس ترتیب اور ترکیب سے ہمارے کبوتر بہت اچھی پرمارمنس دے چکے ہوتے ہیں وہی تیاری کی ترتیب اور ترکیب اگلے سال بالکل بھی کام نہیں کرتی۔ اس کا مطلب یہی ہوتا ہے کہ جب رب کریم کسی کو نوازنا چاہتا ہے تو اس کے کام میں برکت ڈال دیتا ہے۔ یہ رب کریم کی بہت بڑی نوازش اور مہربانی ہوتی ہے۔ لیکن وہی ترتیبیں اور ترکیبیں بے اثر اور بیکار ہو جاتی ہیں جب ان میں سے اللہ کریم کی عطا کی ہوئی برکت اور کرم اٹھ جاتا ہے۔

سوال یہ ہے کہ یہ برکت اور کرم کیوں اٹھ جاتا ہے ؟؟؟

کیوں جیت دلوانے والی تیاری اور دانہ پانی بے اثر ہو چکے ہوتے ہیں۔ طریقہ سنبھال بھی وہی ہوتا ہے دانا پانی بھی وہی ہوتا ہے۔ دن بھی ویسا ہی ہوتا ہے لیکن رزلٹ بہت ناقصاور نآمیدی پیدا کرنے والا ہوتا ہے۔

کبوتر بازی کے کھیل میں تکبر

بہت آسان ہے اس بات کو سمجھنا اگر کوئی سمجھنا چاہے تو۔ نہائیت معزرت کے ساتھ گزارش ہے کہ انسان بہت ناشکرہ ثابت ہوا ہے۔ اپنی جیت کو اپنے فن کے نام کر دیتا ہے۔ تکبر اور غرور میں ڈوب جاتا ہے۔ باقی سب شوقینوں کو کم علم اور خود کو عالم تصور کرنا شروع کر دیتا ہے۔ شیطان کے بہکاوے میں آ جاتا ہے اور جیت کے نشے میں  ایسی ایسی مغرور اور لغو باتیں کرنا شروع کر دیتا ہے جو کسی بھی انسان کے شایان شان نہیں ہوتیں۔

اپنی ہستی کو انمول اور ناقابل تسخیر تصور کرنا شروع کر دیتا ہے۔ جیت کے نشے میں ایسا دھت ہوتا ہے ایسا ڈوبتا ہے کہ پھر اس سے باہر ہی نہیں نکلتا۔ خدا کی قسم جس کے قبضے میں ہم سب کی جان ہے۔ یہ سب صفات صرف اور صرف اللہ کریم کا ورثہ ہیں۔ اس کے لیے ہی تمام تعریفیں ہیں۔

اللہ کریم ہمیں کوئی بھی اعلی منصف دیکر ہمارے خلوص کی جانچ کرتا ہے۔ وہ دیکھتا ہے کہ خوشی میں ہم اپنی حدود کو نظر انداز تو نہیں کر رہے۔ کیا ہم جیت کی خوشی میں اپنی اصل کو روند کر اپنی آخری لائن تو کراس نہیں کر رہے۔ کہیں ہم ناشکرے تو نہیں ہیں۔ ہم خوشی یا غم پا کر اللہ سے دوری تو اختیار نہیں کر رہے۔

افسوس کہ ہم اپنی اصل میں نہیں رہتے۔ یہی انسان کی بربادی ہے۔ بندگی کی بجائے تکبر اور آہنکار کو ماتھے پر سجا لیتے ہیں۔ جیت اور خوشی ہمارا امتحان ہوتا ہے۔ اسی طرح ہار میں بھی ہمارا امتحان ہوتا ہے جیت میں بھی۔

اسوج کی تیاری میں ہار میں سے جیت کا راستہ تلاش کریں

 اللہ کا شکر ادا کرنا چاہیے اور شکر ادا کرتے ہوئے یہ بھی اپنی زبان سے اقرار کرنا چاہیے کہ مولا کریم میں تیری رحمت سے تیرے اذن سے کامیاب ہوا ہوں۔ تیری رضا شامل نا ہو تو میرا کوئی بھی کام کامیاب نہیں ہو سکتا۔ اسی طرح ہارنے والے کو بھی اللہ کا شکر ادا کرنا چاہیے اور یہ بھی کہنا چاہیے کہ اے مولا کریم اگر تجھے میرا ہارنا پسند ہے تو میں تیری رضا میں راضی ہوں۔

تکبر غرور اور اپنی ہستی سے بڑی بات اللہ کو ہرگز ہرگز پسند نہیں۔ ہارنے والا ان باتوں کے علاوہ اپنی غلطیوں کو بھی نوٹ کرے کہ مجھ سے کہاں کہاں اور کس موقع پر خرابی ہوئی ہے۔ ان غلطیوں کوتاہیوں کا نوٹس لے اور آئیندہ شوق میں وہ غلطیاں نا دھرائے۔ جیتے والا مزید محنت کرے تو کوئی وجہ نہیں ہے کہ ایک اچھا شوق نا ہو ۔

ہار ہو تو اسے صدق دل سے تسلیم کریں جیتنے والے کو مبارک دیں۔ ہار میں سے جیت کا راستہ تلاش کریں۔ ہر جیت ہار میں سے نکل کر آتی ہے۔ ہر میدان کی ہار کے اندر جیت ہوتی ہے۔ اسے ہار سے نکالنے کا گر سیکھیں سچائی اور لگن کے ساتھ شوق کریں۔ بےایمانی سے دور رہیں۔

کبوتر بازی میں بے ایمانی سے جیتی ہوئی گیم

بے ایمانی سے جیتی ہوئی گیم کبھی بھی دل میں وہ خوشی نہیں پیدا کر سکتی جو حق سچ کی جیت کرتی ہے۔ اس لیے کوئی بھی میدان ہو اس میں ایمانداری سے کھیلیں۔ اپنی صحیح اور سچی محنت پر توجہ دیں۔ باقی سب مالک حقیقی پر چھوڑ دیں۔ اس کے فیصلے کبھی ناقص نہیں ہوتے۔

جو گیم آپ کے پاس ہے جیسی بھی تیاری ہے اسی پر اکتفا کریں۔ اپنا کسی سے موازنہ نا کریں کہ فلاں کے پاس اتنے زیادہ  کبوتر ہیں اور میرے پاس کم ہیں۔ اگر زیادہ کبوتر رکھنے سے جیت کی گارنٹی ہوتی تو ہزاروں کبوتر پالنے والے ہی ہر سال جیت جائیں۔ ایک چیز ذہن میں رکھیں اگر آپ کے مخالف کا دن ۱۲ یا ۱۳ گھنٹے کا ہے تو آپ کا بھی اتنا ہی ہے۔ اگر آپ کے مخالف نے سات یا گیارہ کبوتر اڑانے ہیں تو آپ نے بھی اتنے کبوتر ہی اڑانے ہیں۔ نتیجہ یہ نکلا کہ مقابلہ زیادہ کبوتروں کا نہیں بلکہ زیادہ محنت اور زیادہ سمجھ بوجھ کا ہے۔ جو زیادہ عقلمندی سے تیاری کریگا اور عقلمندی سے کبوتر مقابلے میں اتارے گا جیت کا چانس بھی زیادہ اسی کا ہو گا اگر اللہ کی مرضی شامل ہوئی تو۔

اسوج کی تیاری اور ہماری کبوتر بازی

یہ شوق یہ کھیل ہم سب کا مشترکہ کھیل ہے۔ اپنی سچل گیم سے ہم اس شوق کا قد مزید اونچا کر سکتے ہیں۔ کوئی بھی کھیل کوئی بھی میدان کسی کا دوست نہیں ہوتا۔ ہر کھیل کے میدان کو تسخیر کرنا ہوتا ہے اپنے کمال فن سے، کمال مہارت سے، اور کمال جدوجہد سے۔ جو جیتا ہے پھر وہی سکندر کہلانے کا حقدار بھی ہوتا ہے۔ اس لیے جس کھیل سے دنیا ہمارے نام سے واقف ہوتی ہے جو کھیل ہمیں عزت اور خوشیوں سے نوازتا ہے ہماری خاص پہچان بناتا ہے ہمارے حلقہ احباب کو مزید وسیح تر کرتا ہے اس کھیل کی عزت و تکریم بھی ہم سب پر فرض ہے۔

 ہم پر فرض ہے کہ اپنے اس کھیل کو معاشرے میں عزت کا مقام دلائیں۔ اس کھیل کی مزید تعمیر کریں۔ اس سے وابستہ برائیوں کو دور کریں۔ سیاست سے پاک کریں۔ یقین کریں ہمارے اس پیار محبت اور امن کے شوق کو جتنا نقصان سیاست نے پہنچایا ہے کسی اور چیز نے نہیں پہنچایا۔ خدارا اس پر خلوص شوق کو سیاست سے پاک کریں۔ اس کو تعمیری بنائیں تاکہ اس شوق سے نفرت کے عنصر کو ہمیشہ ہمیشہ کے لیے ختم کر دیا جائے۔

آخر میں سب شوقین دوستوں کے لیے میری نیک تمنائیں ہیں۔ اللہ کریم سب کے شوق میں ترقی دے اور اس اسوج کی تیاری میلہ کی رونقیں مزید نکھارے آمین۔ کوئی بات بری لگی ہو تو پیشگی معزرت قبول فرمائیں ۔

• 
  ون لافٹ کبوتر ریسنگ
• 
  مٹی کے برتن کبوتروں میں فوائد اور نقصانات
• 
  مادیاں اور انڈے بریڈنگ سے متعلق اہم معلومات
• 
  گلودو کبوتر سیالکوٹی کبوتروں کا جدامجد
• 
  کبوتروں میں کنکر کا علاج اور علامات
• 
  کبوتروں میں سوکڑا اور معدے کا خراب ہونا

The post اسوج کی تیاری اور ہماری کبوتر بازی کا شوق appeared first on Kabootar Parwari.

