Khalifa Awais Archives - Kabootar Parwari

سردی میں کبوتروں کی دیکھ بھال

admin — Sun, 19 Dec 2021 08:07:37 +0000

سردی میں کبوتروں کی دیکھ بھال – محترم بھائیو اور دوستو السلام عليكم ورحمة الله۔ برادران گرامی سردی کا موسم اپنے عروج کی طرف بڑھ رہا ھے۔ الله کریم سے دعا ھے کہ أپ سب، آپ کے اہل و عیال اور أپ کا شوق سرد موسم کی سختیوں اور تباہ کاریوں سے محفوظ رہیں۔ اور اس موسم کی نعمتوں سے صحیح طرح مستفید ہوں۔أمین

خلیفہ اویس

سردی کے موسم اپنے أغاذ میں ھی بہت جگہوں پر اپنا رنگ دکھا چکا ھے۔ انسان تو انسان جانور، چرند پرند سب ھی پریشان ہیں۔ انسان کو الله نے عقل اور فہم سے نوازا ھے۔ اور وہ اپنے اپنے وسائل کے مطابق سردی سے محفوظ رہنے کے اقدامات کر لیتا ہے۔ جنگلی پرندے الله کی نگہبانی میں رہتے ہیں۔ پالتوں پرندے جو ہم نے اپنے گھروں میں پالے ہوتے ہیں ان کی رہائیش اور ان کے دانے پانی کے ھم ذمہ دار ھیں۔ ذرا سی بے احتیاطی شوقین کے شوق کو آسمان سے زمین پر پہنچا دیتی ھے۔ اس لئے احتیاط کا دامن کبھی نہ چھوڑیں۔ ورنہ نقصان کا اندیشہ بڑھ جاتا ھے۔ ذیل میں کچھ احتیاط اور تدابیر بتائی گئیں ھیں جو حرف آخر تو نہیں لیکن أپ کی مدد گار ضرور ثابت ہوں گی۔

سردی میں کبوتروں کو کب باہر نکالیں

آپ کے برڈز کا دڑبہ ھوا دار ھو۔ جس میں سے ھوا کی کراسنگ ھوتی ھو۔ اس سے أپ کے دڑبے میں بیٹھوں کی وجہ سے پیدا ھونے والی گیس جمع نہیں ہو گی۔ ھوا تازہ رھے گی۔ اور برڈز کا نظام تنفس ٹھیک رھے گا۔ أپ اپنے برڈز کو رات کے وقت دڑبے میں بند کریں۔ کھلے أسمان کے نیچے پرندے نہ رہیں۔ اگر أپ رات کو دڑبے کے گرد کوئ بوری، ٹاٹ یا کوئ موٹا کپڑا لگا کر اس کو ھوا بند کر دیتے ھیں تو پھر صبح کبوتر دیر سے کھولیں۔

یعنی جب دھوپ نکل أۓ۔ یا اگر موسم ٹھیک نہیں ھے تو پھر کپڑا ایک دم نہ اٹھائیں۔ پہلے آدھے دروازے سے کپڑا اٹھائیں پھر کچھ دیر کے بعد پورے دروازے سے اٹھائیں۔ اور پھر بھی کبوتر باہر نہ نکالیں۔ کم۔سے کم دس پندرہ منٹ کے بعد کبوتر باہر جال میں کھولیں ۔ سخت سردی ھو تو ہفتہ میں ایک دفعہ کنوار گندل اور گڑ والا پانی بنا کر پلائیں۔ نارمل سردی ھو پندرہ دن میں ایک دفعہ پلائیں۔

ایک چیز کی احتیاط کریں کہ دڑبہ میں پرندے گنجائش سے زیادہ نہ ھوں۔ اگر پرندے زیادہ ھوں گے تو بیماری کا خدشہ بڑھ جاۓ گا۔ کوشش کریں کہ زیادہ ھونے کی صورت میں پرندے پہلے ھی کسی کو دے دیں۔ تھوڑے رکھیں اچھے رکھیں۔ دانہ دھو کے ڈالیں۔ بے شک تازہ دانہ دھو کے اسی وقت ڈال دیں۔ دانہ دھونے سے چھلکا صاف ہو جاتا ھے۔ اور اگر دانے پرسپرے کے یا سٹوروں میں بند رہ رہ کے جو خرابی کے اثرات ھوتے ھیں وہ دھل کے ختم ھو جاتے ھیں۔

