Ustad Mehar Zaman Archives - Kabootar Parwari

Kabootar Bazi – If Pigeon Squabs Die in Egg

admin — Thu, 10 Mar 2022 09:33:47 +0000

(Kabootar Bazi) اسلام علیکم امید ہے تمام دوست خیر و عافیت سے ہوں گے۔ اللہ پاک آپ سمیت ہم کو بھی اپنی حفاظت میں رکھے اور صحت و تندرستی عطا فرمائے آمین ثم آمین یا رب العالمین۔ دوستو کچھ شوقین دوستوں کے بچے آجکل انڈوں میں ہی مر رہے ہیں۔ دن پورے ہونے کے بعد بھی بچہ انڈے کے اندر ہی مر رہا ہے۔ تو پریشان مت ہوں یہ کوئی بیماری نہیں ہے۔

کچھ استاد اسے نر کی خرابی کچھ مادہ کی خرابی اور کچھ کیلشم کی کمی یا زیادتی سے منسوب کرتے ہیں۔ تو میرے نزدیک ایسا کچھ بھی نہیں ہے۔ کیلشیم کے زیادہ مقدار سے انڈے کا چھلکا بے شک مظبوط ہوتا ہے۔ مگر ایسا بھی نہیں کے ٹوٹ نہ سکے۔

اب وجہ اور حل کی طرف آتے ہیں۔ اکثریت میں پرندے انڈوں کے دن پورے ہونے پر اپنی نوک مار کر انڈوں کے چھلکے کو ڈیمنج کر دیتے ہیں۔ اور اپنے دن مکمل کیا ہوا بچہ اپنے جسم کو اکڑاتا ہے اور انڈے کو توڑ لیتا ہے۔ کچھ پرندے جو دن پورے ہونے پر بھی انڈوں کو نوک نہیں مارتے۔ ایسی صورتحال میں بچہ اپنے دن پورے کرنے پر اپنا جسم اکڑاتا ہے۔ اگر چھلکا سخت ہو تو وہ چٹخ کر ٹوٹ جاتا ہے۔

Kabootar Bazi – Reason Behind

انڈہ نہ ٹوٹ پانے کی وجہ نمی ہوتی ہے۔ نمی انڈے کے چھلکے میں لچک پیدا کرتی ہے۔ جب بچہ اپنا جسم اکڑاتا ہے تو چھلکا بھی ساتھ لچک لے کر اس کے ٹوٹنے میں دشواری پیدا کرتا ہے۔ جہاں سورج کی روشنی نہ پہنچ سکے اور ٹھنڈک کا احساس رہے وہاں نمی پیدا ہو جانا بڑی بات نہیں۔ حبس کے موسم میں رطوبت پیدا ہوتی ہے۔ جو اس وجہ کا بھی باعث بنتی ہے۔ اس کے علاوہ ایام پورے ہونے پر پرندے کا نہا کر گیلا جسم لے کر انڈے پر بیٹھ جانا بھی نمی کا باعث بنتا ہے اور یہ چیز سامنے آتی ہے۔

پرندوں کو خشک ماحول فراہم کریں۔ اگر نمی کا احساس ہو تو انڈوں کا دھیان رکھیں۔ دن پورے ہونے پر خود انڈہ کریک کر دیں۔ یہ مسلئہ پیدا نہیں ہو گا۔ اللہ آپ سب کا حامی و ناصر ہو دعاوں کا طالب استاد مہر زمان شاگرد استاد اکرام پہلوان صاحب۔

The post Kabootar Bazi – If Pigeon Squabs Die in Egg appeared first on Kabootar Parwari.

کبوتر کی آنکھ اور حقیقت

admin — Sun, 06 Mar 2022 16:15:50 +0000

کبوتر کی آنکھ اور حقیقت – اسلام علیکم پیارے دوستو آج آپ سے خدا کی عطا کردہ نعمتوں میں سے ایک خاص نعمت آنکھ پر اپنے خیالات اور تجربہ شیئر کرنے کی کوشش کروں گا۔ اس کا بے شک کام دنیاوی رنگینوں اور حالات سے خدوخال روشناس کرانا ہے۔ اس کے بغیر چرند پرند انسان مطلب ہر جاندار کی زندگی تاریک ہے۔ میرے کچھ دوست مجھے کہتے ہیں آپ کی منطق بلکل عجیب ہوتی ہے۔ جو سب سے الگ ہوتی ہے اور وہ درست نہیں ہوتی ۔ مکمن ہے وہ اپنی جگہ درست ہوں ہر اک کا سوچنے کا الگ الگ طریقہ کار ہوتا ہے۔

