Yassir Ali Butt Archives - Kabootar Parwari

کبوتر کی خوراک میں پروٹین چکنائ اور کاربوہائڈریٹس کا تناسب

admin — Fri, 29 Oct 2021 11:56:56 +0000

کبوتر کی خوراک: اچھا مکس دانہ 10 یا 12 زرعی اجناس مکس کرنے سے نہیں بلکہ اس مکس دانہ میں پروٹین چکنائی کاربوہائیڈریٹس کے صحیح تناسب کا خیال رکھنے سے بنتا ہے۔ ہمارے زیادہ تر شوقین حضرات کبوتروں سے تین کام لیتے ہے۔ یا یوں کہہ لے کہ انکو تین کیٹا گری میں تقسیم کرتے ہیں۔

ایک فارغ کبوتر – سٹاک برڈ
جوڑے والے کبوتر – بریڈر
اڑانے والے کبوتر – فلائیر

پروٹین چکنائ اور کاربوہائڈریٹس کا تناسب

فارغ کبوتروں کو فی کبوتر 24 گھنٹوں میں 15 سے 20 گرام خوراک کافی ہوتی ہے۔ جوڑوں میں لگے کبوتروں کو فی کبوتر 25 سے 60 گرام دانہ صبح شام مع اضافی وٹامنز منرلز گرٹ اور دن بھر پانی کی دستیابی۔ اڑنے والے کبوتروں کیلئے 25 سے 30 گرام یومیہ دانہ ہاضمہ کارکردگی موسم کے اتار چڑہاؤ کے ساتھ تبدیلی۔ پروٹین فیٹ کا صحیح تناسب۔ یہاں پروٹین دوران پرواز مسلز بریک ڈاون کو ری بلڈ کرنے کیلئے اور فیٹ دوران پرواز استعمال ہونے والے پٹرول کا کام کرتی ہے۔

اب جو کبوتر بالکل فارغ پڑے ہیں۔ انہیں ایسا دانہ دینا کہ جس میں پروٹین اور فیٹ کی مقدار بہت زیادہ ہو۔۔ پیسہ ضائع کرنے کے مترادف اور ایسے کبوتروں کے بیمار ہونے کے چانسز بھی زیادہ۔ کبھی کچھ تو کبھی کچھ۔ فارغ کبوتروں کے لیے صرف گندم بھی بہترین غذا ہے۔ موسم زیادہ سرد ہونے کی صورت میں چکنائی کا اضافہ کر سکتے ہیں۔ اس کے لیے چکناہٹ سے بھرپور اجناس کی مقدار5 سے 6 فی صد شامل کر لیں۔

جوڑے والے کبوتر کی خوراک

اب آتے ہیں بریڈنگ کے لیے دانہ کی طرف تو پیارے بھائیوں یہاں ہمیں پروٹین کی مقدار زیادہ رکھنے کی ضرورت ہیں۔ مگر 15 سے 18 فی صد اس سے زیادہ نہیں کاربوہائیڈریٹس 60 سے 70 فی صد، فیٹ 5 ، 6 فی صد۔

اب اگر آپ پروٹین سے بھرپور اجناس کی زیادتی کرتے ہیں تو کاربوہائیڈریٹس کی ضروریات صحیح مقدار میں نہیں ملتی۔ کبوتر کے نظام انہضام پر اثر پڑتا ہے۔ اسٹریس لیول بڑھ جاتا ہے نتیجہ بیماری ۔

باقی اگر کوئی بھائی یہ کہے کہ اس سب سے فرق نہیں پڑتا یا اس کی اہمیت نہیں۔ تو یا تو وہ دانستہ طور پر بیوقوف بننے کی اداکاری کر رہا ہے۔ یا پھر واقعی اسے کچھ نیا جاننے سیکھنے کی خواہش نہیں۔

کبوتر کے لیے بہترین دانہ

محفوظ احمد ملک: میں نے تجرباتی طور پر مختلف اجناس جن میں گندم، چنا، مکئی کا دلیہ اس میں باجرہ، سرسوں تارامیرا اور تل کا استعمال اڑنے والے کبوتروں کو کرایا اور بادام نزدیک بھی نہیں لے کرگیا۔ کبوتروں نے حیران کن رزلٹ دیے۔ کبوتروں کے جسم ایکسٹرا بنے۔ یہاں تک کے کئی کبوتر ایک ایک ہفتہ کےناغوں پر رات رہتے ریے۔ مسلئہ یہاں یہ ھے کہ اکثریت پریکٹیکل میں نہیں ھوتے اور جو ہیں وہ روایتی کبوتر بازی کر رہے ہیں۔ سو بادام ایک موٹی الائچی چند دکھنی مرچ منکا اور معجون اب انگریزی ادویات کا استعمال۔ ہمت نہیں کرتے نئے تجربے کرنے پر جبکہ میں اسے تھوڑے پیسوں میں اچھے نتائج پر یقین رکھتا ھوں اور آسان کبوتر بازی کو ترجیح دیتا ھوں۔

The post کبوتر کی خوراک میں پروٹین چکنائ اور کاربوہائڈریٹس کا تناسب appeared first on Kabootar Parwari.