لکھنے کا مقصد کسی بھی خاص بات کو سمجھانا ہوتا ہے نا کہ پڑھنے والے کے ذہن کو بھول بھلیوں میں ڈالنا۔ چونکہ یہ موضوع بہت ہی باریک بینیوں پر مشتمل ہے، اس لیے اس کو موٹی موٹی باتوں سے سمجھا پانا نہائیت مشکل کام ہے۔ بحرحال میں کوشش کرتا ہوں اور امید کرتا ہوں اللہ کریم مجھے اپنے مقصد میں کامیابی عطا فرمائے گا انشاء اللہ۔

تحریر: استاد خان محمد بارا لاہور

کبوتروں کی ویکسین

یہ ویکسین کیا ہے ؟
اس کا استعمال کیوں کیا جاتا ہے ؟
ویکسین کے فائدے کیا ہیں ؟
اس کے نقصانات کیا ہیں ؟
اس کا ستعمال کیوں ضروری ہے ؟
کیا ہم کسی بھی ویکسین سے مطلوبہ نتائج حاصل کر سکتے ہیں ؟
ویکسین کر لینے کے بعد ہمیں بے فکر ہو جانا چاہیے ؟
کسی بھی بیماری کی ویکسین کر لینے کے بعد ہمارے کبوتر اس بیماری سے محفوظ ہو چکے ہوتے ہیں ؟

ویکسین کیا ہے ؟

ہر وہ بیماری جو کسی بھی جاندار کو بیمار کرے اور اس کا علاج نا ہو اس کے لیے بیماری آنے سے پہلے تندرست حالت میں ویکسین کی جاتی ہے۔ جو بیماری کے جراثیم جسم میں داخل ہونے سے پہلے ہی قوت مدافعت کو اس قدر بڑھا چکی ہوتی ہے کہ بیماری کا بھرپور مقابلہ کر کے اسے شکست دے دیتی ہے۔ دوسرے لفظوں میں ہم کہہ سکتے ہیں کہ جس بیماری کی ویکسین کی ہوتی ہے۔ اس کے جراثیم کو جسم داخل ہونے پر ختم کر دیتی ہے، مار ڈالتی ہے یا اس کو اتنا کمزور کر دیتی ہے کہ بیماری پیدا کرنے والے جراثیم بے ضرر ہو جاتے ہیں اور کسی بھی قسم کا نقصان کرنے کے قابل نہیں رہتے۔

ویکسین کی قسمیں

ویکسین پلانے والی بھی ہو سکتی ہے اور انجیکٹ کرنے والی بھی ہو سکتی ہے۔ کچھ بیماریوں میں قطرے نما ویکسین دی جاتی ہے۔ کچھ بیماریوں میں ویکسین انجکشن کی صورت جسم میں داخل کی جاتی ہے ۔

کبوتروں کی ویکسین کب کرنی چاہئے

جس بیماری کی ویکسین دی جاتی ہے اس کی کچھ خصوصی شرائط بھی ہوتی ہیں۔ مثال کے طور پر کسی بھی بیماری کے اثرات رکھنے والے جاندار کو ویکسین نہیں کی جاتی۔ اس کی بھی چند وجوہات ہیں۔ مختصر یہ کہ بیماری کسی بھی جاندار کے اندرونی نظام پر اپنا منفی اثر چھوڑ چکی ہوتی ہے۔ قوت مدافعت میں کمزوری پیدا کر چکی ہوتی ہے اور جسم میں کہیں بھی انفیکشن کے اثرات چھوڑ چکی ہوتی ہے۔ ایسی صورت حال میں ویکسینیشن کرنے سے اس کے مضر اثرات پیدا ہوتے ہیں جو اکثر جان لیوا بھی ثابت ہو سکتے ہیں۔

حاصل بحث یہ ہے کہ پرندوں کو ویکسین تب ہی کریں جب وہ پوری طرح صحت مند ہوں۔ اب یہاں سوال یہ پیدا ہوتا ہے کہ کس طرح پتا چلے کہ کبوتر کسی بیماری میں مبتلا نہیں ہیں ۔ اس کی چند نشانیاں ہیں جو میں بیان کرنے کی کوشش کرتا ہوں۔

بیمار کبوتروں کی ویکسین نہ کریں

پوری طرح تسلی کریں کہ آپ کے پرندوں کے اندر کیڑے تو نہیں ہیں۔ اگر ہیں تو ان کا پہلے سدباب کریں اور کبوتر کو ورم یا کیڑوں سے پاک کرنے کے دو ہفتے بعد ویکسینیشن کریں تاکہ کیڑوں کی وجہ سے جسم میں جو مدافعتی نظام کمزور پڑھ چکا تھا وہ بحال ہو سکے۔ یہاں ایک بات بیان کرنا بہت ضروری ہے کہ اکثر شوقین دوست پیٹ کے کیڑوں یا ورم کی میڈیسن کبوتروں کو دیکر خود کو مطمئین کر لیتے ہیں کہ اب کبوتر کیڑوں سے پاک ہو گئے ہیں۔ حالانکہ اکثریت میں ایسا بالکل بھی نہیں ہوتا۔ اس پر تفصیل جاننے کے لیے میرا ایک کالم ہے جو پیٹ کے کیڑوں پر لکھا ہوا ہے اس کو پڑھیں ۔

اگر کبوتر کسی بھی موسمی یا عام وقتی بیماری میں مبتلا ہیں تو ہرگز ویکسینیشن نا کریں۔ پہلے موجودہ بیماری کا سدباب کریں اور بیماری کو کنٹرول کرنے کے دو یا تین ہفتے بعد ویکسینیشن کریں۔

اگر کسی کے بھی کھڈے میں کبوتروں میں 30 فیصد سے اوپر کبوتروں کا وزن پورا نہیں ہے۔ تو اس کا مطلب یہ ہے کہ ان کو مکمل ڈائٹ یعنی جسم کو مطلوبہ خوراک نہیں مل رہی۔ ان کو بھی ویکسینیشن نا کریں۔ پہلے کبوتروں کا خوراک کے ذریعے وزن پورا کریں۔ ان کبوتروں کی ایسی ڈائیٹ تشکیل دیں جن سے ایکسٹرا چربی کا حصول ممکن ہو سکے تاکہ کبوتر اپنا وزن مکمل کر سکیں۔ پھر ویکسینیشن کریں۔

ہم کبوتر کی ویکسینیشن کیوں کرتے ہیں

دور حاضر میں کبوتروں اور دوسرے پرندوں میں ایسی بہت سی لاعلاج بیماریاں ہیں۔ جن کی ویکسینیشن نا کی جائے تو کبوتروں اور باقی پرندوں کو محفوظ اور زندہ رکھ پانا ممکن نہیں رہتا۔ اس لیے کبوتروں اور پرندوں کو ویکسینیشن کرنا نہائیت ضروری ہے۔ کچھ شوقین دوست یہ فرماتے ہیں کہ میں کوئی ویکسین نہیں کرتا بلکہ فلاں میڈیسن مہینے میں ایک بار پانی میں ڈال کر پلا دیتا ہوں میرے کبوتر بیماریوں سے محفوظ رہتے ہیں۔ یہ بات کسی حد تک ٹھیک بھی ہے اور غلط بھی۔

ٹھیک اس پیرائے میں ہے کہ اگر ایک شوقین کبوتر اڑاتا ہی نہیں ہے۔ اس نے ایک مخصوص سی کبوتروں کی تعداد گھر میں پال رکھی ہے۔ وہ کسی کبوتر پرور کے گھر بھی نہیں جاتا اور نا ہی کسی شوقین کو اپنے کبوتروں کے پاس آنے دیتا ہے۔ اپنے کبوتروں میں باہر کا کبوتر شامل نہیں ہونے دیتا ہے۔ کبوتروں کا دانا اس کے اپنے گھر کا ہے بازار سے نہیں خریدتا۔ تو اس حد تک تو اس بندے کے کبوتر کافی حد تک متعدی بیماریوں کے حملے سے بچے رہیں گے۔ لیکن اگر بیماری ہوا کے ذریعے اس کے کبوتروں تک رسائی حاصل کر لیتی ہے۔ تو پھر وہ بھی بیماری کا شکار ہونگے اور ایسی چھتیں بہت زیادہ نقصان اٹھانے کا باعث بنتی ہیں ۔

میڈیسن بار بار استعمال کرنے کا نقصان

جو شوقین دوست مہینے میں ایک یا دو بار کسی میڈیسن کا استعمال کر کے یہ سمجھتے ہیں کہ ان کے کبوتر متعدی بیماریوں سے محفوظ رہ سکتے ہیں۔ تو وہ شوقین غلط راستے پر ہے۔ ان کی سوچ سائنسی نقطہ نظر سے سراسر منفی ہے۔ بلکہ ایسی چھتوں پر متعدی بیماریاں زیادہ نقصان کا باعث بنتی ہیں ۔

جب بلا ضروت کوئی اپنے پرندوں کو میڈیسن دیتا رہتا ہے۔ مسلسل کسی بھی میڈیسن کا استعمال مضر اثرات چھو ڑتا ہے۔ وہ کبوتر میڈیسن کے بے جا استعمال سے کمزور ہو جاتے ہیں۔ دوائیوں کا مسلسل استعمال ان کی قوت مدافعت کو بھی کمزور کر دیتا ہے۔ جو کسی بھی جراثیمی بیماری کا مقابلہ کرنے کے قابل ہی نہیں رہتے۔ عام جراثیمی بیماری آنے سے پرندوں کا شدید نقصان اٹھاتے ہیں ۔

یہاں یہ بات قابل فہم ہے کہ جن بیماریوں کا کوئی علاج ہی نہیں ہے۔ ان سے بچنے کا واحد ذریعہ صرف ویکسنیشن ہے۔ ہر وہ بیماری جس کا علاج صرف ویکسین ہے وہ دوسری کسی بھی میڈیسن سے ٹھیک نہیں ہو سکتی۔ ذرہ سوچیں جس بیماری کے لیے ویکسین کی جائے اس کا دوسری دوائیوں سے علاج ممکن ہو۔ پھر تو ویکسینیشن کرنے کا تو تصور ہی فوت ہو جاتا ہے۔ اس لیے متعدی یعنی بعض جراثیمی بیماریوں سے کبوتروں کو محفوظ رکھنے کا واحد حل ویکسینیشن ہے۔