سردی میں کبوتروں پر بیماری کا حملہ

بارش کے بعد کے موسم میں برڈز کو ڈسپرین اور کارمی نیٹو مکسچر کو پانی میں مکس کر کے پلائیں۔ برڈز کو باقاعدگی سے کوئ سی بھی کمپنی کی ویکسین کریں انکو رانی کھیت سے محفوظ رکھنے کے لئے۔ یاد رکھیں کہ یہ احتیاطی تدبیرھے۔ بیماری کا علاج نھیں۔

اب یاد رکھیں کہ اگر خدا نخواستہ آپ کے گھر میں رانی کھیت یعنی لقوے جھولے کا اٹیک شروع ھو چکا ھے۔ تو ایسی صورت میں کسی بھی قسم کی ویکسین انتہائ جان لیوا ثابت ھوتی ھے۔ اگر پرندے کی زندگی چند دنوں کی ھے تو وہ چند گھنٹوں تک محدود ہو جاتی ھے۔ اب اس سٹیج پر پرندوں کی قوت مدافعت بڑھانے کی طرف توجہ دینی چاہۓ۔ ان کو اچھی قسم کے ملٹی وٹامن کا استعمال کرانا چاہۓ۔ تاکہ انکا بیماری کے خلاف مدافعتی نظام بہتر ھو سکے۔ لقوے اور رانی کھیت سے بچنے کے لۓ ویکسین کے علاوہ ایک اور دوائ اینروسم کا کورس ھر ۲ ماہ کے بعد کرنا چاہۓ۔ یہ کورس کم سے کم ۳ دن کا ھوتا ھے۔

استعمال کا طریقہ کار ایک سی سی دوائ کو دو لیٹر پانی میں مکس کر کے پلائیں۔ دھیان رھے کہ دوائ کی مقدار زیادہ نہیں ھونی چاہۓ۔ نہیں تو نقصان کا اندیشہ ھے۔ اس کے علاوہ پرندوں کو وٹامن بی کی گولیاں کبھی کبھار دیتے رہا کریں۔ مذید کبوتروں کے مدافعتی نظام کو بہتر بنانے کے لئے أپ ایک اور انجیکشن (ایمینوکس) کا استعمال بھی کر سکتے ھیں۔ جب آپ اینروسم کا کورس کروائیں تو اسی پانی میں ایمینوکس کے 2 سی سی بھی مکس کر لیا کریں۔ یعنی اینروسم 1سی سی اور ایمینوکس کے 2 سی سی کو دو لیٹر پانی میں مکس کر کے پلائیں۔

سردی کا موسم اور خصوصی احتیاط

ان سب باتوں کے ساتھ ساتھ دھیان رھے ک باھر سے نیا پرندہ نہ لائیں۔ اگر کوئی آبھی جاۓ تو کوشش کریں کہ کچھ دن علیحدہ رکھ کے اس کی صحت کی جانچ پژتال کر لی جاۓ۔ ایک بات کی اور بھی احتیاط کریں جو ھے تو بہت عجیب سی لیکن تجربے سے ثابت شدہ ھے۔ وہ یہ کہ آجکل بیماری کا زور ھے تقریبأ ہر بندہ ھی بارود کے ڈھیر پر بیٹھا ھے۔ اس لیۓ نہ تو کسی کے گھر شوق کے لیۓ جائیں اور نہ ھی کسی کو شوق کی دعوت دیں۔ کیونکہ یہ بات دونوں کے لیۓ ھی فائدہ مند ھے۔ اور أپ اور أپ کے گھر والوں کے لیۓ بھی فائدے میں ھے۔ کیونکہ کرونا کی وبا بھی دن بدن زور پکڑ رھی ھے۔ اپنے گھر میں رھیں سکھ سے جیئیں۔

باقی احتیاط اور تدابیر تو بہت سی ھیں سب ھی کرتے ہیں۔ صرف ایک اور ضروری کام بھی کریں وہ یہ کہ۔ الله کریم سے اپنے لیۓ اپنے گھر والوں کے لئے اپنے شوق کے لئے اور دوست احباب کے لئے دعا گو رھیں۔ کہ الله سب کے لئے اپنا کرم فرمائیں اور ہر طرح کے دکھ پریشانی اور تکلیف سے محفوظ رکھیں۔ آمین۔

The post سردی میں کبوتروں کی دیکھ بھال appeared first on Kabootar Parwari.