تحریر: استاد مہر زمان شاگرد استاد اکرام پہلوان صاحب

دوستو آنکھوں کے بارے میں کہا جاتا ہے یہ آیئنہ ہیں۔ بلکل یہ آیئنہ ہیں مگر جس کی ہوں اس کے لیے۔ ہر ایک کے لیے اس کی آنکھ اس کے لیے ایک آیئنہ ہی ہے۔ کیونکے وہ اسے ہر چیز سے روشناس کرواتی ہے۔ اچھا اب اگر انسانوں کی طرف جایئں تو ان آنکھوں سے ہم بہت کچھ دیکھنے کی کوشش بھی کرتے۔ مثال کے طور پر آنکھوں میں چمک کو خوشی یا کامیابی سے بھی منسوب کیا جاتا ہے۔ جب کے جب وہی چمکیلی آنکھ ڈھل ہو جائے تو اس میں کلروں کی چینجنگ کی بنیاد پر بیماری، نقاہت یا افسردگی بیان کرتی ہے۔

مختلف رنگ

ڈاکٹر انہی آنکھوں کے بدلے کلروں کو دیکھ کر بیماری کی قسم کا تعین بھی کرنے کی کوشش کرتے ہیں۔ دوستو آنکھیں جیسے روح کی کھڑکی ہوتی ہیں ویسے ہی یہ شخصیت کا آیئنہ بھی ہوتی ہیں۔ انسانی آنکھوں کو سائنسی بنیادوں کو کلر کے اعتبار سے مختلف احساسات پر متعین کرنے کی کوشش کی جاتی ہے۔ جیسے کالی پتلیوں والے افراد کے بارے میں کہا جاتا یہ کر گزرنے والی اکثریت رکھتے ہیں۔ ایسے آنکھوں کے لوگ کم ہی دھوکہ باز ہوتے ہیں۔ جبکے زمینی کلر کی آنکھ دنیا میں زیادہ ہے اسے سادگی، طاقت یا تخلیقی صلاحیتوں سے منسوب کرتے ہیں۔ ایسے لوگ نئے نئے دوست بنانے کے شوقین ہوتے ہیں۔ جبکے نیلی آنکھیں کم مگر نہایت پر کشش اور ہر اک کو اپنی طرف مائل کر لینے والی ہوتی ہیں۔ ایسی آنکھوں والے لوگ دھیمہ لہجہ رکھنے کے ساتھ ساتھ احترام دینے والے۔

بہر اسی طرح ان کو بیان کرنے لگوں تو وقت کا ضیاع سمجھا جائے گا کیوں کے میرا موضوع اپنے شوق سے ہٹ جائے گا۔ ایک اہم بات اور نقطہ جو بولا جاتا ہے وہ یہ ہے کے آنکھیں جھوٹ نہیں بولتی۔ دوستو یہ اب جملہ پرانا ہو چکا ہے۔ اس کو سمجھنے کی ضرورت ہے۔ آنکھیں جھوٹ نہیں بولتی صرف اس کے لیے جس کی ہیں۔ دوسرے کے لیے تو یہی جھوٹ کا آجکل سب سے اہم جز ہے۔ انسانوں میں بڑے بڑے بادشاہ انہی حسین آنکھوں کے جال میں پھنس کر سلطنتوں کو گنوا بیٹھے۔ اوپر بیان گئی سب نشانیاں بھی حتمی نہیں صرف مفروضے ہی ہیں ۔

ڈربی میں پڑے کبوتر کی آنکھ اور حقیقت

کبوتر کی آنکھ اور حقیقت – میرا اصل تحریر کا پوائنٹ ہمارے شوق میں آج کا سب سے بڑا دھوکہ بھی یہی آنکھ ہے۔ آجکل کے دوکانداروں نے دیہاڑی دار استادوں نے ایسی ایسی دھوکے باز آنکھیں بنا دی ہیں جو کسی بھی شوقین کو دھوکہ دے سکتی ہیں۔ مگر اہم بات یہ ہے کہ بے شمار نئے پرانے شوقین اس دھوکے کا بڑے آرام سے شکار ہو رہے ہیں۔

آپ ڈربیوں میں چلے جائیں آپکو مسحور کر دینے والی پرندوں کی آنکھیں مل جایئں گی۔ یہی تو وہ آنکھیں تھیں جن نے بادشاہوں کی سلطنتیں تباہ کر دیں۔ لہذہ اب آنکھوں تک ہی مت رہیں، جسامت، پر، باڈی سٹرکچراور آنکھوں پر یقین کرنے کے بعد سب سے اہم چیز آسمان و میدان کو پرکھنا مت بھولیں ۔ ورنہ آپ بھی ہمیشہ اپنے آپکو دھوکہ دینے والوں میں شمار ہو سکتے ہیں۔ کیونکہ یہ یاد رکھ لیں اگر خوبصورت چیزوں کو ہی یاد رکھا جاتا ہے تو دور حاضر میں خوبصورت چیزیں ہی جھوٹ بولتی ہیں۔ نارمل یا بے رنگ چیزوں کا کوئی گاہک نہیں۔ یہ چیز اب لوٹنے والوں اور ٹھگوں کو بھی سمجھ آ چکی ہے۔ لہذا آنکھیں بھی جھوٹ بولتی ہیں۔ استاد مہر زمان شاگرد استاد اکرام پہلوان صاحب

The post کبوتر کی آنکھ اور حقیقت appeared first on Kabootar Parwari.