ویکسینیشن کے فائدے اور نقصانات

اگر تو آپ میری تجویز کی گئی معلومات کو مکمل کر کے ویکسینیشن کا عمل کرتے ہیں۔ تو پھر فائدہ 98 پرسنٹ ہے اور نقصانات صرف 2 فیصد ہیں۔ اگر میری پیش کردہ معلومات کے مطابق نہیں ہیں تو نقصانات کی پرسنٹیج بڑھ جائے گی۔ اس صورت تک بڑھ سکتی ہے کہ آپ کو ویکسینیشن کرنے کا کوئی بھی فائدہ حاصل نہیں ہو گا الٹا کافی نقصان اٹھانے کا اندیشہ رہیگا۔

نقصان صرف اتنا ہے کہ مرغیوں کے لیے بنائی گئی ویکسین استعمال کرنے سے بعض نر اور مادیاں بت اور انڈوں سے رہ جاتی ہیں۔ وہ بھی تب جب پانچ سال تک لگاتار کبوتروں کی ویکسین کی جائے۔ کوشش کریں کہ جن کبوتروں کو تین سال تک ویکسینیشن ہو چکی ہو ان کو دوبارا ویکسینیشن نا کریں۔ ایسے کبوتر اپنی قوت مدافعت اتنی بڑھا چکے ہوتے ہیں کہ اس کے بعد ان کو بہت ہی کم چانس ہوتے ہیں کہ وہ اس بیماری کی لپیٹ میں آئیں۔

کبوتروں کی ویکسین کرنے کا طریقہ

ویکسین انجیکٹ کرنا یعنی ویکسین کو جسم میں داخل کرنے کا طریقہ سمجھنا نہائیت ہی ضروری ہے۔ اگر آپ اس طریقہ کار کو صحیح طور پر اور سائنس کی دی گئی ترکیب کے مطابق نہیں کرتے تو بھی بہت کم فوائد حاصل ہوتے ہیں۔ جب بھی آپ ویکسین کا عمل کریں تو ان احتیاطی تدابیر کو ضرور اپنائیں۔ جو چیزیں میں درج کر رہا ہوں ان کا حصول یقینی بنائیں۔ وہ ہی ویکسین استعمال کریں جو آپ کے شہر کے موسم میں بہترین رزلٹ دے رہی ہو۔ ہر ویکسین ہر شہر میں ایک جیسا پوزیٹو رزلٹ نہیں دیتی۔ تحقیق کریں شوقین دوستوں سے معلومات لیں کہ اس شہر میں کون سی ویکسین کا رزلٹ سب سے بہتر ہے. اور اسی کو استعمال میں لائیں۔

ویکسینیشن کا عمل کرنے کے لیے کم از کم دو بندوں کا ہونا نہائیت ضروری ہے۔ ایک کبوتر کو ہاتھ میں پکڑے وہ اس طرح کہ ایک ہاتھ میں کبوتر ہو اور دوسرے ہاتھ سے کبوتر کو اس طرح پکڑا ہو کہ کبوتر کا سر انگلیوں کے پہلے پوٹوں میں ہو۔ کبوتر کی نوک ہاتھ کی ہتھیلی کی طرف ہو۔ ایسا کرنے کا فائدہ یہ ہو گا کہ انجیکشن لگانے کے دوران کبوتر گردن کو حرکت نہیں دے سکے گا۔ انجیکشن آسانی سے لگ جائے گا اور ٹھیک طریقے سے لگے گا۔

گردن کی جلد میں ویکسین کا طریقہ

کوشش کریں کہ صرف وہی ویکسین استعمال کریں جو خاص کر صرف کبوتروں کے لیے بنائی گئی ہو۔ اس کے فائدے مرغیوں کی ویکسین سے زیادہ ہوتے ہیں۔ جب کبوتر کو ویکسین لگائیں تو ویکسین لگانے کے طریقے پر پورا پورا عمل کریں۔ وہ یہ کہ کبوتر کی جلد کو دو انگلیوں سے پکڑ کر جتنا بھی جلد کو اوپر اٹھ سکتے ہیں اتنا اوپر اٹھائیں اور گردن کے گوشت اور جلد کے درمیان جو گیپ بنے اس میں انجیکشن انجیکٹ کریں ۔ پوری کوشش کریں کہ جب آپ انجیکشن لگا رہے ہیں تو سوئی کا رخ جسم کی طرف ہو نا کہ گردن کے گوشت کی طرف۔ کسی بھی صورت انجیکشن کبوتر کے گوشت میں نا لگائیں۔ صرف جلد کے نیچے لگائیں۔ ویکسین بنانے والی کمپنی بھی یہی طریقہ کار بتاتی ہے۔

ویکسین ضروری ہدایات

اتنا ہی ویکسین کو کبوتر کی جلد کے نیچے انجیکٹ کریں جتنی مقدار کمپنی نے تجویز کی ہو۔ اس سے کم یا اس سے زیادہ استعمال کرنے سے فائدہ نہیں الٹا نقصان ہو گا۔ ویکسین انجیکشن میں بھرنے سے پہلے بوتل کو ہر بار اچھی طرح ہلا کر سرنج میں بھریں۔ جو بھی ویکسین استعمال کریں اس پر لکھی ہوئی ہدایات کا بغور مطالع کریں اور ان احکامات پر عمل کریں۔

اچھی کمپنی کی سرنج استعمال کریں اور اسے جراثیم شدہ ہونے سے بچائیں۔ ویکسین کی بوتل کو اس کے مطلوبہ درجہ حرارت پر رکھیں ورنہ وہ خراب ہو جائے گی۔ کبوتروں کو ویکسین انجیکٹ کرتے وقت خاص خیال رکھیں کہ اس کی سوئی آپ کے ہاتھ یا جسم کے کسی حصے پر چھب نا جائے۔ جو بہت خطرناک ہو سکتی ہے۔ اگر ایسی صورت حال ہو جائے تو سوئی چھبنے والی جگہ پر سوجن بھی ہو سکتی ہے۔ ایسا ہونے پر فوری طور پر ڈاکٹر کے پاس جائیں اور ساری صورت حال سے ڈاکٹر کو آگاہ کریں۔

انجیکشن لگاتے وقت خصوصی احتیاط

انجیکشن لگاتے وقت ایک کبوتر کو سوئی چبونے کے بعد دوسرے کبوتر کو اس وقت تک وہی سوئی نا چبوئیں جب تک اس کی سوئی خون اور جراثیم سے پاک نا کر لیں۔ اس کا طریقہ بہت آسان یے۔ انجیکشن کا عمل شروع کرنے سے پہلے کسی برتن میں الکوحل یا سپرٹ ڈال کر رکھ لیں۔ ایک کے بعد دوسرے کبوتر کو انجیکشن لگانے سے پہلے برتن میں ڈالی ہوئی سپرٹ الکوحل یا شراب میں اس کی سوئی کو ڈبو دینے سے سوئی جراثیم سے پاک ہو جائے گی۔ اس عمل سے ایک کبوتر کے خون کے فاضل مادے دوسرے کبوتر کے خون میں شامل نہیں ہو سکیں گے۔ جس سے کبوتر محفوظ رہتا ہے۔

ایک ویکسین کو جب استعمال کر لیا جائے تو اس میں بچنے والی ویکسین بعد میں قابل استعمال نہیں رہتی۔ بچنے والی ویکسین اسی دن کسی دوست کے کبوتروں پر استعمال کر لیں ورنہ دوسری صورت میں وہ 12 گھنٹے بعد بیکار ہو جائے گی۔ اس کو دوبارہ استعمال کرنا کبوتروں کو اپنے ہاتھوں سے زہر دینے کے مترادف ہے۔

ویکسین کے بعد وآئرس کا اٹیک کیوں ہوتا ہے ؟

پیارے شوقین دوستو اکثر دیکھنے اور سننے میں آتا ہے کہ کبوتروں کی ویکسین کرنے کے باوجود بھی کبوتر وائرس کی لپیٹ میں آ جاتے ہیں۔ کبوتروں کا بہت سا جانی نقصان اٹھانا پڑھ جاتا ہے ۔ ایسا وقت کسی بھی شوقین کے لیے خوشگوار نہیں ہوتا جب کسی کی بھی پورے سال کی محنت برباد ہو رہی ہو۔

ہم سوچتے ہیں کہ ہم نے جو ویکسین کی ہے وہ اچھی نہیں ہے۔ خراب ویکسین ملی ہے جو اثر نہیں رکھتی تھی۔ یا پھر کمپنی اچھی نہیں تھی جس کی ویکسین استعمال کی ہے۔ ویکسین ہمارے موسم کو سوٹ ہی نہیں کرتی شائد۔ یا پھر ایک سوال اور اٹھایا جاتا ہے کہ فلاں بندے کی چھت پر گیا تھا۔ اس کے کبوتروں میں وائرس تھا جس کی وجہ سے وائرس کبوتروں میں آگیا ہے۔ اسی طرح یہ بھی کہتے ہیں ایک نیا کبوتر کبوتروں میں لا کر ڈالا تھا اس میں وائرس تھا شاید اسی کی وجہ سے باقی کبوتروں میں وائرس کا حملہ ہو گیا ہے۔

 اس طرح کی دوسری بہت سی باتیں ذہن میں آتی ہیں جو بندے کو مختلف پوائینٹس پر سوچنے پر مجبور کرتی ہیں۔ لیکن شوقین دوستو ایسا کچھ بھی نہیں ہوتا۔ اس کی وجوہات تو ہوتی ہیں لیکن اصل وجہ ان میں سے کوئی بھی نہیں ہوتی۔ بات تھوڑی لمبی ہے لیکن میں کوشش کرونگا کہ کسی بھی طرح اس کو سمجھا سکوں۔