کبوتر کی ہڈی اور جوڑ سے پرکھ – خلیفہ اویس

admin — Tue, 19 Jan 2021 10:21:41 +0000

کبوتر کی ہڈی اور جوڑ – میرا آج کاموضوع ہے کبوتر کی پرکھ میں اسکی سپ کی ہڈی اور جوڑ کا کردار۔ مضمون شروع کرنے سے پہلے میں بتا دینا چاہتا ہوں کہ یہ سب میری ذاتی رائے اور تجربہ ہے۔ لھذا اگر کسی بات پر آپ کو اختلاف ہو تو ضرور بتائیے گا۔ کیونکہ حرف آخر کوئ بھی نہیں اور میں بھی ابھی سیکھنے کے عمل سے گزر رہا ہوں۔ بعض اوقات کسی کی سنائ ہوئ بات کوئ قصہ کوئ واقعہ انسان کے ذہن پر انمٹ نقوش چھوڑ جاتا ہے۔ جو اس کی جستجو کے راستے میں مشعل راہ ثابت ہوتا ہے۔

یہ واقعہ مجہے میرے ایک محسن نے سنایا تھا۔ بقول ان کے کہ ہمارے راولپنڈی ایک مشہور استاد “استاد رحیم بخش مرحوم صاحب” ایک جگہ تشریف فرما تہے۔ کبوتروں کی باتیں ہو رہی تہیں کہ استاد جی نے کہا کہ کبوتر جس بھی نسل کا ہو اپنی ہڈی سے پہچانا جاتا ہے یعنی ہر نسل کی اپنی ہڈی ہوتی ہے۔ بہت باتیں ہوئیں اور باتوں میں بات گم ہو گئ۔

ایک دفعہ استاد جی لاہور گئے وہاں پر لوگوں نے پھر اس بات کو پکڑ لیا۔ استاد جی کی آنکہوں پر ڈبل پٹیاں باندھی گئیں کہ کہیں دیگھ ہی نہ لیں۔ مختلف نسلوں کے کبوتر لائے گئے استاد جی نے ہر دفعہ کبوتر کو ہاتھ میں پکڑ کے پرکھا اور صحیح نسل بتا دی جس پر وہاں بیٹہے تمام استاد بہت حیران ہوئے ۔آفرین ہے استاد جی کی پرکھ پر۔ اللہ کریم کروٹ کروٹ سکون عطا فرمائیں اورمغفرت فرمائیں۔ آمین

میرے ذہن میں یہ واقعہ نقش ہو چکا ہے اور اللہ سے مانگی جانے والی بہت سی دعاوں میں سے ایک دعا یہ بھی ہے کہ اللہ مجہے بھی کچھ ایسی ہی پرکھ عطا فرمائیں۔ آمین۔

“Knowledge is Power, Power provides Information; Information leads to Education, Education breeds Wisdom; Wisdom is Liberation. People are not liberated because of lack of knowledge.”

کبوتر کی ہڈی کی قسمیں

اب آ جاتے ہیں دوبارہ پوسٹ کی طرف جب ہم کبوتر کو پرکھنے کے لئے پکڑتے ہیں تو نا سمجھتے ہوۓ بھی کبوتر کی ہڈی پر ہاتھ پھیرتے ہیں چاہے کچھ سمجھ آۓ یا نا آۓ۔ میرے نزدیک ہڈی کی جو قسمیں ہیں ان میں سے ایک ہڈی کشتی نما ہوتی ہے۔ جسکو لمبی ہڈی یا کھڑی ہڈی بھی کہتے ہیں، یہ ہڈی عام طور پر 4 انگلیوں کے برابر یا کچھ ذیادہ بڑی ہوتی ہے۔