مادیاں اور انڈے بریڈنگ سے متعلق اہم معلومات

admin — Wed, 01 Sep 2021 19:25:53 +0000

مادیاں اور انڈے دینے کی صلاحیت: دیگر پرندوں کی طرح کبوتر پروری میں بھی افزائش نسل کا زیادہ تر دارومدار مادیوں کے انڈے دینے کی صلاحیت پر منحصر ہوتا ہے۔ ایک صحت مند کبوتر ۷ کلی کی عمر سے لیکر ۱۲ _۱۵ سال کی عمر تک انڈے دیتی رہتی ہیں۔ اچھی خوراک، کیلشیئم وٹامنز کی فراہمی بہت ضروری ہے. اچھے بریڈر نر کا ساتھ ہونے سے یہ صلاحیت مادیوں کی عمر کے زیادہ حصہ تک برقرار رہتی ہیں ۔

مادہ کبوتر سال میں کتنے انڈے دیتی ہے

کبوتروں کی افزائش نسل ایک وسیع عنوان جس پر کافی کچھ لکھا جا سکتا ہیں. مادیوں میں انڈے دینے کی صلاحیت قدرتی طور پر ایک دائرے، ٹائم فریم یا مزید آسان کرو تو سائیکل کے طرح ہوتی ہے۔ ہر سرکل کی شروعات یا آخر میں اکثر مادیاں ایک انڈہ یا پھر ایک انڈہ بڑا یا پھر ایک زیادہ چھوٹا دیتی ہیں۔ انڈے دینے کا یہ سلسلہ جب شروع ہوتا ہے تو سال بھر میں ایک مادی ۱۰ سے ۱۲ بار انڈے دیتی ہیں. اس سائیکل کے اختام پر کچھ قدرتی وقفہ آتا ہے۔ کریچ ، پر پٹائی کے بعد پر نکالنے کے دوران انڈے دینے کی یہ صلاحیت سست یا بالکل رک بھی جاتی ہیں۔

بیماریوں کیساتھ ساتھ، آنتوں کے کیڑے، کیلشیئم، پروٹین کی کمی، اُووری کے گرد سوزش، اندرونی زخم، بیٹھنے کیلئے غیر مناسب جگہ، بہت زیادہ سردی، ذہنی دباؤ ( اداسی )، دڑبوں میں انسانوں کی زیادہ آمدورفت، بھی ایسے عوامل ہیں جو انڈے دینے کی اس صلاحیت پر اثر انداز ہوتے ہیں۔

مادہ کبوتر اور کیلشیم کی کمی

انڈوں کے چھلکے بننے کے عمل میں کیلشیئم کی کثیر مقدار استعمال ہوتی ہے۔ اس کی کمی چھلکے کی رنگت میں پیلاہٹ ، کچے پن، انڈے دیکر مادیوں میں ٹانگوں سے معذوری یا پر گرا لینے سے ظاہر ہوتی ہیں۔ کیلشیئم کی کم مقدار سے تیار ہوئے انڈوں کے چھلکے توڑنے میں انڈے کے اندر پلنے والے بچے کو بھی مشکل ہوتی ہے۔ جسکا نتیجہ انڈے میں ہی موت ہو جاتی ۔ سالمونیلا کا شکار کبوتروں کے بچے بھی انڈے کے اندر مر جاتے یا چھلکا توڑ کر باہر نہیں آسکتے ۔ خیر یہ ایک الگ موضوع ہے ۔

مادیاں اور انڈے | کبوتر کا جوڑا کب لگائے

دس ۱۰ پر صاف کرنے کے بعد مادیوں کو جوڑے میں لگائیں. کریچ کے موسم یعنی ( جولائی ، اگست ستمبر ) یا ( نومبر دسمبر جنوری) میں مادیوں کو جوڑوں میں نا لگائیں۔ کوشش کریں کے بریڈنگ میں لگانے سے پہلے ڈی ورمنگ ضرور کر لیں۔ کیلشیئم کیساتھ ساتھ دانہ میں پروٹین کی مقدار ۱۸ فی صد تک لیجائے۔