اینٹی باڈیز کیا ہوتی ہیں؟

اینٹی باڈیز کس چیز کا نام ہے۔ اس کا کیا فائدہ ہے اور پرندوں کے جسم میں اس کا کیا کردار ہے۔ ہر وہ وائرس کی بیماری جس کا علاج نا ہو اس بیماری کی ویکسین ہوتی ہے۔ جو مختلف اشکال میں ہو سکتی ہے۔ لیکن کام سب کا ایک ہی ہوتا ہے۔ اور وہ یہ کہ جس وائرس سے بچنے کے لیے پرندوں کو ویکسین کی جاتی ہے وہ ویکسین صرف اسی وائرس سے بچاو کے لیے جسم میں اینٹی باڈیز پیدا کرتی ہے۔ جس وائرس سے بچاو کے لیے وہ ویکسین کی ہوتی ہے اس وائرس کو جسم میں پھلنے پھولنے نہیں دیتی۔

اس وائرس کے جراثیم کو جسم میں داخل ہونے پر مار دیتی ہے۔ اپنی ایک خاص مدت کے بعد وہ اینٹی باڈیز خود کار طریقے سے خود بخود ختم ہو جاتی ہے۔

اینٹی باڈیز وائرس کو کیسے روکتی ہیں

مثال کے طور پر ہم نے (پی ایم وی) یعنی لقوہ جھولا کی ویکسین بالکل سائنسی طریقے کے مطابق کی ہوئی ہے۔ تو اس ٹھیک طریقے سے پرندے کی باڈی میں اینٹی باڈیز پیدا ہونگی اور جسم میں ایک ایسی آرمی کا کام کرے گی جو جس وائرس سے کبوتروں کو بچانے کے لیے ویکسین انجیکٹ کی ہوئی ہوتی ہے اس وائرس کے حملے کے وقت جسم میں داخل ہونے والے وائرس کو مار دے گی اور اس وائرس کی ایک خاص تعداد کو جسم میں زندہ حالت میں جمع نہیں ہونے دے گی جس سے کبوتر کی صحت متاثر ہوتی ہے۔ اس کو سائینس کی لغت میں اینٹی باڈیز کہا جا جاتا ہے۔

لیکن یہاں ایک سوال اٹھتا ہے کہ اگر کبوتروں میں اینٹی باڈیز بن چکی ہیں تو ان میں وائرس کیوں آ جاتا ہے جو کبوتروں کو بیمار کرتا ہے۔ اس کو سمجھنا اور سمجھانا تھوڑا مشکل ہے۔ لیکن اللہ نے چاہا تو میں سمجھانے کی پوری کوشش کرونگا باقی جو میرے اللہ کو منظور ہوا وہی ہو گا۔

مختلف بیماریوں کی الگ ویکسین

ہم (پی ایم وی) کی ویکسین کر کے خود کو مطمئین کر لیتے ہیں کہ اب فلاں مدت تک یہ وائرسی بیماری کبوتروں میں نہیں آئیگی۔ لیکن بعض اوقات کوئی دوسری وائرس کی بیماری جسم میں داخل ہو جاتی ہے. جس کے وائرس کو روکنے کے لیے جسم میں اس وائرس کی اینٹی باڈیز نہیں ہوتی۔ جس کی وجہ سے کبوتر اس وائرس کی بیماری میں مبتلا ہو جاتا ہے. مثال کے طور پر آنکھوں کا وائرس پیراٹائیفائڈ کا وائرس  یا کسی اور بیماری کا وائرس جسم میں داخل ہو جاتا ہے.

ہم نے جو ویکسین کی ہوئی ہے وہ صرف (پی ایم وی) یعنی لقوہ جھولا کی ہوئی ہے. اس کی اینٹی باڈیز دوسرے وائرس کو ختم نہیں کرے گی. چونکہ وہ خاص لقوہ جھولا کے لیے بنی ہوئی ہے تو لقوہ جھولا کی ویکسین سے بننے والی اینٹی باڈیز کسی بھی دوسری بیماری کے جراثیم کے خلاف کام نہیں کرے گی۔

مثال کے طور پر انسانوں کے بچوں کو مختلف بیماریوں سے بچانے کے قطرے اور انجیکشن لگائے جاتے ہیں لیکن وہ قطرے اور انجیکشن کرونا یا ڈینگی کے وائرس کو نہیں مارتے۔ کرونا اور ڈینگی کے وائرس کو مارنے کے لیے کرونا اور ڈینگی کی ویکسین علیحدہ سے لینی ضرور ہے۔

اسی طرح کبوتروں میں بھی کوئی ایسی ویکسین نہیں ہے جو ہر وائرس کی بیماری سے ان کا تحفظ کر سکے۔ اسی طرح جیسے ہی کوئی دوسری وائرس کی بیماری پرندوں میں آتی ہے تو اس کے منفی اثرات کے ردعمل سے کبوتر کمزور ہونا شروع ہو جاتا ہے ۔

کبوتر کی اچھی صحت اور اینٹی باڈیز

جسم خود بھی مختلف بیماریوں سے تحفظ کے لیے جسم میں اینٹی باڈیز بناتا ہے۔ جو مختلف موسمی بیماریوں سے تحفظ فراہم کرتی ہے اور وہ اینٹی باڈیز صرف اس حالت میں ہی بنتی ہیں جب کبوتر تندرست ہو

کبوتر طاقتور اور تندرست ہو تو جسم خود کار طریقے سے اپنے وجود میں اینٹی باڈیز بناتا رہتا ہے۔ یہ نظام ہر جاندار میں کام کرتا ہے۔ لیکن کسی بھی بیماری کی لپیٹ میں آنے کے بعد جب پرندہ کمزور پڑھ جاتا ہے تو جسم میں اینٹی باڈیز تو بناتا ہے لیکن بہت کم مقدار میں۔

اس کا نقصان یہ ہوتا ہے کہ ہم نے جو ویکسین کبوتر کو کی ہوتی ہے اس سے بننے والی اینٹی باڈیز بھی کمزور پڑھ جاتی ہے اور بیماری کا مقابلہ کرنے کے قابل نہیں رہتی اور جس بیماری سے تحفظ کے لیے ویکسین کی ہوتی ہے اینٹی باڈیز کمزور ہونے کی وجہ سے بیماری کے وائرس کا مقابلہ نہیں کر پاتی۔ اسی وجہ سے کبوتروں میں ویکسین کی ہونے کے باوجود وہی بیماری آن وارد ہوتی ہے۔ جس کی ویکسین وقت سے پہلے ہی کی ہوتی ہے۔

ایسا ہو ہی نہیں سکتا کہ ویکسین کرنے کے بعد اینٹی باڈیز بن جائیں اور متعلقہ بیماری کا حملہ ہو اور وہ جسم میں اپنی جگہ بنا لے۔ایسا ممکن ہی نہیں ہے یہ سراسر سائنس کے خلاف ہے۔

کبوتروں کی مناسب تعداد

ایک اور وجہ جس پر شوقین دوست توجہ ہی نہیں دیتے۔ وہ یہ کہ اگر آپ کے کھڈوں میں کبوتر مقڑہ تعداد سے زیادہ ہیں تو ان کبوتروں کو ویکسین بالکل بھی فائدہ نہیں دے گی۔ ان کبوتروں میں بیماری ہر صورت میں آئے گی۔ اس کا صحیح طریقہ یہ کہ کھڈوں میں مناسب تعداد میں کبوتر رکھیں۔ کبوتروں کو موسم کے اعتبار سے مناسب اور فائدہ مند خوراک دیں۔ گندے پانی اور گندے اور ناقص دانے سے پرہیز کریں۔ اپنے کبوتروں کو زیادہ سے زیادہ ایسی سہولتیں دیں جس سے وہ فرٹیلائز ہوتے رہیں اور خوش رہیں۔ کبوتر کی طبعیت جتنی زیادہ خوش رہے گی اس کے اندر اتنی ہی زیادہ اینٹی باڈیز بنے گی۔ جتنی زیادہ اینٹی باڈیز بنے گی کبوتر اتنا ہی زیادہ بیماریوں سے مقابلہ کرنے کی طاقت رکھے گا۔

اس کی وجہ یہ ہے کہ جن کھڈوں میں ۵۰ کبوتروں کی گنجائش ہے ان میں ۷۰ یا ۱۰۰ کبوتر رکھتے ہیں تو ان کو ویکسین کا بالکل فائدہ نہیں کو سکتا۔ ایسے کبوتر ۲۴ گھنٹے سٹریس میں رہتے ہیں۔ ذہنی پریشانی ان کو گروتھ ہی نہیں کرنے دیتی۔ دانا کھاتے وقت بھی وہ ایک دوسرے سے جگہ کم ہونے کی وجہ سے یا دانے کی ٹرے چھوٹی ہونے کی وجہ سے آپس میں جھگڑتے ہیں۔ جن کی وجہ سے ان کی چونچ سر اور آنکھ پر اکثر ذخم بھی ہو جاتے ہیں۔ پوری خوراک بھی نہیں کھا پاتے اور بھوک کی وجہ سے ذہنی دباو کا شکار رہتے ہیں۔ کھڈے میں تعداد زیادہ ہونے کی وجہ سے وہ کسی بھی وقت آرام سے بیٹھ نہیں پاتے۔ ذہنی دباو کا شکار رہتے ہیں۔

اسی طرح رات بھر تعداد زیادہ ہونے کی وجہ سے ٹھیک طرح سے اپنی نیند پوری نہیں کر پاتے۔ جس کی وجہ سے نیند کی کمی اور تھکاوٹ کا شکار رہتے ہیں ۔

کبوتروں کو تھکاوٹ اور ذہنی دباو کا شکار نہ ہونے دیں

ایک بات دوست ذہن نشین کر لیں تھکاوٹ اور ذہنی دباو کا شکار رہنے والے پرندے اور مقررہ خوراک نا کھانے والے پرندے ویکسین ہونے کے باوجود اسی بیماری کی لپیٹ میں لازم آئیں گے۔ جس سے تحفظ حاصل کرنے کے لیے ویکسن کی ہوئی ہو گی۔