کبوتروں کو ویکسین کرنا کیوں ضروری

admin — Wed, 16 Feb 2022 14:41:12 +0000

اسلام علیکم – کبوتروں کو ویکسین کرنا کیوں ضروری ؟ دوستو پاکستان میں آجکل سردی کے ساتھ ساتھ ہر جاندار کی زندگی بھی مشکلات کا شکار ہے۔ مختلف وبایئں پھیلی ہوئی ہیں۔ جس میں خاص کر نزلہ زکام گلہ خراب پیش پیش ہے۔ گھر کے ایک فرد کو ہونے کے بعد گھر کے تمام افراد اس کی لپیٹ میں آ رہے ہیں ۔ احتیاط علاج سے بہتر ہےاس لیے اپنا اور اپنوں کا بہت خیال رکھیں۔ جہاں انسانوں کے لیے مشکلات ہیں وہیں حیوانات چرند پرند ہر اک اس سردی کے ساتھ ساتھ مختلف بیماریوں کی زد میں ہیں۔

انہی میں ہمارے شوق والے پرندے کبوتر بھی آ جاتے ہیں۔ جو دوست ویکسین کر کے سمجھتے ہیں کے اب ہم ہر احتیاط سے آزاد ہیں۔ وہ بعد میں نکمی ویکسین یا نقلی ویکسین کا رونا روتے نظر آتے ہیں۔ جس وائرس سے بچنے کے لیے ویکسین کی گئی اس کے نقصانات کم ضرور ہوں گے مگر متاثر ضرور ہونگے۔ پاکستان میں ویسے بھی ویکسین کرنے کے لیے کارآمد موسم ٹھنڈ کا ہی ہوتا ہے۔ جس میں آپکو ویکسین فعال ممکن طور پر میسر ہو سکتی ہے۔ ورنہ گرمی میں ویکسین کو مناسب طریقہ سے محفوظ نہ کرنے کی وجہ سے ویسے ہی ویکسین نام کی ویکسین رہ گئی ہوتی ہے۔

کبوتروں کو ویکسین کے نقصان

ایک تو یہ پوائنٹ ہو گیا جس کی طرف آپ دوستوں کی توجہ مبذول کرانا چاہتا ہوں وہ یہ ہے کے میری نظر میں ہر ویکسین کے کچھ سایئڈ افیکٹ بھی میں نے دیکھے ہیں۔ جس میں سب سے اہم نقصان جنسی تولید کا کم ہونا یا ختم ہونا بھی شامل ہے۔ میری مراد نر کا بت سے اور مادہ کا انڈوں سے فارغ ہونا ہے ۔ویکسین جتنی سستی ہو گی اتنا ہی نقصان کرے گی خاص کر لسوٹا دو سے تین دفعہ پلانے کے بعد آپکو یہ چیز واضح ہو جائے گی۔ اس لیے ہمیشہ اچھی ہی لگایئں اس کے سایئڈ افیکٹ کم ہوتے ہیں۔

میری نظر میں اڑنے والے سب پرندوں کو ویکسین لازمی کرنا چاہیے اور جوڑوں والے پرندوں کو ویکسین کی بجائے احتیاط ہی کر لینا بہتر ہے۔ لازم ہو تو 5 سال سے کم عمر کے پرندوں کو ویکسن کریں۔ کیونکہ دیکھا گیا ہے کہ پختہ عمر کا پرندہ مظبوط اعصاب کا مالک ہو چکا ہوتا ہے۔ اور بڑی عمر کا پرندہ آپ غور کریں تو وائرس شدہ پرندوں میں بھی دھندناتا پھرتا ہے اور اللہ کی مرضی سے محفوظ رہتا ہے۔ اگر اللہ نہ کرے پکڑ میں آئے بھی تو جھولا میں نہیں جاتا ہلکا سا لقوہ کا شکار ہوتا ہے۔

باقی ضروری نہیں میرا کہنا یا تجربہ ہی بہتر ہو میں نے جو آج تک نچوڑ نکالا وہ آپ تک پہنچایا ہے۔ باقی اللہ ہی ہر چیز پر قادر ہے وہ جو چاہے کر سکتا ہے ۔ مگر اک بات جس پر کوئی سمجھوتا نہیں کیا جا سکتا وہ یہی ہے کہ احتیاط علاج سے بہتر ہے۔ آپکا دوست استاد مہر زمان شاگرد استاد اکرام صاحب مرحوم۔

The post کبوتروں کو ویکسین کرنا کیوں ضروری appeared first on Kabootar Parwari.