مادیاں اور انڈے اہم ہدایات

مادیوں کو کم سے کم پکڑیں۔ شوق کیلئے آنے والے دوستوں کو بھی مادی پکڑا کر شوق مت کروائیں ۔انڈے پر آئی اور انڈوں پر بیٹھی مادیوں کو کم سے کم پکڑیں۔ اس بات کا خیال رکھیں کہ انڈوں پر بیٹھی مادی نے دانہ کھا کر پانی پی لیا کہ نہیں۔ اکثر مادیاں جلدی جلدی دانہ کھا کر پانی پیے بغیر انڈوں پر جا بیٹھتی اور پھر بیمار ہو جاتی۔ یہاں یہ بات ذہن میں رکھیں کہ صحت مند کبوتر ہی صحت مند بچے نکالتے اور پالتے ہیں ۔

Pigeon Articles Related Posts

The post مادیاں اور انڈے بریڈنگ سے متعلق اہم معلومات appeared first on Kabootar Parwari.

چھوٹے بچوں کی خوراک | کبوتر کے بچے ہاتھ سے پالنے کا طریقہ

admin — Wed, 01 Sep 2021 19:21:17 +0000

کبوتر کے چھوٹے بچوں کی خوراک۔ اکثر دوست پوچھتے ہیں کہ کبوتر یا مادی مر گئی یا اڑ گئی تو بچوں کو کیسے پالیں۔ ایک بہت آسان سا طریقہ کار شیئر کر رہا ہو جس کو بنانے میں بہت کم وقت لگتا ہیں۔ اللہ کے فضل و کرم سے بچوں میں پوٹ روک جانے جیسا مسئلہ بھی پیدا نہیں ہوتا۔ بیمار کبوتروں، کم چوغ ملنے یا پہلے بچے سے دو دن بعد نکلنے کی وجہ سے سائز میں چھوٹا رہ جانے والے بچوں، خانے سے وقت سے پہلے باہر گر جانے والے بچوں کیلئے بہترین خوراک. جو ان کی نشوونما میں کافی مددگار ثابت ہوگی۔

کبوتروں کے بچوں کو ہاتھ سے پالنے کیلئے خوراک

پچس سے 30 گرام بیسن کو 120 سے 150 ایم ایل نیم گرم پانی حل کر لیں ۔ فی بچہ 20 سے 30 ایم ایل بیسن ملا پانی 8 سے 10 گھنٹے کے وقفہ سے دن میں دو بار دیں۔ ان شا ء اللہ بچے بہترین صحت مند پلیں گے۔ بیمار کبوتروں کو دانہ کی بجائے اس محلول میں دوائی جو دینا مقصود ہو دیں۔

سادہ پانی کی جگہ، وٹامنز، الیکٹرولائیٹس، پروبائیوٹکس. بیمار کبوتروں کیلئے اینٹی بائیوٹیکس وغیرہ ملا پانی بھی حسب ضرورت استعمال کر سکتے ہیں۔ خیال رہے کہ وٹامنز اور دیگر اجزاء کی مقدار کا حاص خیال رکھا جائے۔ جن بچوں کو انکے ماں باپ پال رہے ہو اور جب وہ چوغ لے لیں تو یہ محلول اضافی خوراک کے طور پر بھی دے سکتے ہیں۔ فیڈنگ سرنج یا چھوٹی سرنج کے ساتھ باریک پائپ لگا کر یہ خوراک 5 ، 6 دن کے بچے سے لیکر بڑے بوڑھے کبوتر تک استعمال کر سکتے ہیں۔ چھوٹے بچوں کو خوراک دیتے وقت خوراک کے درجہ حرارت کا خصوصی خیال رکھیں ۔

کبوتر کے چھوٹے بچوں کی خوراک اور مقدار

بہت چھوٹے بچوں کیلئے خوراک ایک حصہ بیسن میں 5 سے 6 حصے پانی. جبکہ بڑے بچوں کبوتروں کیلئے ایک حصہ بیسن میں 3 سے 4 حصہ پانی حل کرنے سے بہترین خوراک تیار ہوتی ہیں۔ بیسن حل کرتے وقت اگر سطح پر جھاگ بنے تو اس جھاگ کو چمچ سے اتار کر پھینک دیں۔

میں اس خوراک دینے کے طریقہ کار کو اپنے بیمار کبوتر اور کبوتروں کے بچوں پر کامیابی سے استعمال کر چکا ہو۔ اس لیے آپ دوستوں کے ساتھ شیئر کر رہا ہو۔ طالب دعا یاسر بٹ مانچسٹر یوکے۔

The post چھوٹے بچوں کی خوراک | کبوتر کے بچے ہاتھ سے پالنے کا طریقہ appeared first on Kabootar Parwari.