اس کی سائنسی وجہ یہ ہے کہ تھکاوٹ کا شکار رہنے والے مکمل خوراک نا کھانے والے اور ذہنی دباو کا شکار رہنے والے پرندے کبھی بھی مطلوبہ مقدار میں اپنے جسم میں اینٹی باڈیز نہیں بنا سکتے۔ ایک صحت مند پرندہ اور خوش باش رہنے والا پرندہ ذہنی دباو رکھنے والے پرندے تھکاوٹ اور کم خوراک کھانے والے پرندے کے مقابلے میں اینٹی باڈیز کی گروتھ ۵۰ فیصد زیادہ کرتا ہے اور جب پرندہ اینٹی باڈیز بننے کا حدف ہی مکمل نہیں کر پائے گا تو اس بیماری کا مقابلے کا سوچنا بھی نادانی ہے یہی وہ جوہات ہوتی ہیں جن کی وجہ سے ویکسین کی ہونے کے باوجود وہی بیماری کبوتروں کو اپنی لپیٹ میں لے لیتی ہے اور ہم مختلف وجوہات کو اس کا زمیندار ٹھہرانے لگتے ہیں اور اصل وجوہات سے لاعلم رہتے ہیں۔

پیراٹائفائڈ کی ویکسین

لقوہ جھولہ کے علاوہ پیراٹائفائڈ کی بھی ویکسین کریں۔ کیونکہ پیراٹائیفائڈ بھی بہت ہی مہلک بیماری ہے جو بہت سے کبوتروں کو نا اڑنے کے قابل چھوڑتی ہے اور نا ہی جوڑے ہونے کے قابل چھوڑتی ہے۔ کسی کی ٹانگوں پر فالج ہو جاتا ہے۔ کسی کے کندے جام ہو جاتے ہیں۔ پیٹ کے کیڑوں کا باقاعدگی سے سدباب کرتے رہا کریں یہ بھی کبوتروں کو شدید نقصان پہنچاتے ہیں اور مختلف بیماریوں کے آنے کا راستہ بناتے ہیں۔

شدید گرمی اور شدید سردی سے پرندوں کو بچا کر رکھیں۔ خاص کر گرمیوں میں گرم پانی نا پینے دیں اور سردیوں میں ایک حد سے زیادہ ٹھنڈا پانی استعمال نا کروائیں۔ کھڈوں کی بناوٹ حفظان صحت کے اصولوں کے مطابق بنائیں جو گرمی اور سردی سے تحفظ دیں۔ انشاء اللہ آپ کے پرندے ہر قسم کی بیماریوں سے محفوظ رہیں گے۔ میرے ہر آرٹیکل کو شیئر ضرور کیا کریں تاکہ سب کا بھلا ہو۔ فقط حقیر پر تفسیر استاد خان محمد بارا لاہور۔

• 
  ون لافٹ کبوتر ریسنگ
• 
  مٹی کے برتن کبوتروں میں فوائد اور نقصانات
• 
  مادیاں اور انڈے بریڈنگ سے متعلق اہم معلومات
• 
  گلودو کبوتر سیالکوٹی کبوتروں کا جدامجد
• 
  کبوتروں میں کنکر کا علاج اور علامات
• 
  کبوتروں میں سوکڑا اور معدے کا خراب ہونا

The post کبوتروں کی ویکسین کا استعمال کیوں ضروری ہے appeared first on Kabootar Parwari.

تحریر: استاد خان محمد بارا

ایک سال میں دو بار پرپٹائی کے نقصانات

پہلا نقصان کیلشیم کی مقدار کم ہونے سے اکثر کبوتروں کے پر پورے نہیں نکلتے۔ اگر پورے نکل بھی آئیں تو ان پروں میں اتنی جان نہیں رہتی یعنی کمزور پر نکلتے ہیں۔ دوسری خرابی یہ ہوتی ہے کہ کبوتر کے کندھے کے پٹھے کمزور پڑھ جاتے ہیں۔ آئندہ پرپٹائی پر مزید خراب پر نکالتے ہیں اور ان پروں کی پیکنگ بھی متاثر ہو جاتی ہے۔

تیسری خرابی یہ ہوتی ہے کہ کبوتر جسمانی طور پر بھی کمزور ہو جاتا ہے۔ اسے ایکسٹرا انرجی استعمال کر کے پرپٹائی کے پروسیس کو پورا کرنا پڑھتا ہے۔ جو اکثر کبوتروں کی کمزوری کا باعث بنتا ہے۔ چوتھا نقصان جسم میں ان تغیرات کے وقوع پزیر ہونے سے دوران پرواز کبوتر زیادہ مقدار میں واپسی نہیں کر پاتے۔

ہر وہ کام جو کسی بھی جاندار میں نظام قدرت کو ڈسٹرب کرتا ہے اس کا سو فیصد رد عمل آتا ہے۔ وہ ردعمل بہت نقصان کرتا ہے اس لیے ہر چیز کو اس کی فطرت پر ہی رکھیں ۔ اپنی فطرت پر پروش پانے والی ہر جاندار چیز بہترین رزلٹ دیتی ہے۔ اس لیے اسوج کے کبوتر علیحدہ ہونے چاہیے۔ بیساکھ جیٹھ کے کبوتر علیحدہ ہونے چاہیے۔ تاکہ ایک ہی سیزن میں ڈبل پرپٹائی سے بچا جا سکے۔

بچوں کی پرپٹائی

اکثر دیکھنے میں آتا ہے کہ پرپٹائی کے دوران بچوں کے پر بھی نکال دیے جاتے ہیں جو سراسر زیادتی ہے۔ ایسا کرکے بھی ہم نظام قدرت کے خلاف جاتے ہیں۔ جس کا سرا سر نقصان اٹھاتے ہیں۔ اس کے نقصانات کی مثال یہ ہے کہ جب بازی قریب آتی ہے تو وہ بچے جن کے پر اکھاڑے گئے ہوتے ہیں ان میں سے صرف وہی بچتے ہیں جو بہت کم اڑتے ہیں۔ اچھا اڑنے والا ایک آدھ ہی بچتا ہے۔ اس طرح ہم بچوں کی اچھی خاصی تعداد ضائع کر بیٹھتے ہیں ۔ اگر وہی بچے اصول فطرت کے مطابق اپنے پر گرا کر مکمل کریں تو بہترین پروازیں دیتے ہیں۔

کبوتروں کی ڈی ورمنگ اور پرپٹائی

کبوتروں کی ڈی ورمنگ پرپٹائی سےکم از کم ایک مہینہ پہلے کریں اگر ایک ہفتہ یا اس کم وقت میں ڈی ورمنگ کر کے پرپٹائی کریں گے تو اکثر کبوتر کمزور پر نکالیں گے کیونکہ کیڑوں کو مارنے والی ہر دوائی کیلشیم اور وٹامن سی کی کمی کا باعث بنتی ہے لہذا اس عمل سے بھی بچا جائے۔

پرپٹائی میں میڈیسن کا استعمال

دوران پر پٹائی بلاضرورت کسی بھی میڈیسن کا استعمال نا کریں کیونکہ اکثر دوائیاں ری ایکشن کر جاتی ہیں۔ وہ ریکشن بظاہر نظر نہیں آتا. لیکن پرپٹائی میں خاصا نقصان دہ ہوتا ہے۔ جن سے پروں کا نقصان ہونے کا احتمال باقی رہتا ہے. کیلشیم دینے سے سختی سے پرہیز کریں. کیونکہ ایکسٹرا کیلشیم اگر کبوتر کو ملے تو وہ ضرورت سے زیادہ پر لمبے کر جاتے ہیں اور کبوتر اڑنے کے بالکل بھی قابل نہیں رہتا۔

دوران پرپٹائی ایسی کوئی خوراک کبوتروں کو نا دیں جن سے کبوتر وزن بڑھا جائیں اسوج میں کوشش کریں کہ کبوتر مکمل ہو تو وہ لائٹ ویٹ ہو ایسے کبوتر ضائع ہونے کی ریشو بہت ہی کم ہوتی ہے۔

بیساکھ اور اسوج کی شروعاتی پھڑکوں کا فرق

بیساکھ میں کبوتر نرم موسم میں اڑنا شروع ہوتے ہیں اور آہستہ آہستہ گرمی میں آتے ہیں۔ جس کی وجہ سے کبوتر خود کو گرمی کے مطابق ڈھال چکے ہوتے ہیں۔ اس کے برعکس اسوج میں کبوتر گرمی حبس اور ضرورت سے زیادہ نمی کے موسم میں اڑنا شروع کرتے ہیں. نئے پر ہونے کی وجہ سے وزن والے کبوتر آسمان تو چلے جاتے لیکن گرمی اور نمی کا تناسب ضرورت سے زیادہ ہونے کی وجہ سے کبوتر کے پھیپھڑے مطلوبہ آکسیجن حاصل نہیں کر پاتے. اکثر واپسی نہیں کرتے اور باہر گر جاتے ہیں۔

کبوتروں کے پر مکمل ہونے کے بعد کا عمل

کوشش کیا کریں کہ اسوج میں جن کبوتروں کی پرپٹائی کی ہے ان کو کم از کم 60 دن کے بعد باہر نکالیں۔ تاکہ کبوتر پر اچھی طرح خشک کر لیں۔ اس سے ان کی واپسی بہت بہتر ہو جائے گی۔ شروعاتی پھڑکوں میں جب کبوتر باہر نکالیں تو ان کو چالیس سی سی پانی
دیکر باہر چھوڑیں تاکہ باہر نکلتے ہی اڑ نا جائیں۔ اگر کوئی اڑ بھی جائے دس بیس منٹ میں بیٹھ جائے اور بلندی تک نا جا سکے۔

ایک ہفتہ یہی عمل دھرائیں اس کے بعد پانچ سی سی کے حساب سے پانی کی مقدار کم کرنا شروع کردیں اور دس سی سی پر آکر اس عمل کو بند کر دیں ۔ اس طرح اسوج میں کبوتروں کے بھاگ جانے کی ریشو کو کم کیا جا سکتا ہے۔ اور اپنے شوق کو بہتر سے بہتر کیا جا سکتا ہے۔

• 
  ون لافٹ کبوتر ریسنگ
• 
  مٹی کے برتن کبوتروں میں فوائد اور نقصانات
• 
  مادیاں اور انڈے بریڈنگ سے متعلق اہم معلومات
• 
  گلودو کبوتر سیالکوٹی کبوتروں کا جدامجد
• 
  کبوتروں میں کنکر کا علاج اور علامات
• 
  کبوتروں میں سوکڑا اور معدے کا خراب ہونا

The post اسوج کی پرپٹائی کب اور کب اور کیسے کریں ؟ appeared first on Kabootar Parwari.