ہڈی کی دوسری قسم اردو کے حرف (ب) جیسی ہوتی ہے۔ یہ تقریبأ 4 انگلیوں کے برابر یا کچھ کم ہوتی ہے۔ ہڈی کی تیسری قسم بیٹھی ہوئ ہڈی ہوتی ہے ۔یہ ہڈی تقریبأ 3 انگلیوں کے برابر ہوتی ہے۔ ہڈی کی چوتھی قسم اردو کے حرف (ب) کی طرح ھی شروع ہوتی ہے لیکن یہ اپنی ب پوری نہیں بناتی، بلکہ درمیان میں ھی ختم ہو جاتی ہے۔ اس ہڈی کو اصل میں چھوٹی ہڈی کھا جاتا ہے۔ کیونکہ یہ اپنی ب کو پورا نہیں کرتی اور اس ہڈی کو درجہ بندی کے اعتبار سے سب سے کم سمجھا جاتا ہے۔

کبوترکی ہڈی کی سائیڈوں پر گوشت

ہڈی چاہے کیسی بھی ہو یاد رکھئے گا کہ ہڈی کی سائیڈوں پر گوشت بہت زیادہ نہ ہو۔ اگر گوشت ہے تو یاد رکہیں کہ گوشت پلپلا نہ ہو۔ اور نہ ھی گوشت بہت سخت ہو۔ بلکہ گوشت نرم اور ملائم ہو۔ اس کے علاوہ جو سب سے اہم پوائنٹ ہے وہ یہ ہے کہ ہڈی کہ دو کونے ہیں۔ ایک بالکل شروع میں پوٹے کے نیچے اور روسرا آخر میں جوڑ سے پہلے۔ یہ دونوں کنارے چبھتے ہوۓ ہوں کاٹتے ہوۓ نوکیلے ہوں۔ ہاتھ پھیرنے سے یہ آپ کے ہاتھ میں جپھن کا احساس پیدا کریں۔

جس کبوتر کی ہڈی کے کنارے آپ کے ہاتھ میں نہ چبہیں۔ تو وہ کبوتر کبھی بھی اے کلاس کبوتر نہیں ہو سکتا۔ جب آپ ہڈی پر ہاتھ پھیریں تو پھر ہڈی نرم ملائم اور خشک ہو۔ ہڈی کی خشکی کو سمجھنے کے لئےآپ ایک پرانی لکڑی کا کٹا ہوا ٹکڑا لیں۔ جیسے اس کے اوپر ہاتھ پھیرنے پر آپ کو خشکی کا احساس ہو گا۔ بالکل ویسے ھی کبوتر کی ہڈی کا بھی احساس ہو۔

جوڑ کی اہمیت

اب جب ہم ہڈی کی بات کرتے ہیں تو یہ ایک ادہوری بات ہو گی کیونکہ جوڑ اور ہڈی ایک دوسرے کے ساتھ لازم و ملزوم ہیں۔ جوڑ کبوتر کی پرکھ اور کارکردگی میں بنیاد کی حیثیت رکھتا ہے۔ کبوتر کی پرکھ کے لئے بنا ہوا ایک شہرہ آفاق محاورہ ہے اس میں بھی جوڑ کا ذکر موجود ہے جو جوڑ کی اہمیت کو مزید اجاگر کرتا ہے۔“آنکھ نقطہ۔ ۔۔۔۔پر جھکتا۔ ۔۔۔اور جوڑ پختہ” ساری کبوتر بازی کو صرف 3چیزوں میں سمیٹنے کی کوشش میں بھی جوڑ کا ذکر اس کی اہمیت کو مزید اجاگر کرتا ہے۔