کبوتروں میں ایڈینووائرس اور احتیاطی تدابیر

admin — Mon, 24 May 2021 07:32:53 +0000

کبوتروں میں ایڈینووائرس – پیارے دوستوں اس امید کیساتھ کہ آپ سب خیر وعافیت سے ہونگے اللہ تعالی سے دعا گو ہو اللہ پاک آپ سب دوستوں کو مزید برکتوں سے نوازے آمین ۔

تحریر – یاسر علی بٹ

پیارے دوستوں کوئلہ آپ سب اس سے بخوبی واقف ہونگے ۔ شاید کبوتروں میں اس کے استعمال و افادیت آپ کی نظر سے نہ گزری ہو ۔ جسم ( بالخصوص انتڑیوں ) میں بننے والی زہریلی گیس کے اخراج میں بہت
مددگار ثابت ہوتا ہے۔ اس کے باریک چھوٹے ٹکرے کرکے کبوتروں کی گریٹ میں شامل کریں۔

ایک نسخہ جو میرا آزمودہ ہے آپ دوستوں کے ساتھ شئیر کر رہا ہو بات سمجھ آئے تو دعا میں یاد رکھیے گا ۔ فضول کی تنقید سے اپنے اور دوسروں کے وقت کے ضیاع کا باعث بننے سے پرہیز کیجیے ۔

اگر کبوتروں کے بچے سست ہو جائے اور پوٹ روک لیں

اکثر آپ نے دیکھا ہو گا کبوتر خاص طور پر بچے سست پر پھلا کر بیٹھ جاتے ہیں ۔پوٹ روک جاتے ، اپھار ، منہ کھولنے پر بدبودار ، قہ ، بیٹھ ہری ، پیلی رنگ کی کرتے ہیں ۔ اس بیماری کو ایڈینووائرس ، ینگ برڈ سکنس کا نام سے جانا جاتا ہے ۔

ایسی صورت حال میں اگر کبوتر کی پوٹ پلٹا کر اسے بھیگے چنے کے برابر “کوئلہ” بمعہ پانچ سی سی پانی دیا جائے اور تقریبا ۱۰ سے ۱۲ گھنٹے کے بعد باریک دانہ دیا جائے تو کافی حد تک کبوتر ٹھیک ہو جاتا ہے ۔

کبوتروں میں ایڈینووائرس

یہ نسخہ پہلے دن ہی اگر بیماری کا حملہ جانچ لیا جائے تو کافی کارآمد ہے۔ جب یہ بیماری حملہ کرتی ہیں تو ساتھ ہی کچھ دیگر جراثیم بھی حملہ آور ہو جاتے ہیں ۔

یہ نسخہ پہلے دن ہی اگر بیماری کا حملہ جانچ لیا جائے تو کافی کارآمد ہے کیونکہ جب یہ بیماری حملہ کرتی ہیں تو ساتھ ہی کچھ دیگر جراثیم بھی حملہ آور ہو جاتے ہیں ۔ انکے لیے اینٹی بائیوٹک کا استعمال کرنا پڑتا ہے سادہ پانی کی جگہ دوائی والا پانی بھی دے سکتے ہیں ۔ یاد رہے کبوتر ۲۴ گھنٹے بھوکا رہنے سے نہیں مرتا.

The post کبوتروں میں ایڈینووائرس اور احتیاطی تدابیر appeared first on Kabootar Parwari.

سردیوں میں کبوتروں کے لیے دانہ کی مقدار

admin — Wed, 18 Nov 2020 09:29:55 +0000

تحریر – یاسر علی بٹ صاحب

سردیوں میں کبوتروں کے لیے دانہ کی مقدار بچے پالتے کبوتروں کو صبح ، شام دو وقت 60 سے 90 گرام فی جوڑا کے حساب سے۔ دن کا دورانیہ لائٹ آن رکھ کر گرمیوں جیسا ہی رکھیں۔

سردیوں میں دانہ کی مقدار

سردیوں میں فارغ کبوتروں کو 20 سے 25 گرام فی کبوتر کے حساب سے 24 گھنٹوں میں ایک بار۔ دانہ کے ساتھ فورا پانی نہ رکھیں۔ بلکہ جب دانہ کھا لیں کم از کم 20 منٹ انتظار کریں۔ پھر ٹھار توڑ کر تازہ پانی رکھیں۔ اور توجہ رکھیں سب کبوتروں نے پانی پی لیا ہے۔ ان شا ء اللہ سب خیر رہے گی۔

The post سردیوں میں کبوتروں کے لیے دانہ کی مقدار appeared first on Kabootar Parwari.