اب سوال یہ ہے کہ کبوتر پروری میں لیجنڈ کون ہے؟ جو قابل احترام اساتذہ کرام ہمیں منظر پر نظر آتے ہیں کیا وہ لیجنڈ کی کیٹیگری میں آتے ہیں۔ ہم میں سے بہت سے شائقین کا یقیناً جواب ہوگا کہ بالکل یہ لیجنڈ ہیں میرا بھی یہی جواب ہے۔ لیکن کچھ سوالات ہیں شاید میرے گروپ میں موجود معزز ممبرز ان کے تسلی بخش جواب دے سکیں۔

کبوتر پروری میں لیجنڈ کون ہے؟

سارا سال مہاوت کی محنت اور عین بازیوں کے دنوں میں چھت پر مختصر وقت دینے پر کامیاب ہونے والے کھلاڑی کیا پروازی میدان کے لیجنڈ ہیں؟ بنے بنائے نسخہ جات لا کر انکا استعمال کرکے کامیاب ہونے والے کیا لیجنڈ ہیں؟

سارا سال دوستوں سے اور نامور گھروں سے بنے بنائے بچے اور کبوتر حاصل کرکے ان سے رزلٹ حاصلِ کرنے والے کیا لیجنڈ کے زمرے میں آتے ہیں؟ کیا لیجنڈ وہ نہیں ہیں جنہوں نے محنت کرکے وہ کبوتر سازی کی جس کی وجہ سے کوئی دوسرا لیجنڈ بن رہا ہے۔ پیسے کے بل بوتے پر بڑی بڑی عالی شان محافل منعقد کرنے والے یا انٹری فیس جمع کرکے ان پیسوں پر چوہدری بننے والے لیجنڈ ہیں؟

کیا لیجنڈ وہ نہیں ہیں جو چپکے سے نسخہ جات بناکر دے دیتے ہیں اور ان کا طریقہ بھی بتا دیتے ہیں؟ التماس ہے کہ پوری تحریر میں کسی بھی استاد یا پارٹی کو نشانہ نہیں بنایا گیا۔ یہ عام باتیں ہیں جو میں اپنے گردونواح میں دیکھتا آیا ہوں۔ لہٰذا گزارش ہے کہ جواب اخلاق کے دائرے میں رہ کر دیں خوشی ہوگی

لیجنڈ کبوتر باز کون ہے ؟ خان محمد بارا کی تحریر

لیجنڈ کی کچھ اقسام میری نظر میں آپ دوستوں سے شئیر کرتا ہو ۔ کسی کی دل آزاری ہرگز مقصد نہیں ۔ حادثاتی لیجنڈ: لیجنڈ کی اس قسم کے زیادہ تر لوگ حادثاتی طور پر یہ مقام حاصل کر لیتے ہیں۔ مگر زیادہ تر یہ اس معیار کو برقرار نہیں رکھ پاتے ۔

مالیاتی لیجنڈ: ایسے لیجنڈ لوگ دولت خرچ کر اپنی ساکھ بنائے رکھتے ہیں۔ ایسے لوگوں کو میڈیا کی بیساکھیوں کی بھی اشد ضرورت رہتی ہیں۔ اس قسم میں عقل مند زیادہ تر خاموش رہتے ہیں ۔

حقیقی لیجنڈ: ایسے لوگوں خداداد صلاحتیوں کے مالک ہونے کیساتھ مسلسل محنت کے نتیجہ میں یہ مقام حاصل کرتے ہیں ۔ ان کی گفتگو سے انکا علم و تجربہ ویسےہی جھلکتا ہے جیسے ڈبی میں پڑی کستوری سے خوشبو پھیلتی ہیں ۔ یہاں یہ بات قابل ذکر ہیں کسی بھی شعبہ میں ” لیجنڈ ” کا معیار مختلف لوگوں میں مختلف ہوتا ہے ۔

لیجنڈ اکثر دنیا سے جانے کے بعد مانے پہچانے جاتے ہیں۔ زندگی میں تو کچھ لوگ ان کے وجود سے خوف کھاتے ہیں۔ سچائی بڑی تلخ ھوتی ھے۔ کبوتر پروری کا شوق بڑا ھے مگر اس میں اکثر چھوٹے لوگ ہیں۔ کسی کے سالہا سال کی محنت سے بنے کبوتر چھتری والے۔ اچھے اڑ جائیں تو بےایمانی کا ٹیگ لگا دیں, لو فلائر کا لیبل لگا دیں۔ بڑا شوق اس لئے تھا کہ اس میں ہارنے والے جیتنے والوں کے گلے میں ہار اور مٹھائی لے کرجاتے تھے۔

اللہ کرے کہ آج کے کبوتر پرور کو بھی بیوپاری کے بجائے لیجنڈ بننے کا شوق اور آرزو ھو ,آمین

• 
  Best Quality Pigeons Sign to Notice
• 
  Best Racing Pigeon Eyes Hidden Secret Revealed
• 
  Canker Sore Treatment in Pigeons
• 
  Coccidiosis In Pigeons – How To Treat Cocci Disease
• 
  Diarrhea in Pigeons Big Problem for Fanciers
• 
  Digestion Issues in Pigeons Not To Worry Now

The post کبوتر پروری میں لیجنڈ کون؟ appeared first on Kabootar Parwari.

تحریر : استاد خان محمد بارا

 زیادہ پرواز کو کراس سے کم کیا جا سکتا ہے۔ کم پرواز والے کی اعلی پرواز بنانا تو خود کو مشکل میں ڈالنے والا کام ہی ہے۔ کم پرواز والا اول تو بریڈر ہی نہیں ہوتا۔ اگر بریڈ میں ڈال بھی دیا جائے تو اس میں اعلی ترین بلڈ لائن کا کبوتر ڈالنے سے اس کی پرواز کو شام تک کیا جا سکتا ہے۔

جب ٹمپریچر 47 ڈگری پر جائے گا تو پھر یہ کبوتر آپ کی مرضی کے مطابق نہیں اڑیں گے۔ تب وہ ہی کبوتر اڑیں گے جو بلڈ لائن میں ہائی کلاس ہونگے۔

بریڈر کبوتر کی خصوصیات

وہ بریڈر نہیں ہو سکتا جو مختلف آنکھ اور مختلف کلر کے بچے نکالے۔ اصل بریڈر وہ ہی ہے جو اپنا کلر نہ چھوڑے، اپنے پروں میں خرابیاں نہ دے۔ جس کا ہڈی جوڑ بیلنس نکلے، جس کے بچے وزن دار نہ ہوں۔ جو سائز میں کمی بیشی نہ کرے۔ جس کی آنکھوں میں مختلف شیڈ نہ آتے ہوں، ایسے کبوتر مختلف نسلوں کے کراس سے بنے ہوتے ہیں۔ جن جوڑوں کے بچوں کی آنکھیں مختلف قسم کے شیڈ دیتے ہیں وہ اصل بریڈر کبوتر ہوتے ہی نہیں۔

کراس ہوۓ بریڈر کبوتر

بعض اوقات دو اعلی قسم کے کراس میں نکلے ہوئے کبوتروں کو جوڑوں کو آگے جوڑوں میں ڈال دیا جائے تو آگے بچے اڑا دیتے ہیں۔ لیکن وہ کلر، آنکھ کا کلر کبھی بھی ایک نہیں رکھ سکتے۔ ہر نکلنے والا بچہ علیحدہ ہی شناخت لے کر پیدا ہوتا ہے۔ اور اگر انہیں بھی جوڑوں میں ڈال دیا جائے تو نکلنے والے بچے عجیب سی کھچڑی بنا دیں گے۔ جو جوڑوں کی خوبصورتی اور کلاس کے ضمن میں نہیں آتے۔

مثال کے طور پر اگر کوئی زرد آنکھ کے کبوتر کو کہے کہ یہ ٹیڈیوں میں سے ہے لیکن زرد آنکھ کا نکل آیا ہے تو عقل نہیں مانے گی۔ سفید آنکھ کے سفید کبوتر کو بھی ٹیڈی نہیں کہہ سکتے۔ اسی طرح بریڈر کی آنکھ اس کا کلر اور اس کی ٹھیک بلڈ لائن ہی اس کو بریڈر ثابت کرتی ہے۔

کبوتر بازی میں بریڈنگ اور اڑانے کا فن

سب سے مشکل اگر اس شوق میں کوئی چیز ہے، تو وہ کبوتر کی آنکھ دیکھ کر اس کی بلڈ لائن کو پڑھنا ہے۔ جس نے یہ سیکھ لیا اور اس پر عبور حاصل کر لیا تو اس سے بڑا کوئی استاد اور کوئی کاریگر نہیں۔ کیونکہ جب اس پر عبور حاصل ہوگیا تو ان میں سے نسلیں نکالنا اور ان کو اعلی پوزیشن پر لانا کوئی مسئلہ نہیں رہتا۔

 یہی اصل گیم ہے پھر ایک ہی شعبہ بچتا ہے کبوتر اڑانے کا فن اور یہ فن بھی کوئی آسان کام نہیں۔ جن لوگوں کے استاد قابل ہونگے اور شاگرد محنت کرنے والا تو منزل آسان ہو جاتی ہے۔ اسی طرح کبوتر پروری بھی ایک عشق رکھنے والا شوق ہے۔

شاگردوں کو گمراہ کرنے والے استاد

بہت ہی معزرت اور بہت ہی ندامت سے کہ رہا ہوں کہ اس گیم میں زیادہ تر استاد صاحبان اپنی باتوں سے اور اپنی ہی گھڑی ہوئی جھوٹی کہانیوں سے اپنے ہی شاگردوں کو گمراہ کرتے ہیں۔ جو بہت ہی افسوس کی بات ہے۔ ایک بہت بڑا طبقہ جو اس شوق سے وابستہ ہے ایسے ہی گمراہ کرنے والے استادوں کی بھینٹ چڑھے ہوئے ہیں۔ جو ایسے شوقینوں کی محنت وقت اور پیسے کے ضیا کا سبب بنتے ہیں۔

بھائیو اور دوستو کسی پر بھی تنقید نہ کریں۔ کوئی کچھ بھی کہے دیکھو سنوں اور اس میں سے علم نکالنے کی کوشش کرو۔ کیونکہ ہر شوقین کے پاس زیادہ نہیں تو تھوڑا علم ضرور ہوتا ہے۔ علم لے لینا چاہیے چاہے دشمن سے کیوں نہ ملے۔ تنقید بھی کریں لیکن علم کے ساتھ اور حقائق کا چہرہ دکھائیں۔ لفظوں کی غلاظت سے دلوں سے محبت کا اثر ختم ہو جاتا۔

• 
  ون لافٹ کبوتر ریسنگ
• 
  مٹی کے برتن کبوتروں میں فوائد اور نقصانات
• 
  مادیاں اور انڈے بریڈنگ سے متعلق اہم معلومات
• 
  گلودو کبوتر سیالکوٹی کبوتروں کا جدامجد
• 
  کبوتروں میں کنکر کا علاج اور علامات
• 
  کبوتروں میں سوکڑا اور معدے کا خراب ہونا

The post بریڈر کبوتر کی پہچان اور پرکھ کی اہمیت appeared first on Kabootar Parwari.