میرے نزدیک جوڑ کی بناوٹ (موٹا جوڑ، کھلا جوڑ، تنگ جوڑ، بند جوڑ) سے بھی زیادہ اہمیت جوڑ کی ہڈی کے مطابق پوزیشن کی ہے۔ جب ہم کبوتر کی ہڈی پر ہاتھ پھیرتے ہوۓ آگے بڑھتے ہیں۔ تو ہم نے محسوس کرنا ہے کہ جوڑ کس پوزیشن میں آیا۔ جوڑ ہڈی سے اوپر آیا۔ اور آپ کا ہاتھ جوڑ کہ چھوۓ بنا آگے نکل گیا۔ یا جوڑ نے آپ کا ہاتھ روک لیا۔ یعنی آپ کی انگلی جوڑ کو ٹکرا کے رک گئ۔

اب جس کبوتر پر آپ کی انگلی ہڈی سے گزر گئ اور جوڑ کا پتہ بھی نہیں چلا تو وہ کبوتر ھر امتحان میں پاس ہو گا۔ اڑان میں بھی اور بریڈ میں بھی اور جس کبوتر پر آپ کا ہاتھ رک گیا۔ وہ بی کلاس ہو گا۔ اڑنے میں کام دے جاۓ تو ٹھیک نہیں تو اس برڈ کو بریڈ میں استعمال نہ کریں۔ پھر جوڑ جتنے چہوٹے اور ملائم ہوں گے اتنے اچھے ہوں گے۔ بڑے اور موٹے جوڑوں والے کبوتروں کو ھائ فلائر برڈز میں پسند نہیں کیا جاتا۔

کبوتر کے جوڑ کی بناوٹ

کھلے جوڑ کا کوئ مئسلہ نہیں ہوتا۔ ایسے کبوتر جوڑوں میں بھی کام کرتے ہیں اور اڑان میں بھی۔ اب غور کرنے کی ایک اور بھی بات ہے وہ یہ کہ جوڑ بیلنس ہوں، جوڑ آگے پیچہے اور ٹیڑہے میڑہے نہ ہوں اور چیک کرنے پر ان کا بیلنس خراب نہ ہو۔ بعض اوقات جوڑ ہڈی کی بالکل سیدھ میں ہوتا ہے۔ وہ جوڑ بھی اچھا ہوتا ہے بشرطیکہ وہ بیلنس ہو۔ ایسا جوڑ عام طور پر ہڈی کی تیسری قسم میں آتا ہے اور میرے حساب میں ہڈی کی تیسری قسم نایاب ہے جو بہت کم کبوتروں میں ہوتی ہے۔ یہ ہڈی اگر پریل کبوتروں میں ہے تو پھر تو لا جواب ہے۔لیکن اگر یہی ہڈی مسیل کبوتروں میں ہے تو پھر یہ ہڈی کامیاب نہیں۔

ہڈی کی چوتھی قسم جو آدھ میں آ کر ختم ہو جاتی ہے اس ہڈی کے کبو تر اکثر گر جاتے ہیں جب بھی کبوتر زور مارتے ہیں وہ گھر نہیں پہنچتے یا پھر کہیں بیٹھ کر آتے ہیں۔ بات کو سمیٹنے کی کوشش کرتے ہیں ہڈی کے کونے چبھتے ہوں۔ہڈی ملائم اور خشک ہو۔ ہڈی کی ب پوری بنے۔جوڑ بیلنس ہوں۔ بند ہوں تو زیادہ اچھی بات ہے لیکن اگر کھلے بھی ہیں تو کوئ مئسلہ نہیں۔ بس جوڑ بیلنس ہوں۔ جوڑ ہڈی سے اوپر ہوں۔ ہڈی سے نیچے یا باھر کی طرف نہ نکلے ہوں۔جوڑ ریشم کی طرح ملائم اور نرم ہوں۔

سینئر اساتذہ کرام سے گزارش ہے کہ اس پوسٹ کو پڑہیں۔۔ُ۔۔اگر کہیں کوئ غلطی ہو گئ ہے تو درگزر فرما کر اس کی درستگی فرما دیں۔۔۔۔۔کیونکہ جب آپ کسی کے راستے کو روشن کرتے ہیں تو الله تعالی کے خاص فضل و کرم سے آپ کا راستہ خود بخود روشن ہو جاۓ گا۔

اجازت چاہوں گا آپکا بھائ خلیفہ اویس

The post کبوتر کی ہڈی اور جوڑ سے پرکھ – خلیفہ اویس appeared first on Kabootar Parwari.