استاد خان محمد بارا

میری ناقص معلومات کے مطابق اس کی چار وجوہات ہیں
ایسے کبوتر جن کو آوٹ سیزن میں کم اڑایا گیا ہو۔
کبوتر جو ضرورت سے زیادہ جسمانی وزن بنا لیں۔
ایسے کبوتر جن کبوتروں کا وجود پروں کے حساب سے زیادہ وزنی ہو۔
وہ بچے جن کے بچوں والے پر اکھاڑ کر سر کیا ہوا ہو۔

کبوتر جن کو آوٹ سیزن میں کم اڑایا ہو

ایسے کبوتر جن کو آوٹ سیزن میں کم اڑایا گیا ہو ایسے کبوتروں کو سیزن کی شروعات کی پھڑکوں میں کافی مشکلات کا سامنا کرنا پڑھتا ہے۔ چونکہ ایسے کبوتر آوٹ سیزن میں کم اڑے ہوتے ہیں. اس لیے ان کے پٹھوں میں اتنی قوت نہیں ہوتی کہ وہ زیادہ دیر ہوا میں خود کو روک سکیں ۔

 اس لیے ایسے کبوتر شروع کی پھڑکوں میں دوران پروان بہت جلد تھک جاتے ہیں. اسی تھکاوت کی وجہ سے ان کے پٹھے درد سے بھر جاتے ہیں. اور ایک یا دونوں سائیڈ کے کندھوں کے پٹھے یعنی مسل کام کرنا چھوڑ دیتے ہیں. جس کی وجہ کبوتر گر جاتے ہیں اور بعض کبوتر جان سے بھی چلے جاتے ہیں۔

کبوتر زیادہ جسمانی وزن بنا لیں

ایسے کبوتر جو دوران پٹائی اپنے اصل وزن سے زیادہ وزن بنا لیں. وہ کبوتر بھی شروعاتی پھڑکوں میں وزن کی زیادتی کی وجہ سے پھول کر گر جاتے ہیں۔ اس لیے پرپٹائی کے بعد ایسا دانا یا ایسی خوراک جو ضرورت سے زیادہ وزن بڑھاتی ہو اس سے اجتناب کرنا چاہیے تاکہ ایسی مشکل سے بچا جا سکے۔

کبوتروں کا وجود پروں کے حساب

ایسے کبوتر جن کے پروں کا سائز چھوٹا ہو اور جسمانی وزن پروں کی رینج سے زیادہ ہو. وہ کبوتر بھی اکثر شروعاتی پروازوں میں ان مسائل سے دوچار ہوتے رہتے ہیں۔

ہونا یوں چاہیے کہ ایسے کبوتروں کو پرپٹائی کے بعد علیحدہ کر لینا چاہیے. ان کو مخصوص دانا ڈالنا چاہیے تاکہ ان کا وزن نا بڑھ سکے. ایسے کبوتر لائٹ ویٹ ہونگے تو ایسے مسائل سے نبرد آزما ہونے سے بچ جائیں گے۔

بچے جن کے بچوں والے پر اکھاڑ کر سر کیا ہو

وہ بچے جن کے بچوں والے پر اکھاڑ کر ان کو لیس کیا ہوا ہو ان کے کندہ لگنے کی ریشو بھی کافی ہوتی ہے. اس لیے کوشش کرنی چاہیے کہ بچوں کے پر اکھاڑ کر لیس نا کیا جائے۔ کیونکہ یہ کام اصول فطرت سے ہٹ کر بھی ہے. جس کی وجہ سے دوسرے بھی کافی مسائل سامنے آتے ہیں. اس لیے بہتر یہی کہ ایسا نا کیا جائے۔

بچے اپنے دس پر خود ہی مکمل کریں اور اسی طرح لیس ہوں اس طرح لیس ہو کر تیار ہونے والے پٹھے پٹھیاں بہت کم کندہ لگنے کا شکار ہوتے ہیں۔

Trending

کبوتر کی خوراک میں پروٹین چکنائ اور کاربوہائڈریٹس کا تناسب

ان چار کیٹگری کے کبوتروں کو زیادہ سے زیادہ دھوپ میں رکھنا چاہیے. ان کو دن 12 بجے کے بعد چند نیچے والے کبوتروں کے ساتھ اڑانا چاہیے. تاکہ چھیڑوں والے کبوتر ان کو زیادہ بلندی تک نا لیکر جائیں اور جلد بیٹھ جائیں. تین چار بار ایسا کرنے سے کبوتر کندہ لگنے سے بچائے جا سکتے ہیں. کوشش کریں کہ ایسے کبوتروں کو پھڑکوں کے دوران موٹا دانا نہ کھلائیں تاکہ وزن نا بھڑھائیں ۔

کبوتروں کی پھڑکیں اور وزن

میری اپنی ذاتی ناقص رائے میں دوران پر پٹی کبوتروں کا کبھی بھی وزن نہیں بڑھانا چاہیے جو کبوتر دوران پرپٹائی اپنا وزن زیادہ کر لیتے ہیں ان کے ضائع ہونے کی ریشو بہت زیادہ ہونی جاتی ہے۔ پورے سال کی محنت سے تیار کیے ہوئے بہت سے قیمتی جانور اسی غلطی کی نزر ہو جاتے ہیں ۔

میں نے پوری کوشش کی ہے کہ مضمون کو مختصر کر کے لکھوں لیکن کچھ باتیں ایسی ہوتی ہیں جن کو بیان کرنا نہائیت ضروری ہوتا ہے لہزہ دوستوں سے اپیل ہے کہ تحریر لمبی ہونے کی صورت میں درگزر فرمایا کریں۔

• 
  کبوتروں میں ڈی ورمنگ کی ضرورت
• 
  ون لافٹ کبوتر ریسنگ
• 
  Special Care in Humid Weather For Pigeons

The post کبوتروں کی پھڑکیں اور خصوصی احتیاط appeared first on Kabootar Parwari.

کافی دوستوں نے کہا کہ ان کے کبوتر دوران پرواز خراب ہو گئے ہیں۔ چمب مار کر بیٹھے رہتے ہیں۔ پہلے اچھا اڑتے تھے اب اچھا اڑتے بھی نہیں اور گم سم سے رہتے ہیں۔ پتلی پانی والی بیٹھیں کرتے ہیں۔ جن میں سبز رنگ بھی نظر آتا ہے۔ خوراک روکے رکھتے ہیں صحیح طریقے سے خوراک کو ہضم نہیں کرتے اور پاوں بھی ٹھنڈے رہتے ہیں۔ گردن سے پر اٹھا کر بیمار کبوتر کی طرح بیٹھے رہتے ہیں۔

دوستو ایسی صورت حال میرے ناقص علم کے مطابق تب ہی ہوتی ہے جب کبوتروں کو بے جا ٹھنڈا کیا جائے۔ یا پھر ان کی خوراک میں ایسی چیزیں شامل کی جائیں جو ان کی طبعیت میں دوران پرواز گرمی پیدا کرتی ہوں۔ جو شوقین دوست کبوتروں کو بلاوجہ ٹھنڈا کرتے ہیں۔ یا انجانے میں ان سے کبوتر ٹھنڈے ہو جاتے ہیں۔ تو پہلی فرست میں وہ چیزیں کبوتر کو پلانا یا کھلانا بند کر دیں ۔

کبوتر کی پرواز – اگر کبوتر ٹھنڈا ہو جاۓ

جو کبوتر ٹھنڈے ہونے کی وجہ سے خراب ہوتے ہیں۔ ان کو خوراک میں چھوٹی الائچی کا استعمال مکمل طور بند کر دینا چاہیے۔ چھوٹی الائچی کبوتر کو بہت جلد ایسی حالت میں پہنچانے کی زمیندار ہوتی ہے۔ بلکہ چھوٹی الائچی کا استعمال کسی بھی صورت میں نہیں کرنا چاہیے۔ کبوتر ٹھنڈے ہو گئے ہوں تو ان کی 100 باداموں کی خوراک میں دو خشک پستے جن کا چھلکا اترا ہوا ہو۔ چھ منکے خشک جو سبز کلر میں ہوں بیج نکال کر خوراک میں ڈالیں۔ فی کبوتر دو بیج بڑی الائچی کے خوراک میں شامل کریں۔

یہ خوراک دو دن تک لگاتار کبوتروں کو دیں۔  ایک کپ دودھ میں ایک بڑی الائچی کھول کر ڈالیں۔ تین ابال دے کر نیم گرم 5 سی سی دودھ خوراک کے ساتھ دیں۔ دن مین جتنی بار بھی خوراک دین یہ دودھ ساتھ ضرور دیں ۔ایسے کبوتروں کو مٹی کے برتن میں پانی نا پلائیں۔ پلاسٹک کے برتن میں پانی پلائیں۔ جب کبوتر اپنی روٹین پر آجائیں تو مٹی کے برتن میں پانی پلا سکتے ہیں۔ 

گرم خوراک کبوتر کی پرواز پر اپر

دوسری وجہ بار بار گرم اور خون میں تیزی پیدا کرنے والی خوراک کھانے سے کبوتر روز ہی زور لگا کر اڑتے ہیں جس کی وجہ سے کبوتر روز بروز کمزور ہوتے جاتے ہیں تھکاوٹ نا اترنے کی وجہ سے وجود اور کبوتر کے پٹھوں میں درد رہنے لگتا ہے جس کی وجہ سے کبوتر خوراک بھی نارمل طریقے سے ہضم نہیں کر پاتا اور آخر کار وہ بیچارہ اپنی نیچرل پرواز بھی چھور دیتا ہے اور جلدی واپس آنے لگتا ہے اور کچھ کبوتر اسی کمزوری کی وجہ سے دوسرے مسائل سے بھی دوچار ہو جاتے ہیں.

جس کی وجہ سے وہ گھر چھوڑے پر مجبور ہو جاتے ہیں اگر ان مسائل کی تفصیل میں جاوں گا تو مضمون بہت لمبا ہو جائے گا اس لیے اس بر بات نہیں کرتے۔ اس طرح کرنے سے ایک اور بھی نقصان ہوتا ہے کہ ایسی خوراک کھانے والے کبوتر کی اصل پرواز سے شوقین لا علم رہتا ہے کیونکہ ایسا کبوتر روز ہی ہٹ مار رہا ہوتا ہے کبھی لمبا اڑ جاتا ہے اور کبھی بالکل ہی جلدی بیٹھ جاتا ہے.

اس لیے شوقین اس کی وہ پھڑکیں ہی یاد رکھتا ہے جو اس نے لمبی پرواز کی دی ہوتی ہے لیکن اصل میں شوقین خود کو دھوکے میں رکھ رہا ہوتا ہے جس کا خمیازہ اسے کبوتروں کے بھاگ جانے اور پروازیں کم ہونے کی صورت میں بھگتنا پڑتا ہے۔

کبوتر بازی میں وٹامنز اور ادویات کا غلط استعمال

سب سے پہلے ایسی چیزوں کا استعمال ترک کریں، مثال کے طور پر غیر ملکی ادویات جسے کوئی طاقت کی دوائی سمجھ کر استعمال کر رہا ہوتا ہے یا کوئی پٹھوں کی قوت بخش دوائی کے طور پر استعمال کر رہا ہوتا ہے۔ اور کوئی ملٹی وٹامن خوراک میں مکس کرکے دے رہا ہوتا ہے ملٹی وٹامن کا مطلب یہ ہوتا ہے کہ آپ اے سے لیکر زیڈ تک تمام وٹامن کبوتر کو کھلا رہے ہیں.

اگر کبوتر کو ان کی ضرورت بھی ہے تو تمام وٹامن کی نہیں ہو سکتی مثال کے طور پر کبوتر کو اے بی سی وٹامن کی کمی ہے اور آپ نے اس کو اے ٹو زیڈ وٹامن دے دیے ہیں تو ذرہ سائنسی نکتہ نظر سے اس کو دیکھتے ہیں کسی بھی جاندار کے وجود میں مختلف وٹامن کی ایک حد ہوتی ہے یہ کوئی سٹور نہیں جس میں ہر چیز جمع رہے گی وجود اتنی ہی چیز اپنے پاس رکھے گا جتنی اس کو ضرورت ہے باقی فالتو وٹامن کو جگر جسم سے باہر نکال دے گا۔

سارا مسئلہ یہاں سمجھنا بہت ضروری ہے۔ اب جگر عام حالات میں 100 کی سپیڈ سے کام کر رہا ہے لیکن جیسے ہی جسم میں اتنے فالتو وٹامن شامل ہوتے ہیں جن کی جسم کو ضرورت ہی نہیں تو وہی 100 کی سپیڈ پر کام کرنے والا جگر مجبور ہو کر تین یا چار گناہ زیادہ سپیڈ سے کام کرے گا کیونکہ جب تک فالتو وٹامن جسم سے خارج نہیں ہوتے وہ کام کرتا رہیگا ۔

کبوتروں کے خون میں تلخی کی وجہ

اب اگر ان وٹامن کو نکالنے کے لیے جگر 24 گھنٹے یا اس سے زیادہ وقت لیتا ہے تو باقی جسم کے کام جو وہ پہلے کر رہا تھا اس سے اس کی زمینداری رک جائے گی اور جسم صحیح طریقے پر نہیں رہیگا اور اگلے ہی دن پھر وہی وٹامن جسم میں دوبارا شامل کر دیے جاتے ہیں تو جگر اور جگر کو مدد فراہم کرنے والے عضلات تو اسی کام میں لگے رہیں گے اور جسم کے ذاتی نظام کو پراپر نہیں رکھا جا سکے گا۔

یہی وجہ ہے کہ ایسے کبوتروں کے خون میں تلخی رہتی ہے۔ کبوتر گرم ہو کر اڑتے ہیں اور آخر کار کبوتر اپنی پرواز چھوڑ کر کم اڑنا شروع ہو جاتے۔ اکثر کبوتر خوراک ہضم نہیں کرتے اور وجود نہیں پکڑتے۔ سب سے پہلے ایسی چیزوں کو کھلانا بند کریں۔ کبوتر کو دو سی سی دہی کا پانی دو وقت دیں۔ اور کبوتروں کو دو یا تین دن ریسٹ دیں تاکہ کبوتر اپنا نظام بحال کر سکے۔ خوراک زیادہ مقدار میں نا دیں تاکہ ہضم کرنے میں آسانی ہو۔ انشاء اللہ کبوتر دو تین دن میں وجود بنا لے گا اور واپس اپنی اصل پرواز میں آجائے گا۔ 

کبوتر کا ہاضمہ اور پرواز

تیسری وجہ کبوتروں کے ہاضمے کو تیز کرنے والی دیسی و ولایتی ادویات کا استعمال ہوتا ہے۔ دوستو کبھی بھی کبوتروں کو ہاضمہ تیز کرنے والی چیزیں نہیں دینی چاہیے۔ کبوتر کو اللہ کے بنائے ہوئے نظام کے تحت ہی خوراک ہضم کرنے دینی چاہیے۔ کیونکہ شام کو بیٹھے ہوئے کبوتر کو اگلی پرواز تک 24 گھنٹے سے زیادہ وقت مل جاتا ہے۔ اور 24 گھنٹے میں متناسب خوراک ہو تو کبوتر آسانی سے دوسری پرواز تک تیار ہو جاتا ہے۔ نظام قدرت پر رہنے والے کبوتر زیادہ اڑتے ہیں۔ ان میں مسائل بھی پیدا نہیں ہوتے۔ دوسری کسی بھی صورت میں کبوتر آپ کے کنٹرول سے باہر ہو جائیں گے۔ قدرتی نظام ہی ایسا نظام ہے جس کا کوئی متبادل نہیں ہے۔ اس لیے ایسی ادویات سے دور رہنا چاہیے ورنہ شوق میں مشکلات پیدا ہونگی۔ 

کبوتر بازی میں میڈیسن کا استعمال

چوتھی وجہ بازیوں میں کبوتروں کو پرواز بڑھانے کے لیے حد سے زیادہ میڈیسن یا کوئی بھی نسخہ دینا ہے دنیا کی کوئی بھی ایسی میڈیسن نہیں ہے جو جسم میں تغیرات نا پیدا کرتی ہو۔ زیادہ میڈیسن کے استعمال سے کبوتر ہری بیٹھیں مارنا شروع کر دیتا ہے اور ہاضمہ خراب ہو جاتا ہے جس کی وجہ سے کبوتر بہت کم پرواز کرنے لگتے ہیں اور جسم پر گوشت برائے نام ہی رہ جاتا ہے یعنی کبوتر سوکھ جاتا ہے۔

اس لیے اگر میڈیسن استعمال ہی کرنی تو اس کی کم از کم مقدار استعمال کریں اگر روک کی بازیاں ہیں تو ایک دن دانا پانی کریں اور اگلی پھڑک میں کبوتر سادہ چھوڑیں اگر لگاتار میڈیسن دیں گے تو کبوتر اندر سے جل جائیں گے اور کوئی بھی شوقین اپنے مقاصد حاصل نہیں کر پائے گا اور ایسی صورت ھال۔میں کبوتروں کو دوبارا بحال کرنا انتہائی مشکل اور محنت طلب کام ہے۔ اس لیے احتیاطی تدابیر بھی بروئے کار لایا کریں تاکہ کبوتر پھر سے اچھی پرواز دے سکے۔

کبوتر رات باہر رہ جاۓ

پانچویں وجہ ایسے کبوتر ہوتے ہیں جو رات باہر رہ جاتے ہیں اور دوسرے یا تیسرے دن گھر پہنچتے ہیں اور بھوک پیاس اور وجود میں انرجی کی بہت کم مقدار رہ جانے کی وجہ سے وہ سوکھ جاتے ہیں ایسے کبوتروں کو بھی دو یا تین دن تک ریسٹ دیں طاقت کی میڈیسن بالکل استعمال نا کریں خون میں حدت پیدا کرنے والی کوئی چیز کھانے کو نا دیں اور ٹھنڈا تو بالکل بھی نا کرنے کی کوشش کریں بس خوراک کے بعد بڑی الائچی والا 5 سی سی دودھ خوراک کے ساتھ دیں تاکہ اس کی تھکاوٹ اتارنے میں مددگار ہو۔

• 
  ون لافٹ کبوتر ریسنگ
• 
  مٹی کے برتن کبوتروں میں فوائد اور نقصانات
• 
  مادیاں اور انڈے بریڈنگ سے متعلق اہم معلومات
• 
  گلودو کبوتر سیالکوٹی کبوتروں کا جدامجد
• 
  کبوتروں میں کنکر کا علاج اور علامات
• 
  کبوتروں میں سوکڑا اور معدے کا خراب ہونا

The post کبوتر کی پرواز خراب ہو جانے کا علاج appeared first on Kabootar Parwari.